San Juan 20:28 - Õꞌacʉ̃ Yere Ucũrĩ Turi

²⁸ Cʉ̃ tojo nicã tʉꞌogʉ, Tomás niwĩ: —Jesú, yʉꞌʉ wiogʉ, mʉꞌʉ Õꞌacʉ̃ niꞌi.

Tukano

²⁸ Kɨ̃ɨ̂ tohô niikã́ tɨ'ógɨ, Tomé niîwĩ: —Jesu, yɨ'ɨ̂ wiôgɨ, mɨ'ɨ̂ Õ'âkɨ̃hɨ niî'.

San Juan 20:28 Iomraidhean Croise

Mateus 14:33

Tojo waꞌacã ĩꞌarã, ʉ̃sã tiwʉpʉ sãñarã Jesure ẽjõpeorã, ejaqueꞌawʉ. Cʉ̃rẽ niwʉ̃: —Nirõta mʉꞌʉ Õꞌacʉ̃ macʉ̃ niꞌi, niwʉ̃.

San Lucas 24:52

Te beꞌro cʉ̃rẽ eꞌcatipeorãtirã, ejaqueꞌacãrã niwã. Beꞌro pũrõ eꞌcatise meꞌrã Jerusalẽ́pʉre tojaacãrã niwã.

San Juan 1:1

Ne waropʉta aꞌti turi weese dʉporo Õꞌacʉ̃ macʉ̃ cʉ̃ meꞌrã nitojacʉ niwĩ. Õꞌacʉ̃ nisetisere ĩꞌoacjʉ cʉ̃ quẽꞌrã Õꞌacʉ̃ta nicʉ niwĩ.

San Juan 20:16

Jesú core “María”, nicʉ niwĩ. Co majãmiĩꞌaquejo, nico niwõ: —Rabboni. Hebreo ye meꞌrã “Yʉꞌʉre buꞌegʉ” nisĩꞌrĩrõ weeꞌe.

San Juan 20:27

Beꞌro Tomárẽ niwĩ: —Ĩꞌaña yé omocãrĩrẽ. Mʉꞌʉ omopicare na yʉꞌʉre paabiꞌpeꞌque peripʉ sĩosõrõña. Yʉꞌʉre paatipaꞌmapʉ na ñosẽꞌcaropʉre mʉꞌʉ ya omopicare sĩosõrõña. Ẽjõpeose moogʉ̃ niticãꞌña. Yʉꞌʉre ẽjõpeoya.

San Juan 20:29

Jesú cʉ̃rẽ niwĩ: —Tomás, mʉꞌʉ yʉꞌʉre ĩꞌatojagʉpʉ, ẽjõpeoꞌo. Yʉꞌʉre ĩꞌatimirã ẽjõpeocã peꞌere, nemorõ añuꞌu.

San Juan 20:31

Yʉꞌʉ aꞌti pũrĩpʉ Jesú niꞌcãrẽ cʉ̃ weeĩꞌoꞌquere ojaꞌa. Mʉsãrẽ Jesú Õꞌacʉ̃ beseꞌcʉ cʉ̃ macʉ̃ nimi nisere ẽjõpeodutigʉ ojaꞌa. Tojo nicã cʉ̃rẽ ẽjõpeorã catinuꞌcũato nígʉ̃ tojo weeꞌe.

1 Timoteo 3:16

Diacjʉ̃ta niꞌi. Marĩ ẽjõpeose todʉporo masã masĩtiꞌque niꞌi. Mejõ nise niweꞌe. Añuse waro niꞌi. Aꞌtiro niꞌi: Õꞌacʉ̃ macʉ̃ masʉ̃ weronojõ upʉtigʉ aꞌti nucũcãpʉre bajuacʉ niwĩ. Espíritu Santu cʉ̃rẽ “Añugʉ̃ waro nimi”, ni werebajurẽcʉ niwĩ. Õꞌacʉ̃rẽ werecoꞌterã ʉꞌmʉsepʉ nirã́ cʉ̃rẽ ĩꞌacãrã niwã. Cʉ̃ ye queti aꞌti nucũcãpʉre wereseꞌsanoꞌo. Aꞌti nucũcãpʉre masã cʉ̃rẽ ẽjõpeoma. Beꞌro Õꞌacʉ̃ ʉꞌmʉsepʉ cʉ̃rẽ miacʉ niwĩ.