San Juan 12:42 - Õꞌacʉ̃ Yere Ucũrĩ Turi

⁴² Pãjãrã judío masã Jesure ẽjõpeowã. Niꞌcãrẽrã wiorã waropʉta ẽjõpeowã. Fariseo masãrẽ uirã, bajuyoropʉ Jesure ẽjõpeosere ucũtiwã. Ʉ̃sãrẽ judío masã na nerẽrĩ wiꞌipʉ nirãrẽ cõꞌawĩrõrĩ nírã, tojo weewã.

Tukano

⁴² Pãharã́ Judeu masa Jesuré ẽho peówã. Ni'karérã wiôrã waropɨta ẽho peówã. Fariseu masare uîrã, bahû yoaropɨ Jesuré ẽho peósere uúkũtiwã. Ɨ̃sâre Judeu masa naâ nererí wi'ipɨ niirã́re kõ'â wĩrori niîrã, tohô weewã́.

San Juan 12:42 Iomraidhean Croise

Mateus 10:32

Jesú werenemowĩ: —Noꞌo masã tʉꞌoropʉ yʉꞌʉre “Ẽjõpeoꞌo” ni werecã, yʉꞌʉ quẽꞌrã narẽ yʉꞌʉ pacʉ ʉꞌmʉsepʉ nigʉ̃rẽ añurõ ucũgʉ̃saꞌa.

San Lucas 12:8

»Mʉsãrẽ weregʉti. Noꞌo masã ĩꞌorõpʉ yʉꞌʉre “Ẽjõpeoꞌo” ni werecã, yʉꞌʉ quẽꞌrã Õꞌacʉ̃rẽ werecoꞌterã ʉꞌmʉsecjãrã ĩꞌorõpʉ narẽ añurõ ucũgʉ̃saꞌa.

San Lucas 23:13

Beꞌro Pilato paꞌia wiorãrẽ, judío masã wiorãrẽ, nipeꞌtirã masãrẽ neocũucʉ niwĩ.

San Lucas 6:22

»Mʉsã yʉꞌʉ Õꞌacʉ̃ macʉ̃ masʉ̃ weronojõ upʉtigʉre ẽjõpeocã, masã aꞌtiro weerãsama. Mʉsãrẽ ĩꞌatuꞌtirãsama. Na meꞌrã nimiꞌcãrãrẽ cõꞌawĩrõmʉjãrãsama. Mʉsãrẽ bujicãꞌa, yabirãsama. Mʉsãrẽ “Ñaꞌarã nima”, nirãsama. Narẽ tojo weenoꞌrã eꞌcatiya.

San Juan 11:45

Pãjãrã judío masã María meꞌrã baꞌpatiwãꞌcãtiꞌcãrã cʉ̃ tojo weesere ĩꞌarã, Jesure ẽjõpeowã.

San Juan 16:2

Mʉsãrẽ judío masã nerẽwʉase wiꞌseripʉ nimiꞌcãrãrẽ cõꞌawĩrõrãsama. Noꞌo mʉsãrẽ wẽjẽcõꞌaca beꞌro aꞌtiro nirãsama. “Marĩ Õꞌacʉ̃ ʉaro weerã weeꞌe”, nirãsama.

San Juan 19:38

Jesú wẽ́rĩ́ca beꞌro José Arimatea wãmetiri macãcjʉ̃ Pilatore Jesú ya upʉre sẽrĩcʉ niwĩ. José Jesure ẽjõpeogʉ niwĩ. Cʉ̃ judío masã wiorãrẽ uigʉ, yaꞌyioropʉ ẽjõpeo niseticãꞌcʉ niwĩ. Pilato “Jaʉ, Jesú ya upʉre miaña”, nicã tʉꞌogʉ, cʉ̃ ya upʉre miidijowĩ.

San Juan 3:2

Niꞌcã ñami Nicodemo Jesú tiropʉ ĩꞌagʉ̃ etawĩ. Jesure ucũwĩ: —Ʉ̃sãrẽ buꞌegʉ, Õꞌacʉ̃ mʉꞌʉ meꞌrã nimi. Tojo weegʉ cʉ̃ tutuaro oꞌoro meꞌrã mʉꞌʉ weeĩꞌomasĩꞌi. Mʉꞌʉ weeĩꞌoꞌquere ĩꞌarã, ʉ̃sã aꞌtiro masĩꞌi. Õꞌacʉ̃ ʉ̃sãrẽ buꞌedutigʉ mʉꞌʉrẽ oꞌópĩ.

San Juan 7:13

Judío masã wiorãrẽ uirã, nipeꞌtirã tʉꞌoropʉ Jesú ye cjasere ucũtiwã.

San Juan 7:31

Masã pãjãrã cʉ̃rẽ ẽjõpeowã. Aꞌtiro niwã: —¿To pũrĩcãrẽ Õꞌacʉ̃ beseꞌcʉ Cristo aꞌtigʉ, ãꞌrĩ weeĩꞌoꞌque nemorõ weegʉsari? niwã.

San Juan 9:22

Cʉ̃ pacʉsʉmʉa uirã, tojo nicãrã niwã. Judío masã wiorã todʉporopʉ aꞌtiro nicãrã niwã: “Noꞌo Jesure ‘Õꞌacʉ̃ cʉ̃ oꞌóꞌcʉ nimi’ nigʉ̃nojõrẽ Õꞌacʉ̃ wiꞌipʉta cõꞌawĩrõnoꞌrõsaꞌa. Cʉ̃ marĩ meꞌrã nisetinemosome”, nicãrã niwã.

San Juan 9:34

Na cʉ̃rẽ nicãrã niwã: —¿Mʉꞌʉ ne waropʉta ñaꞌagʉ̃ bajuaꞌcʉ mijĩ ʉ̃sãrẽ weresĩꞌrĩti? Cʉ̃ na meꞌrã nisetimiꞌcʉre na meꞌrã ninemodutiticãrã niwã.

Hechos 5:41

Na wiorã tiropʉ níꞌcãrã wijaa, aꞌmerĩ ucũcãrã niwã: —Õꞌacʉ̃ marĩrẽ “Jesú ye quetire wereya” nicã, añu niꞌi. Tojo weerã wiorã na tãrãmicã, marĩ añurõ eꞌcatise meꞌrã niꞌi, nicãrã niwã.

Romanos 10:10

Marĩ Jesucristore ẽjõpeocã, Õꞌacʉ̃ marĩrẽ “Añurã, buꞌiri marĩrã nima”, nimi. Marĩ cʉ̃rẽ ẽjõpeosere ãpẽrãrẽ wereꞌe. Te meꞌrã yʉꞌrʉrãsaꞌa.

1 João 4:15

Noꞌo nipeꞌtirã “Jesú Õꞌacʉ̃ macʉ̃ nimi” nirãnojõ Õꞌacʉ̃ meꞌrã nima. Cʉ̃ quẽꞌrã napʉre nimi.

1 João 4:2

Mʉsã na diacjʉ̃ wererãrẽ aꞌtiro ĩꞌabeseya. Na “Jesucristo aꞌti upʉ meꞌrã bajuacʉ nimi”, nisama. Tojo ẽjõpeorã, Espíritu Santure cʉorã nima. Narẽ ẽjõpeoya.