San Juan 3:2 - Õꞌacʉ̃ Yere Ucũrĩ Turi

² Niꞌcã ñami Nicodemo Jesú tiropʉ ĩꞌagʉ̃ etawĩ. Jesure ucũwĩ: —Ʉ̃sãrẽ buꞌegʉ, Õꞌacʉ̃ mʉꞌʉ meꞌrã nimi. Tojo weegʉ cʉ̃ tutuaro oꞌoro meꞌrã mʉꞌʉ weeĩꞌomasĩꞌi. Mʉꞌʉ weeĩꞌoꞌquere ĩꞌarã, ʉ̃sã aꞌtiro masĩꞌi. Õꞌacʉ̃ ʉ̃sãrẽ buꞌedutigʉ mʉꞌʉrẽ oꞌópĩ.

Tukano

² Ni'kâ yami Nicodemo Jesu tirópɨ ĩ'yâgɨ etâwĩ. Jesuré uúkũwĩ: —Ɨ̃sâre bu'egɨ́, Õ'âkɨ̃hɨ mɨ'ɨ̂ me'ra niîmi. Tohô weégɨ kɨ̃ɨ̂ tutuaró o'oró me'ra mɨ'ɨ̂ weé ĩ'yo masi'. Mɨ'ɨ̂ weé ĩ'yo'kere ĩ'yârã, ɨ̃sâ a'tîro masî'. Õ'âkɨ̃hɨ ɨ̃sâre bu'ê dutigɨ mɨ'ɨ̂re o'ôo'pĩ.

San Juan 3:2 Iomraidhean Croise

Mateus 22:16

Tojo weerã na buꞌesere siruturãrẽ, tojo nicã ãpẽrã Herode ya curuacjãrã meꞌrã Jesú tiropʉ oꞌócãrã niwã. Na cʉ̃ tiropʉ etarã, niwã: —Masãrẽ buꞌegʉ, ʉ̃sã mʉꞌʉ nisetisere masĩꞌi. Mʉꞌʉ diacjʉ̃ ucũꞌu. Masã yʉꞌʉre ¿deꞌro wãcũrãsari? nirṍ marĩrõ diacjʉ̃ ucũꞌu. Õꞌacʉ̃ yere diacjʉ̃ wereꞌe. Ãpẽrã wiorã nima nirṍ marĩrõ nipeꞌtirãrẽ niꞌcãrõnojõ ĩꞌaꞌa.

Mateus 23:7

Masã narẽ macã decopʉ wiopesase meꞌrã añuduticã ʉasama. Narẽ, “Ʉ̃sãrẽ buꞌerã” pisucã ʉasama.

Mateus 23:8

»Mʉsã pũrĩcã ãpẽrãrẽ “Mʉsã ʉ̃sãrẽ buꞌerã niꞌi”, ninoꞌticãꞌña. Aꞌtiro niꞌi. Mʉsã niꞌcʉ̃ põꞌrãta niꞌi. Yʉꞌʉ niꞌcʉ̃ta mʉsãrẽ buꞌegʉ niꞌi.

Marcos 12:14

Beꞌro na oꞌóꞌcãrã Jesú tiropʉ ejarã, aꞌtiro nicãrã niwã: —Masãrẽ buꞌegʉ, mʉꞌʉ nisetisere masĩꞌi. Masã yʉꞌʉre “¿Deꞌro wãcũrãsari?” nirṍ marĩrõ diacjʉ̃ ucũꞌu. Õꞌacʉ̃ yere diacjʉ̃ wereꞌe. Ãpẽrã “Wiorã nima” nirṍ marĩrõ nipeꞌtirãrẽ niꞌcãrõnojõ ĩꞌaꞌa. Mʉꞌʉrẽ apeyenojõ sẽrĩtiñaꞌsĩꞌrĩsaꞌa. Romano masã wiogʉre cʉ̃ niyeru wapaseesere wapayecã, marĩrẽ dutise ¿añuti o ñaꞌa nitine? ni sẽrĩtiñaꞌcãrã niwã.

San Juan 1:38

Ʉ̃sã tojo weecã, Jesú ʉ̃sãrẽ majãmiĩꞌawĩ. —¿Ñeꞌenojõrẽ ʉati? niwĩ. Ʉ̃sã cʉ̃rẽ yʉꞌtiwʉ: —Rabbí ¿noꞌopʉ niati mʉꞌʉ? niwʉ̃. Rabbí, ʉ̃sã ye meꞌrã nírõ, “Ʉ̃sãrẽ buꞌegʉ” nisĩꞌrĩrõ weeꞌe.

San Juan 10:38

Cʉ̃ dutiꞌcaronojõ weecã pũrĩcãrẽ, yʉꞌʉre ẽjõpeotimirã, yʉꞌʉ weeĩꞌosere ẽjõpeoya. Mʉsã tere ẽjõpeorã, yʉꞌʉ pacʉ yʉꞌʉpʉre nimi nisere masĩrãsaꞌa. Tojo nicã yʉꞌʉ, cʉ̃ meꞌrã niꞌcʉ̃ta niꞌi nisere masĩrãsaꞌa, niwĩ Jesú.

San Juan 12:37

Jesú peje weeĩꞌomicã, judío masã wiorã cʉ̃rẽ ẽjõpeotiwã.

San Juan 14:10

¿Yʉꞌʉ, yʉꞌʉ pacʉ meꞌrã pʉarã nimicã, niꞌcʉ̃pʉta niꞌi nisere ẽjõpeoweti? ¿Cʉ̃ yʉꞌʉpʉre nimi nise quẽꞌrãrẽ ẽjõpeoweti? Yʉꞌʉ ucũsere yʉꞌʉ seꞌsaro ucũweꞌe. Yʉꞌʉ pacʉ yʉꞌʉpʉre nigʉ̃́ta cʉ̃ ʉaro ucũmi. Yʉꞌʉ weese quẽꞌrãrẽ yʉꞌʉ seꞌsaro weeweꞌe. Cʉ̃́ta cʉ̃ ʉaro weecã weemi.

San Juan 15:24

Ne niꞌcʉ̃ weetisere na tiropʉre peje weeĩꞌomiwʉ̃. Yʉꞌʉre masĩdutigʉ tojo weewʉ. Yʉꞌʉ weeĩꞌotica beꞌroma buꞌiri moobosama. Na yʉꞌʉ weeꞌquere ĩꞌawã. Tere ĩꞌamirã, yʉꞌʉre ĩꞌatuꞌtiwã. Yʉꞌʉ pacʉ quẽꞌrãrẽ ĩꞌatuꞌtiwã.

San Juan 2:11

Jesú aꞌtere Galilea wãmetiro Caná wãmetiri macãpʉ weewĩ. Aꞌte ne waro cʉ̃ tutuaro meꞌrã weeĩꞌonʉꞌcãꞌque niꞌi. Tere ĩꞌarã, ʉ̃sã cʉ̃ buꞌerã cʉ̃rẽ ẽjõpeowʉ.

San Juan 20:16

Jesú core “María”, nicʉ niwĩ. Co majãmiĩꞌaquejo, nico niwõ: —Rabboni. Hebreo ye meꞌrã “Yʉꞌʉre buꞌegʉ” nisĩꞌrĩrõ weeꞌe.

San Juan 3:26

Tojo waꞌáca beꞌro cʉ̃ buꞌerã Juãrẽ nicãrã niwã: —Ʉ̃sãrẽ buꞌegʉ, sõꞌonícatero Jordã́ siaquijipʉ mʉꞌʉ meꞌrã níꞌcʉ, ʉ̃sãrẽ mʉꞌʉ wereꞌcʉ niꞌcãrõacãrẽ cʉ̃ wãmeyegʉ weeami. Nipeꞌtirã cʉ̃rẽ siruturã weeama.

San Juan 4:31

Na aꞌtiri cura ʉ̃sã Jesure baꞌase ecarã weemiwʉ̃.

San Juan 5:36

Yʉꞌʉ weeĩꞌoꞌque Juã ucũꞌque nemorõ wapatiꞌi. Yʉꞌʉ pacʉ weedutiꞌque niꞌi. Tojo weese meꞌrã yʉꞌʉ pacʉ diacjʉ̃ta yʉꞌʉre oꞌówĩ nisere ĩꞌoꞌo.

San Juan 6:2

Masã cʉ̃ weeĩꞌose meꞌrã dutitirãrẽ yʉꞌrʉocã ĩꞌarã, pãjãrã sirutuwã.

San Juan 7:31

Masã pãjãrã cʉ̃rẽ ẽjõpeowã. Aꞌtiro niwã: —¿To pũrĩcãrẽ Õꞌacʉ̃ beseꞌcʉ Cristo aꞌtigʉ, ãꞌrĩ weeĩꞌoꞌque nemorõ weegʉsari? niwã.

San Juan 9:16

Niꞌcãrẽrã cʉ̃rẽ aꞌtiro nicãrã niwã: —Marĩrẽ soodutíca nʉmʉrẽ aꞌtiro weegʉnojõ Õꞌacʉ̃ oꞌóꞌcʉ nitimi. Cʉ̃ marĩrẽ soodutíca nʉmʉrẽ ẽjõpeotisami. Ãpẽrã peꞌe aꞌtiro nicãrã niwã: —Cʉ̃ ñaꞌarõ weegʉnojõ nígʉ̃ pũrĩcã, aꞌte añusere weeĩꞌomasĩtiboapĩ, nicãrã niwã. Na mejẽcã diaꞌcʉ̃ wãcũcãrã niwã.

Hechos 10:38

Jesú Nazarecjʉ̃rẽ waꞌaꞌquere mʉsã masĩsaꞌa. Cʉ̃ pacʉ Espíritu Santu meꞌrã cʉ̃rẽ tutuasere oꞌocʉ niwĩ. Cʉ̃ meꞌrã ninuꞌcũcãꞌcʉ niwĩ. Tojo weegʉ noꞌo cʉ̃ waꞌaro masã meꞌrã añurõ weewĩ. Ãpẽrã wãtĩ dutiro weenuꞌcũrãrẽ wãtĩarẽ cõꞌawĩrõmʉjãwĩ.

Hechos 2:22

Apeye narẽ Pedro aꞌtiro werenemocʉ niwĩ: —Mʉsã añurõ tʉꞌoya yʉꞌʉ ucũsere. Õꞌacʉ̃ marĩ pacʉ, Jesú Nazarecjʉ̃rẽ oꞌócʉ niwĩ. Cʉ̃ meꞌrã cʉ̃ tutuasere ĩꞌocʉ niwĩ marĩrẽ. Aꞌtere marĩ tiropʉre weeĩꞌowĩ. Tojo weerã cʉ̃ tojo weeꞌquere ĩꞌatjĩarã, marĩ masĩꞌi Jesucristo Õꞌacʉ̃ oꞌóꞌcʉta nicʉ niwĩ nisere. Dʉporopʉ marĩ pacʉ Õꞌacʉ̃ “Yʉꞌʉ macʉ̃rẽ masã ñaꞌarã wẽjẽrãsama”, ni masĩtojacʉ niwĩ. Tojo waꞌatjere masĩgʉ̃, “Tojota waꞌarosaꞌa”, nicʉ niwĩ. Cʉ̃rẽ, marĩ pacʉ oꞌóꞌcʉ nimicã, mʉsã ñaꞌarãrẽ curusapʉ paabiꞌpe wẽjẽdutiwʉ.

Filipenses 1:14

Yʉꞌʉ buꞌiri daꞌreri wiꞌipʉ niyucã, pãjãrã marĩ acawererã wãcũtutuama. Te ye buꞌiri na marĩ wiogʉre ẽjõpeonemorã, uiro marĩrõ Õꞌacʉ̃ ye quetire werema.

Jueces 6:27

Beꞌro Gedeṍ diez ʉmʉa, cʉ̃rẽ daꞌracoꞌterã meꞌrã Õꞌacʉ̃ cʉ̃rẽ weedutiꞌcaronojõta weecʉ niwĩ. Cʉ̃ acawererãrẽ, ti macãcjãrãrẽ uiyugʉ, ʉmʉco ʉ̃jʉ̃amorõpeosĩꞌrĩticʉ niwĩ. Tojo weegʉ ñamipʉ ʉ̃jʉ̃amorõpeocʉ niwĩ.