Josué 10:4 - Õꞌacʉ̃ Yere Ucũrĩ Turi

⁴ Narẽ aꞌtiro níoꞌocʉ niwĩ: “Gabaṍcjãrã Josué, tojo nicã Israe curuacjãrã meꞌrã apocãrã niama. Tojo weerã mʉsã, mʉsã yarã surara meꞌrã yʉꞌʉre Gabaṍcjãrã meꞌrã aꞌmewẽjẽcã weetamurã aꞌtia”, nicʉ niwĩ.

Josué 10:4 Iomraidhean Croise

Mateus 16:24

Beꞌro Jesú ʉ̃sã ãpẽrãrẽ niwĩ: —Noꞌo yʉꞌʉre ẽjõpeosirutugʉnojõ cʉ̃ weesĩꞌrĩrõnojõ weeticãꞌto. Yʉꞌʉ ʉaro peꞌe weeato. Noꞌo yʉꞌʉre sirutusĩꞌrĩgʉ̃, “Jesure ẽjõpeogʉ, wẽrĩbosaꞌa” nitigʉta sirutuato.

San Juan 15:19

Mʉsã aꞌti nucũcãcjãrã waro nicãma, na meꞌrãcjãrãrẽ maꞌirõnojõta mʉsãrẽ maꞌibosama. Yʉꞌʉ mʉsãrẽ na waꞌteropʉ nirãrẽ besewʉ. Mʉsã aꞌti nucũcãcjãrã weronojõ niweꞌe. Tojo weerã mʉsãrẽ ĩꞌatuꞌtima.

Hechos 21:28

—Ʉ̃sã acawererã, ʉ̃sãrẽ weetamurã aꞌtia. Ãꞌrĩta nimi nipeꞌtiro marĩrẽ ñaꞌarõ ucũse meꞌrã dojorẽcusiaꞌcʉ. Cʉ̃ “Judío masã ñaꞌa nima”, nicusiami. “Moisé cʉ̃ dutiꞌque wapamarĩꞌi”, nimi. Aꞌti wiꞌi Õꞌacʉ̃ wiꞌi quẽꞌrãrẽ “Ñaꞌa niꞌi”, ni buꞌecusiagʉ weeami. Apeyema tja griego masãrẽ aꞌti wiꞌipʉre miisãjãtiapĩ. Judío masã nitirã griego masã aꞌti wiꞌipʉre deꞌro sãjãtita basioweꞌe. Cʉ̃ aꞌtiro wéégʉ, aꞌti wiꞌi ñaꞌase marĩrĩ wiꞌire dojorẽgʉ̃ weeapĩ, ni weresãcãrã niwã.

2 Timoteo 3:12

Diacjʉ̃ta niꞌi. Jesucristore ẽjõpeorã nipeꞌtirãrẽ Õꞌacʉ̃ ʉaronojõ añurõ weesĩꞌrĩrãrẽ ãpẽrã ñaꞌarõ weerãsama.

Santiago 4:4

Tojo weerã mʉsã niꞌcõ numio marãpʉtigo nimigõta, apĩrẽ tʉꞌsago weronojõ niꞌi. Mʉsã Õꞌacʉ̃ põꞌrã nimirãta, aꞌti diꞌta cjasere wãcũyʉꞌrʉnʉꞌcãsaꞌa. Tojo weerã Õꞌacʉ̃rẽ yabirã weronojõ niꞌi. Noꞌo aꞌti diꞌta cjasere ʉaripejayʉꞌrʉnʉꞌcãgʉ̃nojõ Õꞌacʉ̃ meꞌrã aꞌpepũrĩgʉ̃ weesami.

Josué 10:1

Wiogʉ Jerusalẽ́cjʉ̃ Adonisedec wãmetigʉ Israe curuacjãrã Haicjãrãrẽ docaqueꞌacã weeꞌquere tʉꞌocʉ niwĩ. Cʉ̃ “Jericóre, ti macã wiogʉre weeꞌcaronojõta Haicjãrãrẽ, na wiogʉre weeapʉ” nisere tʉꞌocʉ niwĩ. Tojo nicã Gabaṍcjãrã Israe curuacjãrã meꞌrã na ucũ aꞌmerĩ apoꞌquere tʉꞌocʉ niwĩ.

Josué 10:5

Tojo weerã na niꞌcãmocʉrã amorreo masã wiorã nerẽ, na yarã surara meꞌrã Gabaṍcjãrã meꞌrã aꞌmewẽjẽrã waꞌacãrã niwã. Na wiorã Jerusalẽ́cjʉ̃, Hebrṍcjʉ̃, Jarmucjʉ̃, Laquicjʉ̃, tojo nicã Eglṍcjʉ̃ nicãrã niwã.

Josué 9:15

Tojo weegʉ Josué narẽ “Mʉsãrẽ coꞌte, wẽjẽsome”, ni apocʉ niwĩ. Ãpẽrã Israe curuacjãrã wiorã “Õꞌacʉ̃ wãme meꞌrã tojota weerãti”, nicãrã niwã.

1 Pedro 4:4

Niꞌcãrõacãrẽ te pejere mʉsã weetisaꞌa majã. Todʉporopʉ mʉsã meꞌrã ñaꞌarõ weesetiꞌcãrãrẽ baꞌpatinemotisaꞌa. Mʉsãrẽ na pijicã, waꞌatisaꞌa. Mʉsã tojo weecã, “¿Deꞌro weerã tojo weeti?” nisama. Tere ĩꞌarã, mʉsãrẽ ĩꞌatuꞌti, ucjasama.

Apocalipse 16:14

Ãꞌrã iꞌtiarã ʉseripʉ wijaaꞌcãrã wãtĩa peje weeĩꞌosere weewã. Na aꞌti nucũcãcjãrã wiorã nipeꞌtirãrẽ aꞌmewẽjẽdutirã neowã. Na aꞌmewẽjẽatji nʉmʉ Õꞌacʉ̃ tutuayʉꞌrʉagʉ ya nʉmʉ waro nirõsaꞌa.