Josué 17:15 - Õꞌacʉ̃ Yere Ucũrĩ Turi

¹⁵ Na tojo nicã tʉꞌogʉ, Josué narẽ yʉꞌticʉ niwĩ: —Mʉsã pãjãrã niꞌi nírã, mʉsãrẽ oꞌóca diꞌta Efraĩ́, buꞌpapijaro nirṍ ejatuaticã, ferezeo masã, tojo nicã refaíta masã ya diꞌta yucʉpagʉ pejepagʉ nirõpʉ waꞌaya. Waꞌa, tere paa, ote, topʉ nisetiya, nicʉ niwĩ.

Josué 17:15 Iomraidhean Croise

Génesis 13:7

Abrã yarã ecarã coꞌterã, Lot yarã ecarã coꞌterã meꞌrã aꞌmetuꞌticũcãrã niwã. Apeyema tja, titare cananeo masã, tojo nicã ferezeo masã topʉre nicãrã niwã.

Génesis 14:5

Ape cʉ̃ꞌma Quedorlaomer cʉ̃ meꞌrã nirã́ wiorã Astarot Karnaim wãmetiropʉ waꞌacãrã niwã. Topʉre waꞌa, refaíta masãrẽ aꞌmewẽjẽ wapataꞌacãrã niwã. Beꞌro, Ham wãmetiropʉre zuzita masãrẽ aꞌmewẽjẽ wapataꞌacãrã niwã. Tojo nicã emita masã quẽꞌrãrẽ Save-quiriataim wãmetiropʉre aꞌmewẽjẽ wapataꞌacãrã niwã.

Génesis 15:20

hitita masã, ferezeo masã, refaíta masã,

Éxodo 33:2

Yʉꞌʉre werecoꞌtegʉre mʉsã dʉporo oꞌógʉti. Yʉꞌʉ ti diꞌtapʉ nirã́ cananeo masã, amorreo masã, hitita masã, ferezeo masã, heveo masã, jebuseo masãrẽ cõꞌawĩrõgʉ̃ti.

San Lucas 12:48

Apĩ daꞌracoꞌtegʉ wiogʉ ʉasere masĩtisami. Tojo masĩtimigʉ̃ ñaꞌase, buꞌiri daꞌrenoꞌsere wéégʉ, sajatirocure tãrãnoꞌgʉ̃sami. Peje masĩse oꞌonoꞌcʉ nemorõ wapaseenoꞌgʉ̃sami. Tojo nicã “Añubutiaro weegʉsami” ninoꞌcʉ nemorõ “Tojo weeroʉaꞌa” ninoꞌgʉ̃sami, nicʉ niwĩ Jesú.

Josué 17:14

José pãrãmerã nituriarã Manasés ya curuacjãrã, tojo nicã Efraĩ́ ya curuacjãrã Josuére aꞌtiro nicãrã niwã: —¿Deꞌro weegʉ ʉ̃sãrẽ ʉ̃sã ye niatjere niꞌcã diꞌtacãta oꞌoati? Ʉ̃sãrẽ ejatuatʉꞌsaweꞌe. Õꞌacʉ̃ ʉ̃sãrẽ añurõ wéégʉ, pãjãrã masãputicã weeami, nicãrã niwã.

Josué 17:16

Na cʉ̃rẽ yʉꞌticãrã niwã: —Diacjʉ̃ta niꞌi. Aꞌte buꞌpapijaro nirṍ ʉ̃sãrẽ ejatuatisaꞌa. Mejõ cananeo masã opa paꞌtiro nirõpʉ nirã́ peꞌe pejepawʉ cabayua wejesepawʉ cõme meꞌrã weeꞌquepawʉre cʉoma. Bet-seã́pʉ nirã́, to sumuto nise nirã́, tojo nicã Jezreel opa paꞌtiro nirã́ quẽꞌrã mejãrõta cʉoma, nicãrã niwã.