Josué 7:25 - Õꞌacʉ̃ Yere Ucũrĩ Turi

²⁵ Josué cʉ̃rẽ nicʉ niwĩ: —¿Deꞌro weegʉ mʉꞌʉ marĩrẽ aꞌte bopoyoro buꞌiri daꞌreatjere weeati? Niꞌcãrõacã Õꞌacʉ̃ mʉꞌʉrẽ buꞌiri daꞌregʉsami, nicʉ niwĩ. Tojo nitoja, nipeꞌtirã Israe curuacjãrã ʉ̃tãperi meꞌrã cʉ̃rẽ, cʉ̃ yarã ecarãrẽ doquewẽjẽcãrã niwã. Beꞌro narẽ ʉ̃jʉ̃acõꞌacãrã niwã.

Josué 7:25 Iomraidhean Croise

Génesis 34:30

Tere ĩꞌagʉ̃, Jacob Simeó, Levíre aꞌtiro nicʉ niwĩ: —Mʉsã yʉꞌʉre ñaꞌabutiaro weepetíyeapã. Niꞌcãrõacãma aꞌtopʉ nirã́ masã cananeo masã, ferezeo masã yʉꞌʉre ne ĩꞌasĩꞌrĩtirãsama. Na yʉꞌʉ meꞌrã aꞌmewẽjẽrãtirã nerẽrãsama. Yʉꞌʉ pejetirãcã masã cʉoꞌo. Marĩrẽ wẽjẽpeꞌocãꞌrãsama.

Génesis 38:24

Iꞌtiarã mujĩpũ beꞌro ãpẽrã Judáre aꞌtiro quetiwererã etacãrã niwã: —Mʉꞌʉ macʉ̃ nʉmo ãpẽrã ʉmʉarẽ aꞌmetãrã, nijĩpacoyoja waꞌaco niamo, nicãrã niwã. Judá tere tʉꞌogʉ, “Core miiwĩrõ, ʉ̃jʉ̃acõꞌacãꞌrã waꞌaya”, ni caricũcʉ niwĩ.

Gálatas 5:12

Mʉsã Jesucristore ẽjõpeorãrẽ dojorẽcusiasama. Mʉsãrẽ dojorẽrãrẽ aꞌtiro weecã ʉasaꞌa. Na mʉsã tirore ne ninemoticãꞌto.

2 Tesalonicenses 1:6

Õꞌacʉ̃ queoro weegʉsami. Mʉsãrẽ piꞌeticã weeꞌcãrãrẽ piꞌeticã weegʉsami.

Hebreos 12:15

Mʉsã tʉꞌomasĩña. Apetero mʉsã ñaꞌarõ weese buꞌiri Õꞌacʉ̃ weetamusere ʉatirã weronojõ waꞌabosaꞌa. Ne niꞌcʉ̃ Õꞌacʉ̃ añurõ weesere ʉatigʉnojõ marĩato. Tojo nicã mʉsã wãcũsepʉ ãpẽrãrẽ ʉose, aꞌpepũrĩse, nipeꞌtise ãpẽrãrẽ ñaꞌarõ weese wãꞌcãcã weeticãꞌña. Siape meꞌrã tojo weesere cãꞌmotaꞌatirã, pãjãrãrẽ dojorẽbosaꞌa.

Josué 6:18

Mʉsã Õꞌacʉ̃ cʉ̃ cõꞌadutiꞌque to nisere ne miaticãꞌña. Mʉsã tojo weecãma, mʉsã ye buꞌiri Õꞌacʉ̃ Israe curuacjãrãrẽ ñaꞌabutiaro waꞌacã weebosami.

Josué 7:15

Yʉꞌʉ “Miaticãꞌña” níꞌquere cʉogʉ cʉ̃ acawererã meꞌrã, tojo nicã cʉ̃ cʉose nipeꞌtise meꞌrã ʉ̃jʉ̃acõꞌanoꞌgʉ̃sami. Cʉ̃ Israe curuacjãrãrẽ bopoyoro weeꞌque buꞌiri, tojo nicã yʉꞌʉ “Aꞌtiro weeya” níꞌquere yʉꞌrʉnʉꞌcãꞌque buꞌiri ʉ̃jʉ̃acõꞌanoꞌgʉ̃sami’ ”, nicʉ niwĩ Õꞌacʉ̃ Josuére.