San Juan 15:1 - Õꞌacʉ̃ Yere Ucũrĩ Turi

¹ Jesú queose meꞌrã ʉ̃sãrẽ aꞌtiro niwĩ: —Yʉꞌʉ ʉꞌsegʉ weronojõ niꞌi. Yʉꞌʉ pacʉ tigʉre coꞌtegʉ nimi.

Tukano

¹ Jesu ɨ̃sâre a'tîro niîwĩ: —Yɨ'ɨ̂ ɨ'sêgɨ weeró noho niî'. Yɨ'ɨ̂ pakɨ tigɨré ko'tegɨ́ niîmi.

San Juan 15:1 Iomraidhean Croise

Mateus 15:13

Ʉ̃sã tojo nicã, Jesú queose meꞌrã yʉꞌtiwĩ: —Wese cʉogʉ ñaꞌase, topʉ pĩꞌrĩbajuasere duꞌacõꞌagʉ̃sami. Yʉꞌʉ pacʉ ʉꞌmʉsepʉ nigʉ̃́ nisoose meꞌrã buꞌerãrẽ mejãrõta weegʉsami. Narẽ cõꞌabutiagʉsami.

Mateus 20:1

Jesú beꞌropʉ cʉ̃ oꞌoatjere queose meꞌrã werenemowĩ: —Ʉꞌmʉsepʉ yʉꞌʉre ẽjõpeorãrẽ oꞌoatje aꞌtiro weronojõ niꞌi. Niꞌcʉ̃ ʉꞌse wese cʉose weronojõ niꞌi. Cʉ̃ ñamiacãcure ʉꞌse wiꞌreajãrẽ aꞌmasami.

Mateus 21:33

Jesú apaturi werewĩ: —Apeye queose meꞌrã mʉsãrẽ werenemogʉ̃ti. Tere tʉꞌoya. Niꞌcʉ̃ pajiro diꞌta cʉogʉ ʉꞌse wese weesami. Ti wesere sãꞌrĩsãsami. Topʉ na ʉꞌse bipesãati pere ʉ̃tãgãpʉ seꞌesãjãsami. Tojo nicã ʉꞌmʉarĩ wiꞌi na coꞌtedujiati wiꞌire weesami. Tojo wééca beꞌro aperopʉ waꞌagʉ, ãpẽrãrẽ ti wesere coꞌtedutigʉ cũusami. Narẽ cʉ̃ ya diꞌtare daꞌrase wapa “Tocãꞌrõ yʉꞌʉre ʉꞌse wiapa”, nisami.

Marcos 12:1

Beꞌro Jesú paꞌia wiorãrẽ, Moisé ojaꞌquere buꞌeri masãrẽ, judío masã wiorãrẽ queose meꞌrã werecʉ niwĩ: —Niꞌcʉ̃ cʉ̃ ya diꞌtapʉ ʉꞌse ote, sãꞌrĩsãnʉꞌcõsami. Topʉ na ʉꞌse bipesãati pere ʉ̃tãgãpʉ seꞌesãjãsami. Tojo nicã ʉꞌmʉarĩ wiꞌi na coꞌtedujiati wiꞌire weesami. »Beꞌro aperopʉ sijagʉ waꞌagʉ, ãpẽrãrẽ ti wesere coꞌtedutigʉ cũusami. Narẽ cʉ̃ ya diꞌtare daꞌrase wapa “Tocãꞌrõ yʉꞌʉre ʉꞌse wiapa”, niwãꞌcãsami.

San Lucas 13:6

Jesú masãrẽ wéréca beꞌro aꞌtiro queose oꞌocʉ niwĩ: —Niꞌcʉ̃ masʉ̃ cʉ̃ ya diꞌtapʉ niꞌcãgʉ̃ higuera wãmeticjʉre otetjĩagʉ̃ cʉocʉ niwĩ. Beꞌro ¿dʉcatisari? nígʉ̃, ĩꞌagʉ̃ waꞌacʉ niwĩ. Ne dʉca marĩcaro niwʉ̃.

San Juan 1:17

Õꞌacʉ̃ dutise Moisé meꞌrã oꞌonoꞌcaro niwʉ̃. Jesucristo meꞌrã peꞌe Õꞌacʉ̃ marĩrẽ maꞌisere masĩnoꞌo. Tojo nicã diacjʉ̃ cjasere masĩnoꞌo.

San Juan 1:9

Titare sĩꞌogʉ̃́ waro Jesucristo aꞌti turipʉre bajuatojacʉ niwĩ. Cʉ̃́ta nipeꞌtirãrẽ Õꞌacʉ̃ ye cjasere ĩꞌocʉ niwĩ.

San Juan 15:2

Yʉꞌʉre ẽjõpeorã tigʉ cjase dʉpʉri nima. Õꞌacʉ̃ ʉꞌsegʉre ĩꞌanʉrʉ̃gʉ̃ weronojõ niyugʉ, dʉca marĩse dʉpʉrire dʉtecõꞌasami. Apeye dʉcatise dʉpʉrire añurõ dʉcatiato nígʉ̃ dʉteweenemosami.

San Juan 6:32

Cʉ̃ narẽ yʉꞌtiwĩ: —Diacjʉ̃ta nigʉ̃ti. Moisé ʉꞌmʉse cjase baꞌasere oꞌoticʉ niwĩ narẽ. Yʉꞌʉ pacʉ peꞌe oꞌocʉ niwĩ. Cʉ̃́ta masãrẽ baꞌase ʉꞌmʉse cjase, diacjʉ̃ cjasere oꞌomi.

San Juan 6:55

Yé upʉ baꞌase waro niꞌi. Yé dí sĩꞌrĩse waro niꞌi.

Romanos 11:17

Niꞌcãrẽrã judío masã olivogʉ dʉpʉcjãrã waro weronojõ nima. Ãpẽrã niꞌcãrẽrãrẽ te dʉpʉrire dʉtecõꞌaꞌcaro weronojõ Õꞌacʉ̃ judío masãrẽ cõꞌacʉ niwĩ. Beꞌro te dʉpʉri níꞌcaropʉ apegʉ olivo nʉcʉ̃cjʉ̃ dʉpʉrire pĩꞌrĩwãꞌdutigʉ topʉ yeje dʉꞌreõꞌosami. Tojo weero tigʉ casero wĩꞌtãse meꞌrã nʉcʉ̃cjʉ̃ añurõ pĩꞌrĩwãꞌrõsaꞌa. Tojo weeꞌcaro weronojõ waꞌacaro niwʉ̃ mʉsã judío masã nitirãrẽ. Õꞌacʉ̃ mʉsãrẽ cʉ̃ yarã sãjãcã weecʉ niwĩ. Mʉsã judío masã niweꞌe. Tojo nitimirã, nipeꞌtise Õꞌacʉ̃ Abrahã pãrãmerã nituriarãrẽ “Añuse oꞌogʉti” níꞌquere ñeꞌerãsaꞌa.

1 Corintios 3:9

Ʉ̃sã Õꞌacʉ̃ yarã niꞌi. Cʉ̃rẽ niꞌcãrõnojõ daꞌracoꞌteꞌe. Mʉsã cʉ̃ daꞌrari diꞌta weronojõ niꞌi. Tojo nicã wiꞌi cʉ̃ yeewãꞌcãrĩ wiꞌi weronojõ niꞌi.

1 João 2:8

Tojo nimirõ, yʉꞌʉ mʉsãrẽ ojase maꞌma dutise weronojõ waꞌaꞌa. Aꞌmerĩ maꞌisere wãmepeogʉ weeꞌe. Todʉporopʉ marĩ aꞌmerĩ maꞌitirã, ñaꞌarã niwʉ̃. Naꞌitĩꞌarõpʉ nirã́ weronojõ niwʉ̃. Niꞌcãrõacãrẽ aꞌte duꞌunoꞌrõ weeꞌe. Aꞌtocaterore marĩ aꞌmerĩ maꞌírã, boꞌreyuropʉ nirã́ weronojõ niꞌi. Te aꞌmerĩ maꞌisere Jesucristo meꞌrã masĩnoꞌo. Tojo nicã mʉsã meꞌrã masĩnoꞌo.