San Juan 7:36 - Õꞌacʉ̃ Yere Ucũrĩ Turi

³⁶ Cʉ̃ tojo níꞌque ¿deꞌro nisĩꞌrĩrõ weeapari? ni aꞌmerĩ sẽrĩtiñaꞌwã.

Tukano

³⁶ Kɨ̃ɨ̂ tohô niî'ke de'ró niî sĩ'riro weeápari? niî a'mêri sẽrí yã'awã.

San Juan 7:36 Iomraidhean Croise

San Juan 12:34

Masã tere tʉꞌorã, aꞌtiro niwã: —Õꞌacʉ̃ ye queti ojáca pũrĩpʉ na buꞌeĩꞌocã, aꞌtiro tʉꞌonoꞌwʉ̃: “Õꞌacʉ̃ beseꞌcʉ Cristo catinuꞌcũcʉ̃sami.” ¿Deꞌro weeacjʉ mʉꞌʉ peꞌe tja “Õꞌacʉ̃ macʉ̃ masʉ̃ weronojõ upʉtigʉ ʉꞌmʉarõpʉ tuumorõnʉꞌcõnoꞌgʉ̃sami”, niti? Õꞌacʉ̃ macʉ̃ masʉ̃ weronojõ upʉtigʉ ¿noanojõ niti? ni sẽrĩtiñaꞌwã.

San Juan 13:33

Yʉꞌʉ meꞌrãcjãrã, cãꞌrõ mʉsã meꞌrã nitʉogʉsaꞌa. Mʉsã yʉꞌʉre aꞌmarãsaꞌa. Yʉꞌʉ judío masãrẽ todʉporopʉre níꞌcaronojõta mʉsãrẽ niꞌcãrõacã nigʉ̃ti. Yʉꞌʉ waꞌatjopʉre mʉsã waꞌamasĩtisaꞌa.

San Juan 3:4

Nicodemo cʉ̃rẽ sẽrĩtiñaꞌwĩ: —¿Deꞌro basiobosari marĩ bʉcʉáca beꞌro apaturi majãmisãjãa, marĩ paco ya paapʉ bajuacã tja? Marĩ pacopʉre apaturi bajuamasĩtisaꞌa.

San Juan 3:9

Nicodemo sẽrĩtiñaꞌwĩ tja: —¿Deꞌro wee Espíritu Santu meꞌrã bajuata basiosari?

San Juan 6:41

Jesú “Yʉꞌʉ ʉꞌmʉsepʉ dijatiꞌcʉ baꞌase weronojõ nigʉ̃́ niꞌi” nicã tʉꞌorã, judío masã wiorã cʉ̃ meꞌrã ua waꞌawã.

San Juan 6:52

Cʉ̃ tojo nicã tʉꞌorã, judío masã wiorã aꞌmerĩ ucũwã: —¿Deꞌro wee marĩrẽ ãꞌrĩ cʉ̃ upʉre baꞌadutibosari?

San Juan 6:60

Jesure siruturi masã cʉ̃ buꞌesere tʉꞌorã, aꞌtiro niwã: —Cʉ̃ werese diasayʉꞌrʉaꞌa. ¿Noa tere tʉꞌomasĩpõtẽobosaʉ?

San Juan 7:34

Yʉꞌʉre aꞌmasiruturã, mʉsã bocasome. Yʉꞌʉ waꞌaropʉre waꞌamasĩsome.

San Juan 8:21

Jesú judío masã wiorãrẽ niwĩ: —Yʉꞌʉ waꞌagʉ weeꞌe. Yʉꞌʉ waꞌáca beꞌro mʉsã yʉꞌʉre aꞌmarãsaꞌa. Mʉsã acobojonoꞌña marĩrã wẽrĩrãsaꞌa. Yʉꞌʉ waꞌatjopʉre mʉsã waꞌamasĩsome.

1 Corintios 2:14

Espíritu Santure moogʉ̃ aꞌtiro weesami. Õꞌacʉ̃ ye cjasere, Espíritu Santu buꞌesere ʉatisami. “Tojo nimaꞌacãrõ weeꞌe”, nisami. Espíritu Santu meꞌrã marĩ Õꞌacʉ̃ yere masĩꞌi. Tojo weegʉ cʉ̃rẽ moogʉ̃ Õꞌacʉ̃ yere “Tojo nirõ weeꞌe”, ni tʉꞌomasĩtisami.