San Juan 4:10 - Õꞌacʉ̃ Yere Ucũrĩ Turi

¹⁰ Jesú nicʉ niwĩ: —Mʉꞌʉ Õꞌacʉ̃ masãrẽ oꞌosere masĩtisaꞌa. Yʉꞌʉ quẽꞌrãrẽ masĩtisaꞌa. Mʉꞌʉ masĩgõ pũrĩcã, yʉꞌʉre sẽrĩboapã. Mʉꞌʉ sẽrĩcã, yʉꞌʉ peꞌe aco catise oꞌose warore oꞌoboapã.

Tukano

¹⁰ Jesu niîkɨ niîwĩ: —Mɨ'ɨ̂ Õ'âkɨ̃hɨ masaré o'osére masîtisa'. Yɨ'ɨ́ kẽ'rare masîtisa'. Mɨ'ɨ̂ masîgo pũrikã, yɨ'ɨ̂re sẽri booápã. Mɨ'ɨ̂ sẽrikã́, yɨ'ɨ̂ pe'e akó katisé o'osére o'ô booapã.

San Juan 4:10 Iomraidhean Croise

Éxodo 17:6

Yʉꞌʉ mʉꞌʉ dʉporo ʉ̃rʉ̃gʉ̃ Horeb wãmeticjʉ pʉꞌto ʉ̃tãgãpʉ nuꞌcũgʉ̃ti. Mʉꞌʉ tigare doteya. Mʉꞌʉ dotecã, masã sĩꞌrĩcã, aco wijarosaꞌa, nicʉ niwĩ Õꞌacʉ̃. Moisé Israe curuacjãrã wiorã ĩꞌorõpʉ Õꞌacʉ̃ weedutiꞌcaronojõta dotecʉ niwĩ.

San Lucas 11:13

Mʉsã ñaꞌarã nimirã, mʉsã põꞌrãrẽ añusere oꞌomasĩꞌi. To pũrĩcãrẽ marĩ pacʉ ʉꞌmʉsepʉ nigʉ̃́, nemorõ añuse oꞌogʉsami. Cʉ̃rẽ sẽrĩrãrẽ Espíritu Santure oꞌogʉsami, nicʉ niwĩ.

San Juan 16:3

Na yʉꞌʉ pacʉre, yʉꞌʉre masĩtiꞌque ye buꞌiri mʉsãrẽ ñaꞌarõ weerãsama.

San Juan 17:3

Masã mʉꞌʉ Õꞌacʉ̃ niꞌcʉ̃ nigʉ̃rẽ, tojo nicã yʉꞌʉre mʉꞌʉ oꞌóꞌcʉre ẽjõpeorã catinuꞌcũcãꞌrãsama.

San Juan 3:16

Õꞌacʉ̃ aꞌti nucũcãcjãrãrẽ ʉpʉtʉ maꞌígʉ̃, cʉ̃ macʉ̃ niꞌcʉ̃ nigʉ̃rẽ oꞌócʉ niwĩ. Te meꞌrã nipeꞌtirã cʉ̃ macʉ̃rẽ ẽjõpeorã, pecameꞌepʉ waꞌasome. Na cʉ̃ meꞌrã catinuꞌcũcãꞌrãsama.

San Juan 4:14

Yʉꞌʉ oꞌose peꞌere sĩꞌrĩrã, ne acowʉosome. Napʉre na ye ejeripõꞌrãrĩpʉ aco oꞌmabʉronuꞌcũrõ weronojõ nirõsaꞌa. Na catinuꞌcũcãꞌrãsama.

San Juan 6:35

Jesú narẽ niwĩ: —Yʉꞌʉta baꞌase ʉꞌmʉse cjase niꞌi. Catinuꞌcũcã weeꞌe. Yʉꞌʉre ẽjõpeosirutugʉ ne ʉjaboasome. Ne acowʉosome. Aꞌtiro niꞌi. Baꞌa yapigʉ ʉjaboatimi. Sĩꞌrĩ yapigʉ acowʉotimi. Aꞌte weronojõ yʉꞌʉre ẽjõpeorã yapirã weronojõ añurõ tʉꞌoñaꞌnuꞌcũrãsama.

San Juan 6:51

Te baꞌase ʉꞌmʉsepʉ dijatiꞌcʉ yʉꞌʉta niꞌi. Tere baꞌarã, catinuꞌcũcãꞌrãsama. Yʉꞌʉ baꞌase oꞌose yʉꞌʉ upʉ niꞌi. Yʉꞌʉ upʉre aꞌti ʉmʉcocjãrãrẽ catinuꞌcũdutigʉ oꞌogʉti, niwĩ Jesú.

Hechos 9:11

Cʉ̃ tojo nicã, Jesú cʉ̃rẽ nicʉ niwĩ: —Diacjʉ̃ wãmetiri maꞌapʉ waꞌaya. Ti maꞌa mʉꞌʉ waꞌaro Juda ya wiꞌi nisaꞌa. Cʉ̃ ya wiꞌipʉ sãjãa, niꞌcʉ̃ Tarso wãmetiri macãcjʉ̃ Saulo wãmetigʉre sẽrĩtiñaꞌña. Niꞌcãrõacã cʉ̃ yʉꞌʉre ñubuegʉ weemi. Yʉꞌʉ cʉ̃rẽ mejẽpʉ mʉꞌʉ ti wiꞌipʉ sãjãasere ĩꞌotojapʉ. Mʉꞌʉ ti wiꞌipʉ sãjãa, cʉ̃ dʉpoare ñapeoapʉ, apaturi cʉ̃rẽ caperi ĩꞌadutigʉ tja. Quẽꞌese weronojõ ĩꞌoapʉ cʉ̃ quẽꞌrãrẽ mʉꞌʉrẽ weronojõta, nicʉ niwĩ Jesú Ananíarẽ.

Romanos 8:32

Õꞌacʉ̃ cʉ̃ macʉ̃ waromarĩcãrẽ oꞌócʉ niwĩ. Ne “Oꞌosome” nitigʉta, marĩ nipeꞌtirã ye niatjere wẽrĩbosadutigʉ tojo oꞌócʉ niwĩ. Apeyepʉma tjãsami majã. Deꞌro weeacjʉ cʉ̃ macʉ̃ Jesucristore marĩrẽ oꞌoꞌcʉ nimigʉ̃, apeye nipeꞌtisere oꞌotibosabe. Oꞌogʉsami.

1 Corintios 1:30

Mʉsãrẽ Õꞌacʉ̃ basuta Jesucristo yarã sãjãcã weecʉ niwĩ. Tojo nicã Cristo meꞌrãta marĩ masĩse cʉoꞌo. Cʉ̃ meꞌrãta tja Õꞌacʉ̃ marĩrẽ “Na añurã, yʉꞌrʉonoꞌcãrãpʉ nima”, ni ĩꞌasami. Marĩ cʉ̃ yarã niꞌi. Tojo weegʉ marĩ pecameꞌepʉ waꞌaboꞌcãrãrẽ yʉꞌrʉweticã weecʉ niwĩ.

1 Corintios 10:4

Nipeꞌtirã aco Õꞌacʉ̃ oꞌoꞌquere ʉ̃tãgãpʉ níꞌquere sĩꞌrĩcãrã niwã. Cristo ʉ̃tãgã aco wijaacaga weronojõ nimi. Cʉ̃ na nipeꞌtirãrẽ coꞌtegʉ, nipeꞌtiropʉ baꞌpatiwãꞌcãcʉ niwĩ.

2 Corintios 9:15

Õꞌacʉ̃ marĩrẽ Jesucristore oꞌogʉ, añubutiaro weegʉ weecʉ niwĩ. Tojo weerã cʉ̃rẽ eꞌcatise oꞌorã.

Efesios 2:8

Aꞌtiro niꞌi. Marĩ Jesucristore ẽjõpeorã Õꞌacʉ̃ añurõ weese meꞌrã yʉꞌrʉwʉ. Te marĩ basu weeꞌque mejẽta niꞌi. Õꞌacʉ̃ peꞌe marĩrẽ yʉꞌrʉowĩ.

Hebreos 6:4

Mʉsã apetero weerã Jesucristo quetire ẽjõpeomirã, ẽjõpeoduꞌubosaꞌa. Õꞌacʉ̃ masãrẽ catinuꞌcũsere oꞌocʉ niwĩ. Cʉ̃ oꞌomicã, na ẽjõpeoduꞌubosama. Tojo ẽjõpeoduꞌurãnojõrẽ aꞌtiro niꞌi. Na wãcũsere apaturi ne dʉcayumasĩtisama. Tojo nicã Espíritu Santure cʉorãnojõ, noꞌo Õꞌacʉ̃ ye queti añuse quetire masĩrãnojõ tere ẽjõpeoduꞌurã, ne apaturi na wãcũsere dʉcayumasĩtisama. Õꞌacʉ̃ tutuase oꞌosere masĩmirã Jesucristore ẽjõpeoduꞌurã, ne apaturi acobojose sẽrĩmasĩtisama. Cʉ̃rẽ ẽjõpeoduꞌurã, na basu Õꞌacʉ̃ macʉ̃rẽ apaturi curusapʉ paabiꞌperã weronojõ weerã weema. Nipeꞌtirã ĩꞌorõpʉ cʉ̃rẽ yabi bujicãꞌrã weema.

1 João 5:20

Apeye quẽꞌrãrẽ, Õꞌacʉ̃ macʉ̃ cʉ̃ aꞌtiꞌquere masĩꞌi. Cʉ̃ marĩrẽ Õꞌacʉ̃ diacjʉ̃ nigʉ̃rẽ masĩdutigʉ tʉꞌomasĩse oꞌocʉ niwĩ. Marĩ Jesucristo meꞌrã nírã, cʉ̃ pacʉ Õꞌacʉ̃pʉreta niꞌi. Jesucristo Õꞌacʉ̃ nimi. Cʉ̃́ta catinuꞌcũgʉ̃ marĩ catinuꞌcũatjere oꞌomi.

Apocalipse 21:6

Beꞌro aꞌtiro niwĩ: —Nipeꞌtise tuꞌajanʉꞌcõpeꞌonoꞌo. Yʉꞌʉta nimʉꞌtãgʉ̃, nitʉogʉpʉ niꞌi. Noꞌo yʉꞌʉre ʉpʉtʉ ʉarã acowʉorãnojõrẽ yʉꞌʉ catinuꞌcũsere oꞌogʉti. Narẽ wapaseesome.

Apocalipse 22:17

Cʉ̃ tojo níca beꞌro Espíritu Santu, tojo nicã Jesucristore ẽjõpeorã aꞌtiro niwã: —Aꞌtibaqueꞌoya, niwã. Noꞌo aꞌtere tʉꞌorãnojõ quẽꞌrã “Aꞌtiato”, niato. Noꞌo acowʉorã sĩꞌrĩsĩꞌrĩrãnojõ aꞌtiato. Aco catise warore oꞌosere sĩꞌrĩrã aꞌtiato. Te ne wapamarĩrõsaꞌa.

Apocalipse 7:17

Õꞌacʉ̃ macʉ̃ oveja wĩꞌmagʉ̃ weronojõ bajugʉ wiogʉ dujiri cũmurõ pʉꞌtopʉ nigʉ̃́ ovejare coꞌtegʉ weronojõ narẽ coꞌtegʉsami. Aco wijari pepʉ miagʉ̃sami. Tere sĩꞌrĩrã, catinuꞌcũrãsama. Õꞌacʉ̃ nipeꞌtirã na yaꞌcoco wijarãrẽ tuucoegʉsami.