San Juan 14:31 - Õꞌacʉ̃ Yere Ucũrĩ Turi

³¹ Tojo waꞌarota weesasaꞌa. Yʉꞌʉ pacʉ cʉ̃ weedutiꞌquere weegʉti. Yʉꞌʉ tojo weecã, aꞌti nucũcãcjãrã yʉꞌʉ pacʉre yʉꞌʉ maꞌisere masĩrãsama. Teꞌa waꞌarã. Wãꞌcãnʉꞌcãña, niwĩ ʉ̃sãrẽ.

Tukano

³¹ Tohô wa'ârota weesása'. Yɨ'ɨ̂ pakɨ kɨ̃ɨ̂ wee dutí'kere weegɨ́ti. Yɨ'ɨ̂ tohô weekã́, a'ti nukúkãkãharã yɨ'ɨ̂ pakɨre yɨ'ɨ̂ ma'isére masîrãsama. Te'á wa'ârã. Wã'kâ nɨ'kaya, niîwĩ ɨ̃sâre.

San Juan 14:31 Iomraidhean Croise

Mateus 26:39

Cʉ̃ tojo níca beꞌro na yʉꞌrʉro yoacurero waꞌa, diꞌtapʉ muꞌrĩqueꞌaejacʉ niwĩ. Topʉ Õꞌacʉ̃rẽ sẽrĩgʉ̃, aꞌtiro nicʉ niwĩ: —Pacʉ, mʉꞌʉ ʉacã, yʉꞌʉre aꞌte ñaꞌarõ yʉꞌrʉatje waꞌaticãꞌto. Yʉꞌʉ tojo nimicã, yʉꞌʉ ʉaro weeticãꞌña. Mʉꞌʉ ʉaro peꞌe waꞌato, ni sẽrĩcʉ niwĩ.

Mateus 26:46

Wãꞌcãnʉꞌcãña. Teꞌa na tiropʉ waꞌarã. Yʉꞌʉre oꞌoacjʉ aꞌtitojami, nicʉ niwĩ.

San Lucas 12:50

Yʉꞌʉ piꞌetinígʉ̃saꞌa yujupʉ. Yʉꞌʉ piꞌetiatjere wãcũgʉ̃, ñaꞌarõ ejeripõꞌrãtiꞌi. Piꞌetitojagʉpʉ, ejerisãjãgʉ̃saꞌa.

San Juan 12:27

Jesú niwĩ: —Niꞌcãrõacã yʉꞌʉ pũrõ bʉjawetiꞌi. ¿Deꞌro nigʉ̃sari? “Pacʉ, yʉꞌʉre ñaꞌarõ waꞌatjere yʉꞌrʉoya” ¿nigʉ̃sari? Nisome. Yʉꞌʉ tereta piꞌeti, wẽrĩgʉ̃ aꞌtiwʉ.

San Juan 12:49

Yʉꞌʉ seꞌsaro yʉꞌʉ ʉaro buꞌeweꞌe. Yʉꞌʉ pacʉ yʉꞌʉre oꞌóꞌcʉ “Tojo ni buꞌeya” nirṍ buꞌeꞌe.

San Juan 13:1

Judío masã bosenʉmʉ Pascua waꞌatjo niꞌcã nʉmʉ dʉꞌsawʉ. Jesú cʉ̃ aꞌti turipʉ níꞌcʉ maata cʉ̃ pacʉ tiropʉ waꞌatjere masĩtojawĩ. Cʉ̃, cʉ̃ yarã aꞌti nucũcãcjãrãrẽ maꞌinuꞌcũcãꞌwĩ. Cʉ̃ wẽrĩse meꞌrã cʉ̃ ʉpʉtʉ maꞌisere ĩꞌowĩ.

San Juan 15:9

Yʉꞌʉ pacʉ yʉꞌʉre maꞌirõnojõta yʉꞌʉ quẽꞌrã mʉsãrẽ maꞌiꞌi. Yʉꞌʉ meꞌrã ninuꞌcũña. Tojo weecã, mʉsãrẽ maꞌinuꞌcũgʉ̃saꞌa.

San Juan 18:11

Cʉ̃ tojo weecã ĩꞌagʉ̃, Jesú Pedrore niwĩ: —Mʉꞌʉ ya diꞌpjĩrẽ nʉrõña. Yʉꞌʉ pacʉ piꞌetidutiꞌcaronojõta piꞌetigʉti, niwĩ Jesú.

San Juan 4:34

Jesú ʉ̃sãrẽ niwĩ: —Õꞌacʉ̃ yʉꞌʉre oꞌówĩ. Yʉꞌʉ cʉ̃ ʉaro weegʉ weeꞌe. Cʉ̃ weedutiꞌquere weepeꞌogʉ, yʉꞌʉ baꞌagʉ weronojõ tʉꞌoñaꞌa.

Filipenses 2:8

Tojo weegʉ masʉ̃ weronojõ bajugʉ, mejõ nigʉ̃ waꞌacʉ niwĩ. Masã “Cʉ̃rẽ curusapʉ paabiꞌpeya” nicã, cʉ̃ pacʉre yʉꞌtigʉ, yʉꞌrʉnʉꞌcãticʉ niwĩ. Cʉ̃ curusapʉ ñaꞌarõ wẽrĩmigʉ̃, cʉ̃ pacʉre yʉꞌrʉnʉꞌcãticʉ niwĩ.