San Juan 20:22 - Õꞌacʉ̃ Yere Ucũrĩ Turi

²² Beꞌro cʉ̃ ʉ̃sãrẽ putipeo, niwĩ: —Mʉsã Espíritu Santure cʉoya.

Tukano

²² Be'ró kɨ̃ɨ̂ ɨ̃sâre puti peó, niîwĩ: —Mɨsâ Espírito Santore kɨoyá.

San Juan 20:22 Iomraidhean Croise

Génesis 2:7

Õꞌacʉ̃ masʉ̃rẽ bajurẽgʉ̃, diꞌta meꞌrã daꞌrecʉ niwĩ. Tojo weegʉ cʉ̃rẽ catise oꞌogʉ, ẽꞌquẽapʉ putisãacʉ niwĩ. Cʉ̃ tojo weecãta, catinʉꞌcãcʉ niwĩ.

San Juan 14:16

Mʉsãrẽ yʉꞌʉ pacʉre Espíritu Santure sẽrĩbosagʉti. Cʉ̃ mʉsãrẽ weetamuse meꞌrã wãcũtutuanuꞌcũcã weegʉsami. Mʉsã meꞌrã ninuꞌcũgʉ̃sami.

San Juan 15:26

»Espíritu Santu diacjʉ̃ ucũgʉ̃, mʉsãrẽ weetamugʉ̃ aꞌtigʉsami. Ʉ̃sã yʉꞌʉ pacʉ meꞌrã cʉ̃rẽ oꞌórãsaꞌa. Cʉ̃ aꞌtigʉ, queoro yé cjasere mʉsãrẽ weregʉsami.

San Juan 16:7

Yʉꞌʉ mʉsãrẽ diacjʉ̃ta nigʉ̃ti. Yʉꞌʉ waꞌacã, mʉsãrẽ añu nirõsaꞌa. Yʉꞌʉ mʉsãrẽ Espíritu Santure oꞌógʉsaꞌa. Yʉꞌʉ waꞌaticãma, cʉ̃ mʉsãrẽ weetamugʉ̃, mʉsã meꞌrã nigʉ̃ aꞌtitibosami.

San Juan 20:21

Cʉ̃ ʉ̃sãrẽ ninemowĩ tja: —Mʉsã eꞌcatise meꞌrã niña. Yʉꞌʉ pacʉ oꞌóꞌcaronojõta yʉꞌʉ quẽꞌrã yé quetire weredutigʉ mʉsãrẽ oꞌóꞌo.

San Juan 20:23

Mʉsã ãpẽrã na ñaꞌarõ weeꞌquere acobojocã, na buꞌiri marĩrã tojarã́sama. Mʉsã narẽ acobojoticã, na acobojonoꞌtirãsama, niwĩ Jesú.

San Juan 7:39

Cʉ̃ aco oꞌmabʉronuꞌcũsere ucũgʉ̃, Espíritu Santure ucũgʉ̃ weewĩ. Cʉ̃́ta Jesure ẽjõpeorãpʉre sãjãacjʉ nigʉ̃sami nígʉ̃, tojo niwĩ. Titare Espíritu Santu cʉ̃ aꞌtise dʉporo niwʉ̃. Jesú cʉ̃ wẽrĩ masãmʉjãatiyucã, Espíritu Santu aꞌtitiwĩ yujupʉ.

Hechos 10:47

Pedro cʉ̃ meꞌrã waꞌaꞌcãrãrẽ nicʉ niwĩ: —Õꞌacʉ̃ Espíritu Santure oꞌoámi ãꞌrã quẽꞌrãrẽ marĩ judío masãrẽ weronojõta. Tojo weerã “Wãmeyeticãꞌña, Espíritu Santure mooma” ni, cãꞌmotaꞌata basioweꞌe. Na Jesucristore ẽjõpeoma. Tojo weerã narẽ wãmeyeroʉaꞌa, nicʉ niwĩ Pedro. Beꞌro Cornelio quẽꞌrã cʉ̃rẽ “Aꞌtopʉ tojaqueꞌaniña yujupʉ pejeti nʉmʉrĩ ʉ̃sã meꞌrã”, nicãrã niwã. Tojo weegʉ na meꞌrã tojánícʉ niwĩ.

Hechos 19:2

Narẽ sẽrĩtiñaꞌcʉ niwĩ: —¿Mʉsã Jesure ẽjõpeorã, Espíritu Santure ñeꞌerĩ? nicʉ niwĩ. Na yʉꞌticãrã niwã: —Ñeꞌetiwʉ. Ʉ̃sã “Espíritu Santu nipʉ” nicã tʉꞌotirã nicãti, nicãrã niwã.

Hechos 2:38

Na tojo nicã, Pedro narẽ yʉꞌticʉ niwĩ: —Bʉjaweti dʉcayuya mʉsã ñaꞌarõ weesetiꞌquere. Jesucristore ẽjõpeo, wãmeyenoꞌña. Mʉsã aꞌtiro wééca beꞌro Õꞌacʉ̃ acobojogʉsami ñaꞌarõ weesetiꞌquere. Tojo nicã Espíritu Santure oꞌógʉsami. Mʉsã meꞌrã ninuꞌcũcʉ̃sami.

Hechos 2:4

Espíritu Santure cʉoyʉꞌrʉacãrã niwã. Tojo weerã tutuaro meꞌrã cʉ̃ dutisere añurõ weecãrã niwã. Cʉ̃ weetamurõ meꞌrã apemasã ye ucũsere ucũmasĩtimiꞌcãrã ucũnʉꞌcãcãrã niwã.

Hechos 4:8

Na sẽrĩtiñaꞌcã, Pedro Espíritu Santu tutuaro meꞌrã, cʉ̃ weetamuse meꞌrã narẽ yʉꞌticʉ niwĩ: —Mʉsã judío masã wiorã, tojo nicã bʉcʉrã, ¿deꞌro weerã weresãti ʉ̃sãrẽ? ¿Mʉsã “¿Deꞌro wee cʉ̃rẽ sijacã weeati?” ni sẽrĩtiñaꞌti?

Hechos 8:15

Na topʉ eta, Jesure ẽjõpeori masãrẽ Õꞌacʉ̃rẽ sẽrĩbosacãrã niwã: —Pacʉ, ãꞌrã quẽꞌrãrẽ Espíritu Santure oꞌóya mʉꞌʉ macʉ̃rẽ ẽjõpeorãrẽ, ni sẽrĩcãrã niwã.

Gálatas 3:2

Aꞌte diaꞌcʉ̃rẽ mʉsãrẽ sẽrĩtiñaꞌgʉ̃ti. Mʉsã Moisé dutiꞌquere wéérã, ¿Espíritu Santure ñeꞌerĩ? Ñeꞌetipã. Jesucristo ye quetire tʉꞌorã cʉ̃rẽ ẽjõpeorã peꞌe, ñeꞌepã.