San Juan 14:24 - Õꞌacʉ̃ Yere Ucũrĩ Turi

²⁴ Yʉꞌʉre maꞌitigʉ peꞌe yʉꞌʉ ucũsere weetimi. Yʉꞌʉ ucũse yé mejẽta niꞌi. Yʉꞌʉ pacʉ yʉꞌʉre oꞌóꞌcʉ cʉ̃ weredutise niꞌi.

Tukano

²⁴ Yɨ'ɨ̂re ma'itígɨ pe'e yɨ'ɨ̂ uúkũsere weetími. Yɨ'ɨ̂ uúkũse yee mehéta niî'. Yɨ'ɨ̂ pakɨ yɨ'ɨ̂re o'ôo'kɨ kɨ̃ɨ̂ werê dutise niî'.

San Juan 14:24 Iomraidhean Croise

Mateus 19:21

Jesú cʉ̃rẽ niwĩ: —Mʉꞌʉ Õꞌacʉ̃ dutisere weepeꞌosĩꞌrĩgʉ̃, nipeꞌtise mʉꞌʉ cʉosere duapeꞌocjʉ̃ waꞌaya. Duatoja, te duaꞌque wapare pajasecʉorãrẽ oꞌoya. Mʉꞌʉ tojo weegʉ ʉꞌmʉsepʉ peje añuse cʉogʉsaꞌa. Tojo weetojanʉꞌcõ, yʉꞌʉre sirutugʉ aꞌtia, niwĩ.

San Juan 14:10

¿Yʉꞌʉ, yʉꞌʉ pacʉ meꞌrã pʉarã nimicã, niꞌcʉ̃pʉta niꞌi nisere ẽjõpeoweti? ¿Cʉ̃ yʉꞌʉpʉre nimi nise quẽꞌrãrẽ ẽjõpeoweti? Yʉꞌʉ ucũsere yʉꞌʉ seꞌsaro ucũweꞌe. Yʉꞌʉ pacʉ yʉꞌʉpʉre nigʉ̃́ta cʉ̃ ʉaro ucũmi. Yʉꞌʉ weese quẽꞌrãrẽ yʉꞌʉ seꞌsaro weeweꞌe. Cʉ̃́ta cʉ̃ ʉaro weecã weemi.

San Juan 14:15

»Mʉsã yʉꞌʉre maꞌírã, yʉꞌʉ dutisere weerãsaꞌa.

San Juan 14:25

»Yʉꞌʉ mʉsã meꞌrã nígʉ̃, aꞌte nipeꞌtisere wereꞌe.

San Juan 3:11

Mʉꞌʉrẽ diacjʉ̃ta nigʉ̃ti. Ʉ̃sã masĩsere, ʉ̃sã ĩꞌaꞌquere mʉsãrẽ werewʉ. Mʉsã ẽjõpeoweꞌe.

San Juan 3:34

Õꞌacʉ̃ Jesucristore Espíritu Santure cʉoyʉꞌrʉmajãcã weecʉ niwĩ. Tojo weegʉ cʉ̃ pacʉ yere ucũmi.

San Juan 5:19

Jesú narẽ niwĩ: —Diacjʉ̃ mʉsãrẽ weregʉti. Yʉꞌʉ Õꞌacʉ̃ macʉ̃ yʉꞌʉ seꞌsaro apeyenojõ weemasĩweꞌe. Yʉꞌʉ pacʉ weesere ĩꞌaꞌa. Te diaꞌcʉ̃rẽ weeꞌe. Aꞌtiro niꞌi. Nipeꞌtise yʉꞌʉ pacʉ weesere yʉꞌʉ quẽꞌrã tere weeꞌe.

San Juan 5:38

Tojo nicã yʉꞌʉre cʉ̃ oꞌóꞌcʉre ẽjõpeoweꞌe. Tojo weero cʉ̃ ucũse mʉsãrẽ sãjãweꞌe.

San Juan 7:16

Jesú narẽ niwĩ: —Yʉꞌʉ buꞌese, yé mejẽta niꞌi. Yʉꞌʉ pacʉ, yʉꞌʉre oꞌóꞌcʉ ye niꞌi.

San Juan 7:28

Jesú cʉ̃ buꞌeri cura na tojo ni ucũcã tʉꞌogʉ, tutuaro narẽ niwĩ: —Mʉsã yʉꞌʉre masĩꞌi, nimiba. Tojo nicã yʉꞌʉ aꞌtiꞌcaropʉre masĩsaꞌa. Yʉꞌʉ ʉaro meꞌrã aꞌtitiwʉ. Yʉꞌʉre oꞌóꞌcʉ diacjʉ̃ weegʉ́ nimi. Mʉsã cʉ̃rẽ masĩweꞌe.

San Juan 8:26

Yʉꞌʉ peje waro mʉsãrẽ werese cʉoꞌo. Tojo nicã mʉsãrẽ buꞌiri daꞌreatje quẽꞌrãrẽ cʉoꞌo. Yʉꞌʉre oꞌóꞌcʉ diacjʉ̃ ucũmi. Cʉ̃ ucũꞌquere, yʉꞌʉ tʉꞌoꞌquere mʉsãrẽ aꞌti nucũcãcjãrãrẽ wereturiaꞌa, niwĩ Jesú.

San Juan 8:28

Tojo weegʉ Jesú narẽ niwĩ: —Mʉsã yʉꞌʉre ʉꞌmʉarõpʉ tuumorõnʉꞌcõrãpʉ, yʉꞌʉ Õꞌacʉ̃ beseꞌcʉ nisere masĩrãsaꞌa. “Cʉ̃ ʉaro weetipĩ”, nirãsaꞌa. Yʉꞌʉ pacʉ yʉꞌʉre wereꞌque seꞌsarore mʉsãrẽ wereꞌe.

San Juan 8:38

Yʉꞌʉ pacʉ yʉꞌʉre ĩꞌoꞌquere mʉsãrẽ wereꞌe. Mʉsã pũrĩcã mʉsã pacʉ dutiꞌquere weesaꞌa.

San Juan 8:42

Jesú narẽ niwĩ: —Mʉsã diacjʉ̃ta Õꞌacʉ̃ ʉ̃sã pacʉ nimi nírã, yʉꞌʉre ʉabosaꞌa. Yʉꞌʉ cʉ̃ meꞌrã níꞌcʉta aꞌtiwʉ. Yʉꞌʉ ʉaro aꞌtitiwʉ. Õꞌacʉ̃ta yʉꞌʉre oꞌówĩ.