San Juan 1:4 - Õꞌacʉ̃ Yere Ucũrĩ Turi

⁴ Õꞌacʉ̃ macʉ̃ catise peꞌtitise oꞌogʉ nimi. Tojo nicã aꞌti turicjãrãrẽ sĩꞌose weronojõ nimi. Cʉ̃ añusere, diacjʉ̃ cjasere ĩꞌomi.

Tukano

⁴ Õ'âkɨ̃hɨ makɨ katisé pe'titíse o'ogɨ́ niîmi. Tohô niikã́ a'ti ɨmɨ́kohokãharãre sĩ'óo'se weeró noho niîmi. Kɨ̃ɨ̂ ãyusére, diakɨ̃hɨ́kãhasere ĩ'yomí.

San Juan 1:4 Iomraidhean Croise

Mateus 4:16

Tocjãrã masã naꞌitĩꞌarõpʉ nirã́ weronojõ Õꞌacʉ̃rẽ masĩtisama. Tojo nimirã, añurõ boꞌreyusere ĩꞌarã weronojõ narẽ yʉꞌrʉoacjʉre ĩꞌarãsama. Na Õꞌacʉ̃ yere masĩtimirã tere werecã, tʉꞌorãsama. Na buꞌiri daꞌre bajurionoꞌboꞌcãrã nimirã, masãbajuama, ni ojanoꞌwʉ̃.

San Lucas 2:32

Cʉ̃́ta judío masã nitirãrẽ mʉꞌʉrẽ ẽjõpeodutigʉ sĩꞌogʉ̃ weronojõ weegʉsami. Tojo nicã nipeꞌtirã mʉꞌʉ yarã Israe curuacjãrã “Õꞌacʉ̃ añurõ weeami”, ninoꞌrãsama, nicʉ niwĩ Simeó.

San Juan 11:25

Jesú core niwĩ: —Yʉꞌʉ wẽrĩꞌcãrãrẽ masõ, catise oꞌogʉ niꞌi. Yʉꞌʉre ẽjõpeogʉ wẽrĩꞌcʉpʉ nimigʉ̃, catigʉsami tja.

San Juan 12:35

Jesú narẽ niwĩ: —Yʉꞌʉ aꞌti nucũcãcjãrãrẽ sĩꞌose weronojõ niꞌi. Yʉꞌʉ masãrẽ Õꞌacʉ̃ yere añurõ masĩcã weeꞌe. Yoaticã mʉsã meꞌrã nigʉ̃saꞌa. Yʉꞌʉ aꞌtopʉ nirĩ curare mʉsã yʉꞌʉ buꞌesere ẽjõpeoya. Tojo weerã mʉsã wãcũña marĩrõ naꞌitĩꞌarõpʉ sijarã weronojõ waꞌasome. Yʉꞌʉre ẽjõpeotirã naꞌitĩꞌarõpʉ nirã́ weronojõ nima. Na weesere “Aꞌtiro peꞌe ʉaꞌa”, nímasĩtisama.

San Juan 12:46

Yʉꞌʉ sĩꞌose weronojõ niꞌi. Aꞌti nucũcãpʉre yʉꞌʉre ẽjõpeorã naꞌitĩꞌarõpʉ tojaticãꞌto nígʉ̃ aꞌtiwʉ. Na yʉꞌʉ buꞌesere masĩrãsama. Masĩrã, añurõ weerãsama.

San Juan 14:6

Jesú cʉ̃rẽ niwĩ: —Yʉꞌʉ, yʉꞌʉ pacʉ tiropʉ waꞌari maꞌa weronojõ niꞌi. Yʉꞌʉ masãrẽ topʉ waꞌacã weegʉ́ niꞌi. Yʉꞌʉ masãrẽ diacjʉ̃ cjasere masĩcã weeꞌe. Narẽ catinuꞌcũcã weegʉ́ niꞌi. Yʉꞌʉre ẽjõpeorã diaꞌcʉ̃ yʉꞌʉ pacʉ tiropʉ waꞌarãsama.

San Juan 3:19

Aꞌtiro niꞌi. Jesucristo sĩꞌose weronojõ nimi. Cʉ̃ Õꞌacʉ̃ yere ĩꞌogʉ̃ aꞌtiwĩ. Cʉ̃ aꞌticã, aꞌti nucũcãcjãrã cʉ̃rẽ ʉaticãrã niwã. Cʉ̃rẽ ʉaronojõ oꞌorã, ñaꞌarõ weese peꞌere ʉaripejayurã, naꞌitĩꞌarõpʉ nirã́ weronojõ nicãrã niwã.

San Juan 5:21

Yʉꞌʉ pacʉ masã wẽrĩꞌcãrãrẽ masõmi. Cʉ̃ weronojõ yʉꞌʉ quẽꞌrã yʉꞌʉ masõsĩꞌrĩrãrẽ masõgʉ̃saꞌa.

San Juan 5:26

Yʉꞌʉ pacʉta masãrẽ catinuꞌcũsere oꞌomasĩmi. Cʉ̃́ta masãrẽ catinuꞌcũcã weedutigʉ yʉꞌʉre oꞌómi.

San Juan 8:12

Niꞌcãti Jesú masãrẽ buꞌégʉ, aꞌtiro niwĩ: —Yʉꞌʉ aꞌti nucũcãcjãrãrẽ sĩꞌose weronojõ niꞌi. Yʉꞌʉre siruturã naꞌitĩꞌarõpʉ nirã́ weronojõ nitima. Yʉꞌʉ na meꞌrã ninuꞌcũꞌu. Na deꞌro weeatjere ĩꞌoꞌo. Tojo weerã añurõ nisetimasĩma.

San Juan 9:5

Yʉꞌʉ aꞌti ʉmʉcopʉ nirĩ cura masãrẽ sĩꞌose weronojõ niꞌi. Yʉꞌʉ narẽ Õꞌacʉ̃ yere masĩcã weeꞌe, niwĩ.

Hechos 26:23

Na aꞌtiro ni ojacãrã niwã: “Cristo Õꞌacʉ̃ beseꞌcʉ piꞌeti, wẽrĩgʉ̃sami. Wẽrĩtoja, cʉ̃́ta wẽrĩꞌcʉpʉ masãmʉꞌtãgʉ̃sami. Tojo weegʉ cʉ̃ yʉꞌrʉosere weregʉsami judío masãrẽ, judío masã nitirãrẽ”, ni ojacãrã niwã, ni werecʉ niwĩ Pablo.

1 Corintios 15:45

Õꞌacʉ̃ ye queti ojáca pũrĩpʉ aꞌtiro ojanoꞌo: “Õꞌacʉ̃ cʉ̃ weemʉꞌtãꞌcʉ Adã́rẽ catisere oꞌocʉ niwĩ.” Cʉ̃ beꞌrocjʉ̃ Jesucristo peꞌe catise peꞌtitise warore oꞌogʉ nimi.

Efesios 5:14

Tojo weero Jesucristore ẽjõpeotirãrẽ aꞌtiro ucũnoꞌo: Mʉꞌʉ cãrĩgʉ̃, tʉꞌomasĩtigʉ weronojõ niꞌi. Wãꞌcãña. Õꞌacʉ̃ ĩꞌorõpʉre wẽrĩꞌcʉ weronojõ niꞌi. Tojo nimigʉ̃, masãña. Tʉꞌomasĩña. Cristo Õꞌacʉ̃ beseꞌcʉ mʉsãrẽ boꞌreyuropʉ nirãrẽ weronojõ weegʉsami, ninoꞌo.

Colosenses 3:4

Cʉ̃́ta marĩrẽ sʉꞌori nimi. Sʉꞌori catimi. Marĩ cʉ̃ meꞌrã niꞌi. Tojo weerã cʉ̃ aꞌti nucũcãpʉre apaturi aꞌticã, marĩ quẽꞌrã cʉ̃ tutuase, cʉ̃ asistese meꞌrã aꞌtirãsaꞌa.

1 João 1:1

Yʉꞌʉ mʉsãrẽ Jesucristo ye cjasere, cʉ̃ nisetisere ojagʉ weeꞌe. Aꞌtiro niꞌi. Aꞌti turi weese dʉporo cʉ̃, cʉ̃ pacʉ meꞌrã nitojacʉ niwĩ. Beꞌro aꞌti turipʉre bajuacʉ niwĩ. Cʉ̃ catinuꞌcũgʉ̃ marĩrẽ catinuꞌcũcã weegʉ́ nimi. Ʉ̃sã cʉ̃rẽ ĩꞌawʉ̃. Cʉ̃ ucũsere tʉꞌowʉ. Ʉ̃sã basu warota cʉ̃rẽ ĩꞌabutiawʉ. Cʉ̃rẽ añurõ masĩwʉ̃. Tojo weerã cʉ̃rẽ ĩꞌaꞌquere mʉsãrẽ wereꞌe.

Apocalipse 22:1

Beꞌro Õꞌacʉ̃rẽ werecoꞌtegʉ diare ĩꞌowĩ. Ti maa ũꞌirĩ marĩrĩ maa niwʉ̃. Te aco, catise warore oꞌowʉ. Pũrõ acostiri maa niwʉ̃. Õꞌacʉ̃, tojo nicã cʉ̃ macʉ̃ oveja wĩꞌmagʉ̃ weronojõ bajugʉ dujiri cũmurõ docapʉ wijawʉ.

Apocalipse 22:16

»Yʉꞌʉ Jesú niꞌi. Õꞌacʉ̃rẽ werecoꞌtegʉ, yagʉ meꞌrã aꞌti pũrĩ cjase nipeꞌtirã yʉꞌʉre ẽjõpeose cururicjãrãrẽ weredutiꞌi. Yʉꞌʉ dʉporocjʉ̃ wiogʉ Davi pãrãmi nituriagʉ niꞌi. Tojo nicã ñocõawʉ̃ boꞌrequeꞌari cura asistemʉjãtigʉ weronojõ nigʉ̃́ niꞌi, niwĩ Jesú.