San Juan 6:46 - Õꞌacʉ̃ Yere Ucũrĩ Turi

⁴⁶ »Ne niꞌcʉ̃ masʉ̃ Õꞌacʉ̃ yʉꞌʉ pacʉre ĩꞌatimi. Yʉꞌʉ cʉ̃ meꞌrã níꞌcʉ diaꞌcʉ̃ ĩꞌawʉ̃.

Tukano

⁴⁶ Neê ni'kɨ́ masɨ́ Õ'âkɨ̃hɨ yɨ'ɨ̂ pakɨre ĩ'yâtimi. Yɨ'ɨ̂ kɨ̃ɨ̂ me'ra niî'kɨ di'akɨ̃ ĩ'yâwɨ.

San Juan 6:46 Iomraidhean Croise

Éxodo 24:10

Topʉ na Õꞌacʉ̃, Israe curuacjãrã wiogʉre ĩꞌacãrã niwã. Cʉ̃ ʉꞌtacũrõrẽ añuse yaꞌsase peri zafiro wãmetise peri asipaꞌacũñacaro niwʉ̃. Ʉꞌmʉse weronojõ yaꞌsameꞌrĩcãꞌcaro niwʉ̃.

Mateus 11:27

Beꞌro Jesú masãrẽ ninemowĩ: —Yʉꞌʉ pacʉ nipeꞌtise weemasĩsere yʉꞌʉre oꞌowĩ. Cʉ̃ niꞌcʉ̃ta yʉꞌʉ nisetisere masĩpeꞌocãꞌsami. Yʉꞌʉ quẽꞌrã niꞌcʉ̃ta cʉ̃ nisetisere masĩpeꞌoꞌo. Noꞌo yʉꞌʉ masĩcã weenoꞌrã quẽꞌrã cʉ̃ nisetisere masĩsama.

San Lucas 10:22

Beꞌro masãrẽ ninemocʉ niwĩ tja: —Yʉꞌʉ pacʉ nipeꞌtise weemasĩsere yʉꞌʉre oꞌowĩ. Cʉ̃ niꞌcʉ̃ta yʉꞌʉ nisetisere masĩpeꞌocãꞌsami. Yʉꞌʉ quẽꞌrã niꞌcʉ̃ta cʉ̃ nisetisere masĩpeꞌoꞌo. Noꞌo yʉꞌʉ masĩcã weenoꞌrã quẽꞌrã cʉ̃ nisetisere masĩsama, nicʉ niwĩ Jesú.

San Juan 1:18

Ne niꞌcʉ̃ Õꞌacʉ̃rẽ ĩꞌaticʉ niwĩ. Cʉ̃ macʉ̃ niꞌcʉ̃ta cʉ̃ meꞌrã ninuꞌcũgʉ̃ cʉ̃ pacʉre marĩrẽ masĩcã weewĩ.

San Juan 14:7

Mʉsã yʉꞌʉre masĩrã, yʉꞌʉ pacʉ quẽꞌrãrẽ masĩbosaꞌa. Niꞌcãrõacã meꞌrã cʉ̃rẽ masĩꞌi. Mʉsã yʉꞌʉre ĩꞌarã, cʉ̃rẽ ĩꞌarã weronojõ niꞌi, niwĩ Jesú.

San Juan 15:24

Ne niꞌcʉ̃ weetisere na tiropʉre peje weeĩꞌomiwʉ̃. Yʉꞌʉre masĩdutigʉ tojo weewʉ. Yʉꞌʉ weeĩꞌotica beꞌroma buꞌiri moobosama. Na yʉꞌʉ weeꞌquere ĩꞌawã. Tere ĩꞌamirã, yʉꞌʉre ĩꞌatuꞌtiwã. Yʉꞌʉ pacʉ quẽꞌrãrẽ ĩꞌatuꞌtiwã.

San Juan 5:37

Tojo nicã yé cjasere yʉꞌʉ pacʉ, yʉꞌʉre oꞌóꞌcʉ añurõ ucũmi. Mʉsã Õꞌacʉ̃ ucũsere tʉꞌoweꞌe. Cʉ̃ bajusere ĩꞌaweꞌe.

San Juan 7:29

Yʉꞌʉ cʉ̃ tiropʉ níꞌcʉ niꞌi. Tojo weegʉ cʉ̃rẽ masĩꞌi, niwĩ Jesú.

San Juan 8:19

Na Jesure sẽrĩtiñaꞌwã: —To pũrĩcãrẽ ¿mʉꞌʉ pacʉ noꞌopʉ nisari? Jesú narẽ yʉꞌtiwĩ: —Mʉsã yʉꞌʉre masĩweꞌe. Yʉꞌʉ pacʉ quẽꞌrãrẽ masĩtisaꞌa. Yʉꞌʉre masĩrã, cʉ̃ quẽꞌrãrẽ masĩboapã, niwĩ.

San Juan 8:55

Mʉsã cʉ̃rẽ masĩtisaꞌa. Yʉꞌʉ pũrĩcã masĩꞌi. Yʉꞌʉ cʉ̃rẽ masĩweꞌe nígʉ̃, mʉsã weronojõ nisoosepijagʉ nibosaꞌa. Diacjʉ̃ta niꞌi. Yʉꞌʉ cʉ̃rẽ masĩꞌi. Cʉ̃ dutisere weeꞌe.

Colosenses 1:15

Õꞌacʉ̃rẽ ĩꞌanoꞌña marĩꞌi. Cʉ̃ macʉ̃ aꞌti nucũcãpʉ aꞌtigʉ, cʉ̃ nisetisere masãrẽ bajuyoropʉ ĩꞌocʉ niwĩ. Jesucristo nipeꞌtise dʉporo nitojacʉ niwĩ.

1 Timoteo 6:16

Cʉ̃ niꞌcʉ̃ta catinuꞌcũmi. Cʉ̃ pũrõ asisteropʉ nimi. Ne niꞌcʉ̃ masʉ̃ cʉ̃ basu Õꞌacʉ̃ nirõpʉ waꞌamasĩtimi. Ne niꞌcʉ̃ cʉ̃rẽ ĩꞌaticʉ niwĩ. Ĩꞌata basioweꞌe. Õꞌacʉ̃ niꞌcʉ̃rẽta añurõ ucũyʉꞌrʉnʉꞌcãrõʉaꞌa. “Cʉ̃ wiogʉ ninuꞌcũato”, nirõʉaꞌa. Tojota niato.

1 João 4:12

Aꞌti ʉmʉcopʉre ne niꞌcʉ̃ Õꞌacʉ̃rẽ ĩꞌaꞌcʉ marĩmi. Marĩ cʉ̃rẽ ĩꞌatiꞌcãrã nimirã, ãpẽrãrẽ maꞌírã, cʉ̃ marĩpʉre nisere masĩꞌi. Cʉ̃ marĩrẽ maꞌiꞌque ye buꞌiri ãpẽrãrẽ queoro maꞌita basioꞌo.