San Juan 11:32 - Õꞌacʉ̃ Yere Ucũrĩ Turi

³² Co peꞌe Jesú tiro etago, cʉ̃ ye dʉꞌpocãrĩ tiropʉ paamuꞌrĩqueꞌawõ. Cʉ̃rẽ niwõ: —Wiogʉ, mʉꞌʉ aꞌtopʉ nicã, yʉꞌʉ acabiji wẽrĩtiboapĩ.

Tukano

³² Koô pe'e Jesu tiró etâgo, kɨ̃ɨ yeé dɨ'pôkãri tiropɨ paâ mu'ri ke'awõ. Kɨ̃ɨ̂re niîwõ: —Wiôgɨ, mɨ'ɨ̂ a'topɨ́ niikã́ maa, yɨ'ɨ̂ akabihí wẽrîti booapĩ.

San Juan 11:32 Iomraidhean Croise

San Lucas 17:16

Jesú tiro etagʉ, cʉ̃rẽ eꞌcatise oꞌogʉ, diꞌtapʉ paamuꞌrĩqueꞌacʉ niwĩ. Cʉ̃ tojo weegʉ́ Samariacjʉ̃ nicʉ niwĩ.

San Lucas 5:8

Aꞌtiro waꞌacã ĩꞌagʉ̃, Simó Pedro Jesú tiro ejaqueꞌa, cʉ̃rẽ nicʉ niwĩ: —Yʉꞌʉ wiogʉ, yʉꞌʉ ñaꞌarõ weesebʉcʉ niꞌi. Tojo weegʉ mʉꞌʉ añugʉ̃, ñaꞌase moogʉ̃ yʉꞌʉ tiro niticãꞌña, nicʉ niwĩ.

San Lucas 8:41

Titare niꞌcʉ̃ sʉꞌori nerẽwʉari wiꞌi wiogʉ Jairo wãmetigʉ Jesú tiro etacʉ niwĩ. Cʉ̃ Jesú tiro ejaqueꞌa, Jesure “Yʉꞌʉre pajañaꞌcureya. Ya wiꞌipʉ teꞌa”, nicʉ niwĩ.

San Juan 11:2

Co Maríata niwõ Jesure cʉ̃ dʉꞌpocãrĩpʉ ʉꞌmʉtise piopeo, co poari meꞌrã tuucoeꞌco.

San Juan 11:21

Marta Jesú tiro etago, cʉ̃rẽ niwõ: —Wiogʉ, mʉꞌʉ aꞌtopʉ nicã, yʉꞌʉ acabiji wẽrĩtiboapĩ.

San Juan 11:37

Ãpẽrã aꞌtiro niwã: —¿Ãꞌrĩ caperi ĩꞌatigʉre yʉꞌrʉoꞌcʉ Lázarore wẽrĩcã weetibopari? niwã.

San Juan 4:49

Cʉ̃ dutitigʉ pacʉ peꞌe Jesure niwĩ: —Wiogʉ, pajañaꞌña. Teꞌa quero yʉꞌʉ macʉ̃ wẽrĩse dʉporo.

Apocalipse 22:8

Yʉꞌʉ Juã aꞌte nipeꞌtisere ĩꞌawʉ̃. Nipeꞌtisere tʉꞌowʉ. Tere tʉꞌo, ĩꞌáca beꞌro Õꞌacʉ̃rẽ werecoꞌtegʉ yʉꞌʉre ĩꞌoꞌcʉ tiro ñubuepeogʉ ejaqueꞌawʉ.

Apocalipse 5:14

Na tojo nicã tʉꞌorã, sõꞌonícãrã baꞌparitirã catirã weronojõ bajurã “Tojota waꞌato”, niwã. Ãpẽrã veinticuatro wiorã bʉcʉrã ejaqueꞌa, cʉ̃rẽ catinuꞌcũgʉ̃rẽ ñubuepeowã.

Apocalipse 5:8

Cʉ̃ tojo weecã ĩꞌarã, na baꞌparitirã catirã weronojõ bajurã, tojo nicã veinticuatro wiorã bʉcʉrã cʉ̃ dʉꞌpocãpʉ ejaqueꞌawã. Nánʉcʉ̃ bʉapʉ̃tẽse pacare cʉowã. Nánʉcʉ̃ uru meꞌrã weeꞌque pari baparire cʉowã. Te pari ʉꞌmʉtise ʉ̃jʉ̃amorõsere poosetise pari niwʉ̃. Te ʉꞌmʉtise Õꞌacʉ̃rẽ ẽjõpeorã na sẽrĩse niꞌi, nisĩꞌrĩrõ weeꞌe.