San Juan 18:33 - Õꞌacʉ̃ Yere Ucũrĩ Turi

³³ Pilato Jesure piji, cʉ̃ ya wiꞌipʉ majãmisãjãawĩ. Jesure sẽrĩtiñaꞌcʉ niwĩ: —¿Mʉꞌʉta niti judío masã wiogʉ?

Tukano

³³ Pilato Jesuré pihî, kɨ̃ɨ yaá wi'ipɨ mahâmi sãhawĩ. Jesuré sẽrí yã'akɨ niîwĩ: —Mɨ'ɨ́ta niîti Judeu masa wiôgɨ?

San Juan 18:33 Iomraidhean Croise

Mateus 27:11

Beꞌro Jesure Judea diꞌta wiogʉ Pilato tiropʉ miacãrã niwã. Pilato cʉ̃rẽ sẽrĩtiñaꞌcʉ niwĩ: —¿Mʉꞌʉta niti judío masã wiogʉ? nicʉ niwĩ. Jesú cʉ̃rẽ yʉꞌticʉ niwĩ: —Mʉꞌʉ nírõnojõta cʉ̃́ta niꞌi, nicʉ niwĩ.

Mateus 27:27

Beꞌro Pilato yarã surara cʉ̃ ya wiꞌipʉ Jesure miacãrã niwã. Topʉ nipeꞌtirã surara nerẽnʉꞌcãtjĩrã, Jesure beꞌtoanʉꞌcãcãrã niwã.

Marcos 15:2

Pilato Jesure sẽrĩtiñaꞌcʉ niwĩ: —¿Mʉꞌʉta niti judío masã wiogʉ? nicʉ niwĩ. Jesú yʉꞌticʉ niwĩ: —Mʉꞌʉ nírõnojõta cʉ̃́ta niꞌi, nicʉ niwĩ.

San Lucas 23:2

Topʉ ejarã weresãrã, aꞌtiro nicãrã niwã: —Ãꞌrĩ ʉ̃sã yarã masãrẽ dojorẽgʉ̃ weemi. Aꞌtiro nimi. “Romano masã wiogʉ warore marĩ wapayewʉasenojõrẽ wapayeticãꞌrõʉaꞌa”, nimi. Apeye quẽꞌrãrẽ “Yʉꞌʉ Õꞌacʉ̃ beseꞌcʉ Cristo niꞌi”, nimʉjãmi. Tojo nígʉ̃, “Wiogʉ niꞌi” nisĩꞌrĩgʉ̃, tojo nimi, nicãrã niwã.

San Juan 1:49

Natanae cʉ̃rẽ niwĩ: —Ʉ̃sãrẽ buꞌegʉ, mʉꞌʉ Õꞌacʉ̃ macʉ̃ Israe curuacjãrã wiogʉ niꞌi.

San Juan 12:13

Tojo weerã pũrĩ opa querire dʉte, cʉ̃rẽ põtẽrĩrã aꞌticãrã niwã. Na aꞌtiro caricũwãꞌcãtiwã: —Marĩ wiogʉre eꞌcatise oꞌorã. Ãꞌrĩ Õꞌacʉ̃ oꞌóꞌcʉre añurõ waꞌato. Cʉ̃ marĩ Israe curuacjãrã wiogʉ nimi, niwã.

San Juan 12:15

Mʉsã Jerusalẽ́cjãrã, uiticãꞌña. Ĩꞌaña, mʉsã wiogʉ burro buꞌipʉ pesawãꞌcãtimi, ni ojacʉ niwĩ.

San Juan 18:34

Jesú yʉꞌticʉ niwĩ: —¿Mʉꞌʉ basu mʉꞌʉ wãcũrõ meꞌrã sẽrĩtiñaꞌti? o ¿ãpẽrã mʉꞌʉrẽ wereati?

San Juan 18:37

Cʉ̃ tojo nicã tʉꞌogʉ, Pilato nicʉ niwĩ: —¿To pũrĩcãrẽ mʉꞌʉ wiogʉ niti? Jesú cʉ̃rẽ nicʉ niwĩ: —Mʉꞌʉ nírõnojõta yʉꞌʉ wiogʉ niꞌi. Yʉꞌʉ diacjʉ̃ cjasere weregʉ aꞌtopʉ aꞌti, bajuawʉ. Nipeꞌtirã diacjʉ̃ cjasere ʉarã, yʉꞌʉ ucũsere tʉꞌoma.

San Juan 18:38

Pilato cʉ̃rẽ nicʉ niwĩ: —¿Ñeꞌenojõ nirõ nisasaꞌa diacjʉ̃ cjase? nicʉ niwĩ. Pilato Jesure sẽrĩtiñaꞌca beꞌro judío masã wiorã meꞌrã ucũgʉ̃ wijaaticʉ niwĩ tja. Narẽ niwĩ: —Yʉꞌʉ cʉ̃rẽ ne buꞌiri bocatiasʉ.

San Juan 19:12

Cʉ̃ tojo nicã tʉꞌogʉ, Pilato Jesure “¿Deꞌro wee cʉ̃rẽ yʉꞌʉ duꞌuwĩrõgʉ̃sariba?” nicʉ niwĩ. Cʉ̃ tojo weesĩꞌrĩcã ĩꞌarã, judío masã wiorã pũrõ caricũwã: —Mʉꞌʉ cʉ̃rẽ duꞌuwĩrõgʉ̃, romano masã wiogʉ meꞌrãcjʉ̃ nisome. Noꞌo niꞌcʉ̃ “Yʉꞌʉ judío masã wiogʉ waro niꞌi” nigʉ̃nojõ romano masã wiogʉre yʉꞌrʉnʉꞌcãgʉ̃ weemi. Cʉ̃ meꞌrãcjʉ̃ nitimi, ni caricũwã.

San Juan 19:3

Beꞌro cʉ̃ pʉꞌto waꞌa, cʉ̃rẽ bujicãꞌrã, aꞌtiro nicãrã niwã: —Judío masã wiogʉre añurõ waꞌato. Tojo nírãta, cʉ̃ diapoare paamʉjãcãrã niwã.

San Juan 19:4

Pilato poꞌpeapʉ níꞌcʉ wijaatiwĩ tja. Masãrẽ niwĩ: —Yʉꞌʉ cʉ̃rẽ ne cãꞌrõacã buꞌiri bocatiasʉ. Tojo weegʉ mʉsã tiropʉ pijiwijaatigʉti. Mʉsã ĩꞌarãsaꞌa, niwĩ.

San Juan 19:9

Beꞌro Jesure pijisãjãa, cʉ̃rẽ sẽrĩtiñaꞌcʉ niwĩ tja: —¿Noꞌocjʉ̃ niti mʉꞌʉ? Jesú cʉ̃rẽ ne yʉꞌtiticʉ niwĩ.

1 Timoteo 6:13

Õꞌacʉ̃ nipeꞌtirãrẽ catise oꞌogʉ nimi. Cʉ̃ ĩꞌorõpʉ, tojo nicã Jesucristo ĩꞌorõpʉ quẽꞌrãrẽ mʉꞌʉrẽ weedutiꞌi. Jesucristomarĩcã cʉ̃ catiri ʉmʉcore maꞌitigʉ, aꞌtiro weecʉ niwĩ. Poncio Pilatore cʉ̃ nisetisere añurõ werecʉ niwĩ. Mʉꞌʉ quẽꞌrã yʉꞌʉ dutise nipeꞌtisere dʉcayuro marĩrõ queoro wereya. “Cʉ̃ queoro weetimi”, ninoꞌticãꞌña. Marĩ wiogʉ Jesucristo aꞌtiri curapʉ tojo weeduꞌuya.