San Juan 21:15 - Õꞌacʉ̃ Yere Ucũrĩ Turi

¹⁵ Ʉ̃sã baꞌáca beꞌro Jesú Simó Pedrore sẽrĩtiñaꞌwĩ: —¿Simó, Joná macʉ̃, mʉꞌʉ ãꞌrã yʉꞌrʉoro yʉꞌʉre maꞌiyʉꞌrʉnʉꞌcãti? Pedro cʉ̃rẽ niwĩ: —Ʉ̃ʉ, wiogʉ, mʉꞌʉ masĩꞌi yʉꞌʉ mʉꞌʉrẽ maꞌisere. Jesú cʉ̃rẽ niwĩ: —To pũrĩcãrẽ yʉꞌʉre ẽjõpeorãrẽ coꞌteya. Narẽ buꞌeya.

Tukano

¹⁵ Ɨ̃sâ ba'âka be'ro Jesu Simão Pedrore sẽrí yã'awĩ: —Simão, Jona makɨ, mɨ'ɨ̂ ã'rá yɨ'rɨóro yɨ'ɨ̂re ma'í yɨ'rɨ nɨ'kati? Pedro kɨ̃ɨ̂re niîwĩ: —Ɨ̃ɨ̂, wiôgɨ, mɨ'ɨ̂ masî' yɨ'ɨ̂ mɨ'ɨ̂re ma'isére. Jesu kɨ̃ɨ̂re niîwĩ: —Too pũríkãre yɨ'ɨ̂re ẽho peórãre ko'têya. Naâre bu'êya.

San Juan 21:15 Iomraidhean Croise

Génesis 33:13

Jacob peꞌe cʉ̃rẽ yʉꞌticʉ niwĩ: —Maꞌmi, yʉꞌʉ maꞌigʉ̃, mʉꞌʉ masĩsaꞌa. Wĩꞌmarã marĩ weronojõ tutuatima. Oveja, wecʉa, na põꞌrãrẽ yʉꞌʉ wãcũsaꞌa. Na niꞌcã nʉmʉta ñujũyʉꞌrʉrã, wẽrĩpeꞌtia waꞌabosama.

Mateus 10:37

»Yʉꞌʉre maꞌirõ nemorõ mʉsã pacʉsʉmʉa peꞌere maꞌiyʉꞌrʉnʉꞌcãrã, yarã nímasĩtisaꞌa. Tojo nicã pacʉsʉmʉa quẽꞌrã na põꞌrãrẽ maꞌiyʉꞌrʉnʉꞌcãrã, yarã nímasĩtisama.

Mateus 16:17

Jesú cʉ̃rẽ niwĩ: —Simó, Joná macʉ̃, mʉꞌʉ tojo ucũgʉ̃, diacjʉ̃ta ucũꞌu. Ne niꞌcʉ̃ masʉ̃ mʉꞌʉrẽ tere weretiapĩ. Yʉꞌʉ pacʉ ʉꞌmʉsepʉ nigʉ̃́ mʉꞌʉrẽ tere masĩse oꞌoapĩ. Tojo weegʉ eꞌcatiya.

Mateus 18:10

»Ãꞌrã wĩꞌmarãnojõrẽ tojo ĩꞌacõꞌaticãꞌña. Aꞌtiro niꞌi. Ʉꞌmʉsecjãrã Õꞌacʉ̃rẽ werecoꞌterã ãꞌrã wĩꞌmarãrẽ coꞌterã yʉꞌʉ pacʉ ʉꞌmʉsepʉ nigʉ̃́ ĩꞌorõpʉ ninuꞌcũma.

Mateus 26:33

Cʉ̃ tojo nicã tʉꞌogʉ, Pedro yʉꞌtiwĩ: —Ãpẽrã mʉꞌʉrẽ cõꞌawãꞌcãcã, yʉꞌʉ pũrĩcã ne waꞌasome, niwĩ.

Mateus 26:35

Pedro cʉ̃rẽ yʉꞌtiwĩ: —Yʉꞌʉ pũrĩcã na yʉꞌʉre wẽjẽsĩꞌrĩcãma, “Cʉ̃ meꞌrã boagʉti”, nigʉ̃saꞌa. “Cʉ̃rẽ masĩweꞌe”, nisome, niwĩ. Beꞌro nipeꞌtirã ʉ̃sã cʉ̃ buꞌerã cʉ̃ níꞌcaronojõta nibʉrowʉ.

Marcos 14:29

Cʉ̃ tojo nicã tʉꞌogʉ, Pedro yʉꞌticʉ niwĩ: —Ãpẽrã mʉꞌʉrẽ cõꞌawãꞌcãcã, yʉꞌʉ pũrĩcã ne waꞌasome, nicʉ niwĩ.

San Lucas 12:32

»Mʉsã yʉꞌʉ buꞌerã, yarã oveja weronojõ niꞌi. Mʉsã pejetirãcã nimirã, uiticãꞌña. Marĩ pacʉ cʉ̃ wiogʉ nirõpʉ mʉsã waꞌacã ʉasami.

San Lucas 22:32

Cʉ̃ tojo weecã ĩꞌagʉ̃, yʉꞌʉ peꞌe ẽjõpeoduꞌubutiaticãꞌto nígʉ̃, Õꞌacʉ̃rẽ mʉꞌʉrẽ sẽrĩbosapʉ. Beꞌro mʉꞌʉ apaturi ẽjõpeogʉ tja, mʉꞌʉ acawererã yʉꞌʉre ẽjõpeorãrẽ wãcũtutuacã weeya, nicʉ niwĩ.

San Juan 1:42

André Simórẽ Jesú tiropʉ pijiejawĩ. Cʉ̃rẽ ĩꞌagʉ̃, Jesú aꞌtiro niwĩ: —Mʉꞌʉ Simó niꞌi, Joná macʉ̃. Beꞌro mʉꞌʉ Cefas wãmetigʉsaꞌa, niwĩ. Cefas, ʉ̃sã ye meꞌrã nírõ, Pedro “ʉ̃tãgã” nisĩꞌrĩrõ weeꞌe.

San Juan 13:37

Pedro cʉ̃rẽ niwĩ tja: —Wiogʉ, ¿deꞌro weeacjʉ yʉꞌʉ mʉꞌʉ meꞌrã maata waꞌamasĩtisari? Yʉꞌʉ quẽꞌrã mʉꞌʉ meꞌrãta wẽrĩmasĩꞌi.

San Juan 16:27

Cʉ̃́ta mʉsãrẽ maꞌimi. Aꞌtiro niꞌi. Mʉsã yʉꞌʉre maꞌiꞌi. Tojo nicã mʉsã yʉꞌʉre “Õꞌacʉ̃ tiropʉ níꞌcʉ aꞌtipĩ”, ni ẽjõpeoꞌo. Tojo weegʉ Õꞌacʉ̃ mʉsãrẽ maꞌimi.

San Juan 21:12

Jesú ʉ̃sãrẽ niwĩ: —Baꞌarã aꞌtia. Ʉ̃sã cʉ̃rẽ ĩꞌamasĩrã, ne niꞌcʉ̃pʉta “¿Noanojõ niti mʉꞌʉ?” ni sẽrĩtiñaꞌmaꞌatiwʉ.

San Juan 21:7

Tojo waꞌacã ĩꞌagʉ̃, yʉꞌʉ Jesú ʉpʉtʉ maꞌinoꞌgʉ̃ Pedrore niwʉ̃: —Marĩ wiogʉ nimi. Yʉꞌʉ tojo nicã tʉꞌogʉ, Simó Pedro suꞌtiro buꞌicjãrõrẽ wejesãñawĩ. Jesú tiropʉ waꞌagʉ, doqueñojãwĩ.

San Juan 8:42

Jesú narẽ niwĩ: —Mʉsã diacjʉ̃ta Õꞌacʉ̃ ʉ̃sã pacʉ nimi nírã, yʉꞌʉre ʉabosaꞌa. Yʉꞌʉ cʉ̃ meꞌrã níꞌcʉta aꞌtiwʉ. Yʉꞌʉ ʉaro aꞌtitiwʉ. Õꞌacʉ̃ta yʉꞌʉre oꞌówĩ.

Hechos 20:28

»Mʉsã basu peꞌe coꞌteya. Éfesopʉ tojaarã, ãpẽrã Espíritu Santu mʉsãrẽ coꞌtedutinoꞌcãrã quẽꞌrãrẽ coꞌteya. Õꞌacʉ̃ macʉ̃ wẽrĩse meꞌrã na quẽꞌrã marĩ weronojõta cʉ̃ põꞌrã nima. Tojo weerã narẽ oveja coꞌterã na yarã ovejare añurõ coꞌterã weronojõta añurõ coꞌteya.

Hechos 20:29

Yʉꞌʉ waꞌáca beꞌro ãpẽrã nisoori masã aꞌtirãsama. Yaiwa ovejare baꞌaꞌcaro weronojõ mʉsã Jesure ẽjõpeomiꞌquere peꞌticã weesĩꞌrĩrãsama.

Romanos 14:1

Niꞌcʉ̃ Jesucristore ẽjõpeomigʉ̃, cʉ̃ ẽjõpeotutuatigʉ mʉsã meꞌrã nisĩꞌrĩcã, ũrũsãtirãta, cʉ̃rẽ ñeꞌeña. Cʉ̃rẽ “Aꞌtiro weecã ʉaꞌa” nitirãta, ñeꞌeña. Cʉ̃rẽ “To ñeꞌebosaʉ” nitirãta, ñeꞌeña.

Romanos 15:1

Marĩ ẽjõpeotutuarã ãpẽrã ẽjõpeotutuatirãrẽ weetamurõʉaꞌa. Marĩ tʉꞌsase diaꞌcʉ̃rẽ weeticãꞌrõʉaꞌa.

1 Corintios 8:11

Mʉꞌʉ masĩmigʉ̃ baꞌagʉ, ẽjõpeotutuatigʉ peꞌere dojorẽgʉ̃ weeꞌe. Cristo cʉ̃ quẽꞌrãrẽ wẽrĩbosacʉ niwĩ. Mʉꞌʉ baꞌase meꞌrã mʉꞌʉ acaweregʉre dojorẽꞌe.

Gálatas 5:6

Marĩ Jesucristo yarã niꞌi. Õꞌacʉ̃ ĩꞌorõpʉre õꞌrẽcjʉ yapa caserore yejecõꞌanoꞌse, yejecõꞌanoꞌtise wapamarĩꞌi. Marĩ Jesucristore ẽjõpeotjĩarã, ãpẽrãrẽ maꞌiꞌi. Te pũrĩcã wapatiꞌi.

Efesios 4:14

Tojo weerã wĩꞌmarã weronojõ dʉcayumʉjãrã nisome. Nipeꞌtisetiri maꞌma buꞌesere tʉꞌorã, naꞌirõ dʉcayumʉjãsome. Nisoomeꞌrĩrĩ masã marĩrẽ mejẽcã ẽjõpeocã weesome.

Efesios 6:24

Õꞌacʉ̃ nipeꞌtirã Jesucristore maꞌinuꞌcũrãrẽ añurõ weeato. Tocãꞌrõta ojaꞌa. Pablo

Hebreos 13:20

Õꞌacʉ̃ ejerisãjãse oꞌogʉ marĩ wiogʉ Jesucristore wẽrĩꞌcʉpʉre masõcʉ niwĩ. Jesucristo oveja coꞌtegʉ waro weronojõ marĩrẽ añurõ coꞌtegʉ nimi. Cʉ̃ wẽrĩse meꞌrã, cʉ̃ ye dí meꞌrã Õꞌacʉ̃ masãrẽ “Na wiogʉ nigʉ̃ti, na quẽꞌrã yarã nirãsama” níꞌquere queoro waꞌacã weecʉ niwĩ. Õꞌacʉ̃ masãrẽ “Tojo weegʉti” níꞌque ninuꞌcũrõsaꞌa.

Hebreos 4:13

Marĩ Õꞌacʉ̃ weeꞌcãrã niꞌi. Cʉ̃rẽ ne duꞌtimasĩweꞌe. Nipeꞌtise marĩ nisere, marĩ weesere cʉ̃ ĩꞌamasĩmi. Cʉ̃́ta marĩ weeꞌquere “¿Deꞌro weerã tojo weeri?” ni besegʉsami.

1 Pedro 1:8

Mʉsã Jesucristore aꞌti nucũcãpʉ nicã ĩꞌatiꞌcãrã nimirã, cʉ̃rẽ maꞌiꞌi. Aꞌtiro nicãrẽ cʉ̃rẽ ĩꞌatimirã, ẽjõpeoꞌo. Mʉsã cʉ̃rẽ ẽjõpeocã, mʉsãrẽ pecameꞌepʉ waꞌaboꞌcãrãrẽ yʉꞌrʉcã weegʉsami. Tojo weerã mʉsã Õꞌacʉ̃ tiropʉ waꞌatjere wãcũrã, pũrõ eꞌcatiꞌi. ¿Deꞌro ni werenemobosaʉ? Wereta basioweꞌe.

1 Pedro 2:2

Mʉsã Õꞌacʉ̃ añugʉ̃ nimi nisere masĩtojasaꞌa. Tojo weerã wĩꞌmarã ne bajuaꞌcãrã na paco õpẽcõrẽ ʉpʉtʉ miꞌrĩsĩꞌrĩrã weronojõ weeya. Õꞌacʉ̃ ye añuse quetire ʉpʉtʉ tʉꞌsase meꞌrã tʉꞌosĩꞌrĩña. Wĩꞌmarã na pacosãnumia ye õpẽcõrẽ miꞌrĩrã, ĩꞌoduarã waꞌasama. Õꞌacʉ̃ ucũse wĩꞌmagʉ̃ paco õpẽcõ weronojõ niꞌi. Te diacjʉ̃ weremeꞌrĩcãꞌa. Marĩ tere wãcũnuꞌcũrã, cʉ̃rẽ ẽjõpeotutuanemorãsaꞌa. Cʉ̃rẽ masĩnemoato nígʉ̃ marĩrẽ yʉꞌrʉocʉ niwĩ.

1 Pedro 2:25

Marĩ aꞌtiro nicũmiwʉ̃. Oveja sãꞌrĩrõ poꞌpeapʉ níꞌcãrã noꞌo ʉaro wijaawãꞌcãsama. Wijaawãꞌcã, ĩꞌanʉrʉ̃ticã, bajudutia waꞌasama. Marĩ na weronojõ nicũmiwʉ̃. Niꞌcãrõacãrẽ Jesucristore ẽjõpeoꞌo. Tojo weerã ovejare coꞌtegʉ bajudutiꞌcãrãrẽ aꞌma, cʉ̃ narẽ bocaꞌcaro weronojõ niꞌi. Jesucristo marĩrẽ ñaꞌarõ weeri nígʉ̃, marĩrẽ ĩꞌanʉrʉ̃, coꞌtegʉ nimi.

1 João 4:19

Õꞌacʉ̃ marĩrẽ maꞌimʉꞌtãcʉ niwĩ. Tojo weerã marĩ cʉ̃rẽ maꞌiꞌi.

1 João 5:1

Nipeꞌtirã “Jesú Õꞌacʉ̃ beseꞌcʉ nimi” ni ẽjõpeorãnojõ Õꞌacʉ̃ põꞌrã nima. Ãpẽrãrẽ maꞌírã, na põꞌrã quẽꞌrãrẽ maꞌirõʉaꞌa.

Apocalipse 2:23

Co põꞌrãrẽ wẽrĩcã weegʉti. Tojo weecã, nipeꞌtirã Jesucristore ẽjõpeose cururicjãrã aꞌtiro nirãsama: “Cʉ̃ masã tʉꞌoñaꞌsere masĩmi”, nirãsama. “Na poꞌpeapʉ wãcũsere, ʉ̃sã quẽꞌrãrẽ masĩpeꞌocãꞌmi”, nirãsama. “Marĩ nisetisere queoro wapeyegʉsami”, nirãsama.