San Juan 14:19 - Õꞌacʉ̃ Yere Ucũrĩ Turi

¹⁹ Cãꞌrõacã beꞌro masã yʉꞌʉre ĩꞌasome. Mʉsã pũrĩcã ĩꞌarãsaꞌa. Yʉꞌʉ catinuꞌcũcãꞌa. Tojo weerã mʉsã quẽꞌrã catinuꞌcũcãꞌrãsaꞌa.

Tukano

¹⁹ Kã'roákã dɨ'sá', be'ró masá yɨ'ɨ̂re ĩ'yâsome. Mɨsâ pũrikã ĩ'yârãsa'. Yɨ'ɨ̂ katî nu'kukã'. Tohô weérã mɨsá kẽ'ra katî nu'kukã'rãsa'.

San Juan 14:19 Iomraidhean Croise

San Juan 11:25

Jesú core niwĩ: —Yʉꞌʉ wẽrĩꞌcãrãrẽ masõ, catise oꞌogʉ niꞌi. Yʉꞌʉre ẽjõpeogʉ wẽrĩꞌcʉpʉ nimigʉ̃, catigʉsami tja.

San Juan 12:35

Jesú narẽ niwĩ: —Yʉꞌʉ aꞌti nucũcãcjãrãrẽ sĩꞌose weronojõ niꞌi. Yʉꞌʉ masãrẽ Õꞌacʉ̃ yere añurõ masĩcã weeꞌe. Yoaticã mʉsã meꞌrã nigʉ̃saꞌa. Yʉꞌʉ aꞌtopʉ nirĩ curare mʉsã yʉꞌʉ buꞌesere ẽjõpeoya. Tojo weerã mʉsã wãcũña marĩrõ naꞌitĩꞌarõpʉ sijarã weronojõ waꞌasome. Yʉꞌʉre ẽjõpeotirã naꞌitĩꞌarõpʉ nirã́ weronojõ nima. Na weesere “Aꞌtiro peꞌe ʉaꞌa”, nímasĩtisama.

San Juan 13:33

Yʉꞌʉ meꞌrãcjãrã, cãꞌrõ mʉsã meꞌrã nitʉogʉsaꞌa. Mʉsã yʉꞌʉre aꞌmarãsaꞌa. Yʉꞌʉ judío masãrẽ todʉporopʉre níꞌcaronojõta mʉsãrẽ niꞌcãrõacã nigʉ̃ti. Yʉꞌʉ waꞌatjopʉre mʉsã waꞌamasĩtisaꞌa.

San Juan 14:6

Jesú cʉ̃rẽ niwĩ: —Yʉꞌʉ, yʉꞌʉ pacʉ tiropʉ waꞌari maꞌa weronojõ niꞌi. Yʉꞌʉ masãrẽ topʉ waꞌacã weegʉ́ niꞌi. Yʉꞌʉ masãrẽ diacjʉ̃ cjasere masĩcã weeꞌe. Narẽ catinuꞌcũcã weegʉ́ niꞌi. Yʉꞌʉre ẽjõpeorã diaꞌcʉ̃ yʉꞌʉ pacʉ tiropʉ waꞌarãsama.

San Juan 16:16

»Cãꞌrõacã beꞌro mʉsã yʉꞌʉre ĩꞌanemosome. Beꞌro ĩꞌarãsaꞌa tja. Yʉꞌʉ pacʉ tiropʉ waꞌase ye buꞌiri tojo waꞌanírõsaꞌa, niwĩ Jesú. Cʉ̃ tojo nicã tʉꞌorã, ʉ̃sã niꞌcãrẽrã aꞌmerĩ ucũwʉ̃: —¿Deꞌro nisĩꞌrĩrõ weesari cʉ̃ tojo nise?

San Juan 16:22

Co weronojõ mʉsã niꞌcãrõacã piꞌetiꞌi. Beꞌro yʉꞌʉ mʉsãrẽ ĩꞌagʉ̃ aꞌtigʉti tja. Yʉꞌʉ tojo weecã ĩꞌarã, mʉsã eꞌcatiyʉꞌrʉarãsaꞌa. Ãpẽrã mʉsãrẽ bʉjaweticã weemasĩtirãsama.

San Juan 6:40

Yʉꞌʉre oꞌóꞌcʉ aꞌtiro weecã ʉami. “Nipeꞌtirã yʉꞌʉre ẽjõpeorã catinuꞌcũcãꞌrãsama”, nimi. Yʉꞌʉ aꞌti ʉmʉco peꞌticã, narẽ masõgʉ̃saꞌa, niwĩ Jesú.

San Juan 7:33

Jesú peꞌe masãrẽ aꞌtiro niwĩ: —Yʉꞌʉ mʉsã meꞌrã yoaticã nigʉ̃saꞌa. Beꞌro yʉꞌʉre oꞌóꞌcʉ tiropʉ waꞌagʉti.

San Juan 8:21

Jesú judío masã wiorãrẽ niwĩ: —Yʉꞌʉ waꞌagʉ weeꞌe. Yʉꞌʉ waꞌáca beꞌro mʉsã yʉꞌʉre aꞌmarãsaꞌa. Mʉsã acobojonoꞌña marĩrã wẽrĩrãsaꞌa. Yʉꞌʉ waꞌatjopʉre mʉsã waꞌamasĩsome.

Hechos 10:41

Masã nipeꞌtirãpʉre bajuatiwĩ. Õꞌacʉ̃ todʉporopʉ cʉ̃ beseꞌcãrã diaꞌcʉ̃rẽ bajuawĩ. Cʉ̃ masã́ca beꞌro cʉ̃ meꞌrã sĩꞌrĩ, baꞌawʉ.

Romanos 5:10

Marĩ Õꞌacʉ̃rẽ ʉatirã nimicã, cʉ̃ macʉ̃rẽ marĩrẽ wẽrĩbosacã weecʉ niwĩ. Jesucristo wẽ́rĩ́gʉ̃ dí oꞌmabʉrose meꞌrã Õꞌacʉ̃ marĩrẽ cʉ̃ meꞌrãcjãrã sãjãcã weecʉ niwĩ. Tojo weerã marĩ niꞌcãrõacãrẽ cʉ̃ meꞌrãcjãrã niyurã, aꞌtiro masĩꞌi. Jesucristo wẽrĩ, cʉ̃ masãꞌque meꞌrãma majã marĩ buꞌiri daꞌrenoꞌboꞌcãrãrẽ yʉꞌrʉcã weegʉsami.

Romanos 8:34

Ne niꞌcʉ̃ “Ãꞌrãrẽ buꞌiri daꞌreroʉaꞌa”, nímasĩtisami. Aꞌtiro niꞌi. Jesucristota marĩrẽ wẽrĩbosacʉ niwĩ. Wẽrĩtoja, masãcʉ niwĩ. Niꞌcãrõacã cʉ̃ pacʉ diacjʉ̃ peꞌe wiogʉ dujiri cũmurõpʉ marĩ ye niatjere sẽrĩbosagʉ weesami. Tojo weegʉ ne niꞌcʉ̃ marĩ Õꞌacʉ̃ beseꞌcãrãrẽ “Buꞌiri daꞌreroʉaꞌa”, nímasĩtisami.

1 Corintios 15:20

“Wẽrĩꞌcãrã masãtima” nise diacjʉ̃ niweꞌe. “Cristo masãcʉ niwĩ” nise peꞌe diacjʉ̃ niꞌi. Cristo ãpẽrã nipeꞌtirã wẽrĩꞌcãrã dʉporo masãmʉꞌtãcʉ niwĩ. Marĩ quẽꞌrã wẽrĩꞌcãrãpʉ masãrãsaꞌa.

1 Corintios 15:45

Õꞌacʉ̃ ye queti ojáca pũrĩpʉ aꞌtiro ojanoꞌo: “Õꞌacʉ̃ cʉ̃ weemʉꞌtãꞌcʉ Adã́rẽ catisere oꞌocʉ niwĩ.” Cʉ̃ beꞌrocjʉ̃ Jesucristo peꞌe catise peꞌtitise warore oꞌogʉ nimi.

Hebreos 7:25

Tojo weegʉ Õꞌacʉ̃rẽ masĩsĩꞌrĩrãrẽ yʉꞌrʉwetidojacã weemi. Cʉ̃rẽ ẽjõpeorãrẽ tojo weemi. Cʉ̃ catinuꞌcũgʉ̃ marĩ ye niatjere Õꞌacʉ̃rẽ sẽrĩbosanuꞌcũmi.

Apocalipse 20:4

Beꞌro, peje wiorã dujise cũmurĩrẽ ĩꞌawʉ̃. Te cũmurĩpʉ dujirã aꞌti nucũcãcjãrãrẽ besemasĩsere oꞌonoꞌcãrã niwã. Ãpẽrã quẽꞌrãrẽ ĩꞌawʉ̃. Na Õꞌacʉ̃ ye queti, tojo nicã Jesú yere werese ye buꞌiri na dʉpopare dʉtesurenoꞌcãrã niwã. Na yai weronojõ bajugʉ, cʉ̃ queose yeeꞌquere ne ñubuepeoticãrã niwã. Tojo nicã na diapoapʉ, na omocãrĩpʉ cʉ̃ wãmerẽ ne ojaõꞌonoꞌticãrã niwã. Na wẽrĩꞌcãrãpʉ nimirã, masãwã. Na masã́ca beꞌro Cristo meꞌrã mil cʉ̃ꞌmarĩ masãrẽ dutitamuwã.