San Juan 6:14 - Õꞌacʉ̃ Yere Ucũrĩ Turi

¹⁴ Masã Jesú tojo weecã ĩꞌarã, cʉ̃rẽ niwã: —“Õꞌacʉ̃ ye queti weremʉꞌtãrĩ masʉ̃ aꞌtiacjʉ niapʉ” níꞌcʉ ãꞌrĩta nitʉꞌsami.

Tukano

¹⁴ Masá Jesu tohô weekã́ ĩ'yârã, kɨ̃ɨ̂re niîwã: —“Õ'âkɨ̃hɨ yee kiti werê mɨ'tagɨ a'tiákɨhɨ niiápɨ'” niî'kɨ ã'ritá niî tɨ'sami.

San Juan 6:14 Iomraidhean Croise

Génesis 49:10

Judá, mʉꞌʉ dutisere ne niꞌcʉ̃ mʉꞌʉrẽ ẽꞌmasome. Téé nipeꞌtirocjãrãrẽ dutiacjʉ aꞌticãpʉ ninuꞌcũgʉ̃saꞌa. Mʉꞌʉrẽ nipeꞌtise macãrĩcjãrã yʉꞌtirãsama.

Mateus 11:3

Aꞌtiro narẽ sẽrĩtiñaꞌduticʉ niwĩ: —“¿Mʉꞌʉta niti ‘Masãrẽ yʉꞌrʉoacjʉ aꞌtigʉsami’ ninoꞌcʉ, o apĩpʉre yucuerãsari yujupʉ?” ni sẽrĩtiñaꞌña, nicʉ niwĩ.

Mateus 21:11

Narẽ Jesú meꞌrã waꞌarã yʉꞌtiwã: —Cʉ̃ Jesú Õꞌacʉ̃ ye queti weremʉꞌtãrĩ masʉ̃ Nazare macã Galilea diꞌtacjʉ̃ nimi, niwã.

San Lucas 24:19

Cʉ̃ tojo nicã, Jesú narẽ nicʉ niwĩ: —¿Deꞌro waꞌati? nicʉ niwĩ. Cʉ̃rẽ nicãrã niwã: —Jesú Nazarecjʉ̃rẽ waꞌaꞌquere ucũrã weeapʉ. Cʉ̃ Õꞌacʉ̃ ye queti weremʉꞌtãrĩ masʉ̃ niwĩ. Cʉ̃ Õꞌacʉ̃ ĩꞌorõpʉ, masã ĩꞌorõpʉre cʉ̃ weese, cʉ̃ ucũse meꞌrã tutuayʉꞌrʉamiwĩ.

San Lucas 7:16

Aꞌtere ĩꞌarã, nipeꞌtirã masã ʉcʉacãrã niwã. Tojo weerã Õꞌacʉ̃rẽ eꞌcatipeorã, aꞌtiro nicãrã niwã: —Niꞌcʉ̃ Õꞌacʉ̃ ye queti weremʉꞌtãrĩ masʉ̃ tutuayʉꞌrʉgʉ marĩ waꞌteropʉre bajuami, nicãrã niwã. Apeye quẽꞌrãrẽ ninemocãrã niwã: —Õꞌacʉ̃ cʉ̃ yarãrẽ weetamugʉ̃ aꞌtigʉ weeapĩ, nicãrã niwã.

San Juan 1:21

Na cʉ̃rẽ apaturi sẽrĩtiñaꞌwã: —¿To pũrĩcãrẽ ñamʉnojõ niti? ¿Mʉꞌʉ todʉporocjʉ̃ Õꞌacʉ̃ ye queti weremʉꞌtãrĩ masʉ̃ Elía mejẽta niti? Juã narẽ yʉꞌtiwĩ: —Niweꞌe. Na cʉ̃rẽ apaturi sẽrĩtiñaꞌnemowã tja: —¿Mʉꞌʉ sõꞌonícʉ Õꞌacʉ̃ yere weremʉꞌtãrĩ masʉ̃, masã na “Aꞌtiacjʉ niapʉ” na níꞌcʉ mejẽta niti? Juã narẽ “Niweꞌe”, niwĩ.

San Juan 11:27

Co cʉ̃rẽ niwõ: —Wiogʉ, mʉꞌʉrẽ ẽjõpeoꞌo. Mʉꞌʉ Õꞌacʉ̃ beseꞌcʉ Cristo, Õꞌacʉ̃ macʉ̃ niꞌi. Mʉꞌʉ “Niꞌcʉ̃ masʉ̃ aꞌtiacjʉ niapʉ” níꞌcʉ niꞌi, niwõ.

San Juan 2:11

Jesú aꞌtere Galilea wãmetiro Caná wãmetiri macãpʉ weewĩ. Aꞌte ne waro cʉ̃ tutuaro meꞌrã weeĩꞌonʉꞌcãꞌque niꞌi. Tere ĩꞌarã, ʉ̃sã cʉ̃ buꞌerã cʉ̃rẽ ẽjõpeowʉ.

San Juan 4:19

Tojo nicã tʉꞌogo, Jesure nico niwõ: —Mʉꞌʉ Õꞌacʉ̃ ye queti weremʉꞌtãrĩ masʉ̃ nisaꞌa.

San Juan 4:25

Co cʉ̃rẽ nico niwõ: —Yʉꞌʉ masĩꞌi. Mesías, Õꞌacʉ̃ cʉ̃ beseꞌcʉ Cristo, aꞌtigʉsami. Cʉ̃ aꞌtigʉ, marĩrẽ nipeꞌtisere weregʉsami, nico niwõ.

San Juan 4:42

Beꞌro numiorẽ niwã: —Ʉ̃sã mʉꞌʉ wereꞌque meꞌrã diaꞌcʉ̃ cʉ̃rẽ ẽjõpeoweꞌe. Ʉ̃sã basu cʉ̃ ucũsere tʉꞌoapʉ. Tojo weerã cʉ̃rẽ ẽjõpeoꞌo. Ʉ̃sã masĩꞌi. Diacjʉ̃ta niapã. Cʉ̃ Õꞌacʉ̃ beseꞌcʉ aꞌti turicjãrã masãrẽ yʉꞌrʉogʉ nimi, niwã core.

San Juan 6:2

Masã cʉ̃ weeĩꞌose meꞌrã dutitirãrẽ yʉꞌrʉocã ĩꞌarã, pãjãrã sirutuwã.

San Juan 6:26

Jesú narẽ yʉꞌtiwĩ: —Diacjʉ̃ta nigʉ̃ti. Mʉsã pã́ baꞌa yapiꞌque ye buꞌiri yʉꞌʉre aꞌmaꞌa. Yʉꞌʉ tutuaro meꞌrã weeꞌque peꞌere ¿deꞌro nirõ weeati? ni tʉꞌomasĩtisaꞌa.

San Juan 6:30

Na cʉ̃rẽ sẽrĩtiñaꞌwã: —¿Ñeꞌenojõ meꞌrã ĩꞌogʉ̃sari ʉ̃sã mʉꞌʉrẽ ẽjõpeocã? ¿Deꞌro bajuse weegʉsari?

San Juan 7:40

Ãpẽrã Jesú ucũꞌquere tʉꞌorã, aꞌtiro niwã: —Diacjʉ̃ta niꞌi. Ãꞌrĩ “Õꞌacʉ̃ ye queti weremʉꞌtãrĩ masʉ̃ aꞌtiacjʉ niapʉ” na níꞌcʉta nimi.

Hechos 7:37

Moiséta marĩ ñecʉ̃sʉmʉarẽ aꞌtiro werecʉ niwĩ: “Õꞌacʉ̃ beꞌropʉ niꞌcʉ̃ oꞌógʉsami cʉ̃ ye queti wereacjʉre. Yʉꞌʉre oꞌóꞌcaro weronojõta cʉ̃rẽ oꞌógʉsami. Cʉ̃ quẽꞌrã marĩ acaweregʉ nigʉ̃sami”, nicʉ niwĩ.