San Juan 7:26 - Õꞌacʉ̃ Yere Ucũrĩ Turi

²⁶ Cʉ̃ nipeꞌtirã ĩꞌorõpʉ buꞌegʉ weemi. Na cʉ̃rẽ ne mejẽcã nitiama. ¿Apetero weerã wiorã ãꞌrĩ Õꞌacʉ̃ macʉ̃ cʉ̃ beseꞌcʉ nimi nisere ẽjõpeosari?

Tukano

²⁶ Kɨ̃ɨ̂ niî pe'tirã ĩ'yóropɨ bu'êgɨ weemí. Naâ kɨ̃ɨ̂re neê mehêkã niîtiama. Apé tero weérã wiôrã ã'rí Õ'âkɨ̃hɨ makɨ kɨ̃ɨ̂ besé'kɨ niîmi niisére ẽho peósari?

San Juan 7:26 Iomraidhean Croise

Mateus 22:16

Tojo weerã na buꞌesere siruturãrẽ, tojo nicã ãpẽrã Herode ya curuacjãrã meꞌrã Jesú tiropʉ oꞌócãrã niwã. Na cʉ̃ tiropʉ etarã, niwã: —Masãrẽ buꞌegʉ, ʉ̃sã mʉꞌʉ nisetisere masĩꞌi. Mʉꞌʉ diacjʉ̃ ucũꞌu. Masã yʉꞌʉre ¿deꞌro wãcũrãsari? nirṍ marĩrõ diacjʉ̃ ucũꞌu. Õꞌacʉ̃ yere diacjʉ̃ wereꞌe. Ãpẽrã wiorã nima nirṍ marĩrõ nipeꞌtirãrẽ niꞌcãrõnojõ ĩꞌaꞌa.

San Lucas 23:13

Beꞌro Pilato paꞌia wiorãrẽ, judío masã wiorãrẽ, nipeꞌtirã masãrẽ neocũucʉ niwĩ.

San Lucas 7:30

Fariseo masã, tojo nicã Moisé ojaꞌquere buꞌeri masã peꞌe Juã wãmeyenoꞌña marĩꞌcãrã nitjĩarã, Õꞌacʉ̃ narẽ weesĩꞌrĩsere ʉaticãrã niwã.

San Juan 12:42

Pãjãrã judío masã Jesure ẽjõpeowã. Niꞌcãrẽrã wiorã waropʉta ẽjõpeowã. Fariseo masãrẽ uirã, bajuyoropʉ Jesure ẽjõpeosere ucũtiwã. Ʉ̃sãrẽ judío masã na nerẽrĩ wiꞌipʉ nirãrẽ cõꞌawĩrõrĩ nírã, tojo weewã.

San Juan 18:20

Jesú cʉ̃rẽ yʉꞌticʉ niwĩ: —Yʉꞌʉ nipeꞌtirã tʉꞌoropʉ buꞌewʉ. Judío masã nerẽse wiꞌseripʉ, tojo nicã Õꞌacʉ̃ wiꞌi judío masã nerẽwʉaropʉ buꞌewʉ. Yaꞌyioropʉ buꞌetiwʉ.

San Juan 3:1

Niꞌcʉ̃ fariseo masʉ̃ Nicodemo wãmetigʉ niwĩ. Cʉ̃ ãpẽrã judío masã wiorã meꞌrã niwĩ.

San Juan 4:29

—Mʉsã quẽꞌrã ĩꞌarã aꞌtia. Sõꞌo, niꞌcʉ̃ ʉmʉ niami. Cʉ̃ yʉꞌʉ deꞌro weeꞌquere masĩpeꞌocãꞌmi. Cʉ̃ Õꞌacʉ̃ beseꞌcʉta niapĩba, nico niwõ.

San Juan 7:25

Jesú masãrẽ buꞌeri cura ãpẽrã Jerusalẽ́cjãrã niwã: —¿Ãꞌrĩta niti na wẽjẽsĩꞌrĩ wapagʉ́?

San Juan 7:31

Masã pãjãrã cʉ̃rẽ ẽjõpeowã. Aꞌtiro niwã: —¿To pũrĩcãrẽ Õꞌacʉ̃ beseꞌcʉ Cristo aꞌtigʉ, ãꞌrĩ weeĩꞌoꞌque nemorõ weegʉsari? niwã.

San Juan 7:48

Añurõ tʉꞌomasĩña. Ne niꞌcʉ̃ wiogʉ, ne niꞌcʉ̃ fariseo masʉ̃ cʉ̃rẽ ẽjõpeotima.

San Juan 9:22

Cʉ̃ pacʉsʉmʉa uirã, tojo nicãrã niwã. Judío masã wiorã todʉporopʉ aꞌtiro nicãrã niwã: “Noꞌo Jesure ‘Õꞌacʉ̃ cʉ̃ oꞌóꞌcʉ nimi’ nigʉ̃nojõrẽ Õꞌacʉ̃ wiꞌipʉta cõꞌawĩrõnoꞌrõsaꞌa. Cʉ̃ marĩ meꞌrã nisetinemosome”, nicãrã niwã.

Hechos 4:13

Cʉ̃ tojo nicã tʉꞌorã, wiorã tʉꞌomarĩa waꞌacãrã niwã. Na basu aꞌmerĩ ucũcãrã niwã: —Ãꞌrã mejõ nirã nima. Buꞌeꞌcãrã mejẽta nima. Na buꞌetiꞌcãrã nimirã, añurõ masĩse, wãcũtutuase meꞌrã ucũma. Na tojo weecã, marĩ narẽ ĩꞌamasĩꞌi. Ãꞌrã Jesú meꞌrã níꞌcãrã nima, nicãrã niwã.

Filipenses 1:14

Yʉꞌʉ buꞌiri daꞌreri wiꞌipʉ niyucã, pãjãrã marĩ acawererã wãcũtutuama. Te ye buꞌiri na marĩ wiogʉre ẽjõpeonemorã, uiro marĩrõ Õꞌacʉ̃ ye quetire werema.