San Juan 12:46 - Õꞌacʉ̃ Yere Ucũrĩ Turi

⁴⁶ Yʉꞌʉ sĩꞌose weronojõ niꞌi. Aꞌti nucũcãpʉre yʉꞌʉre ẽjõpeorã naꞌitĩꞌarõpʉ tojaticãꞌto nígʉ̃ aꞌtiwʉ. Na yʉꞌʉ buꞌesere masĩrãsama. Masĩrã, añurõ weerãsama.

Tukano

⁴⁶ Yɨ'ɨ̂ sĩ'óo'se weeró noho niî'. A'ti nukúkãpɨre yɨ'ɨ̂re ẽho peórã na'î tĩ'aropɨ tohatíkã'ato niîgɨ a'tîwɨ. Naâ yɨ'ɨ̂ bu'esére masîrãsama. Masîrã, ãyuró weerã́sama.

San Juan 12:46 Iomraidhean Croise

Mateus 4:16

Tocjãrã masã naꞌitĩꞌarõpʉ nirã́ weronojõ Õꞌacʉ̃rẽ masĩtisama. Tojo nimirã, añurõ boꞌreyusere ĩꞌarã weronojõ narẽ yʉꞌrʉoacjʉre ĩꞌarãsama. Na Õꞌacʉ̃ yere masĩtimirã tere werecã, tʉꞌorãsama. Na buꞌiri daꞌre bajurionoꞌboꞌcãrã nimirã, masãbajuama, ni ojanoꞌwʉ̃.

San Lucas 2:32

Cʉ̃́ta judío masã nitirãrẽ mʉꞌʉrẽ ẽjõpeodutigʉ sĩꞌogʉ̃ weronojõ weegʉsami. Tojo nicã nipeꞌtirã mʉꞌʉ yarã Israe curuacjãrã “Õꞌacʉ̃ añurõ weeami”, ninoꞌrãsama, nicʉ niwĩ Simeó.

San Juan 1:9

Titare sĩꞌogʉ̃́ waro Jesucristo aꞌti turipʉre bajuatojacʉ niwĩ. Cʉ̃́ta nipeꞌtirãrẽ Õꞌacʉ̃ ye cjasere ĩꞌocʉ niwĩ.

San Juan 3:19

Aꞌtiro niꞌi. Jesucristo sĩꞌose weronojõ nimi. Cʉ̃ Õꞌacʉ̃ yere ĩꞌogʉ̃ aꞌtiwĩ. Cʉ̃ aꞌticã, aꞌti nucũcãcjãrã cʉ̃rẽ ʉaticãrã niwã. Cʉ̃rẽ ʉaronojõ oꞌorã, ñaꞌarõ weese peꞌere ʉaripejayurã, naꞌitĩꞌarõpʉ nirã́ weronojõ nicãrã niwã.

San Juan 8:12

Niꞌcãti Jesú masãrẽ buꞌégʉ, aꞌtiro niwĩ: —Yʉꞌʉ aꞌti nucũcãcjãrãrẽ sĩꞌose weronojõ niꞌi. Yʉꞌʉre siruturã naꞌitĩꞌarõpʉ nirã́ weronojõ nitima. Yʉꞌʉ na meꞌrã ninuꞌcũꞌu. Na deꞌro weeatjere ĩꞌoꞌo. Tojo weerã añurõ nisetimasĩma.

San Juan 9:39

Beꞌro Jesú niwĩ: —Yʉꞌʉ aꞌti turipʉre queoro besegʉ aꞌtiwʉ. Masã na ñaꞌarõ weesere masĩtima. Õꞌacʉ̃ masãrẽ yʉꞌrʉomi nise quẽꞌrãrẽ masĩtima. Tojo weerã caperi bajunoꞌtirã weronojõ nima. Aꞌtere masĩdutigʉ, ẽjõpeocã ʉagʉ aꞌtiwʉ. Ãpẽrã “Õꞌacʉ̃ ye quetire masĩꞌi”, ni wãcũsama. Náta caperi ĩꞌatirã weronojõ dojosama, niwĩ Jesú.

San Juan 9:5

Yʉꞌʉ aꞌti ʉmʉcopʉ nirĩ cura masãrẽ sĩꞌose weronojõ niꞌi. Yʉꞌʉ narẽ Õꞌacʉ̃ yere masĩcã weeꞌe, niwĩ.

Efesios 5:14

Tojo weero Jesucristore ẽjõpeotirãrẽ aꞌtiro ucũnoꞌo: Mʉꞌʉ cãrĩgʉ̃, tʉꞌomasĩtigʉ weronojõ niꞌi. Wãꞌcãña. Õꞌacʉ̃ ĩꞌorõpʉre wẽrĩꞌcʉ weronojõ niꞌi. Tojo nimigʉ̃, masãña. Tʉꞌomasĩña. Cristo Õꞌacʉ̃ beseꞌcʉ mʉsãrẽ boꞌreyuropʉ nirãrẽ weronojõ weegʉsami, ninoꞌo.