Josué 10:13 - Õꞌacʉ̃ Yere Ucũrĩ Turi

¹³ Cʉ̃ tojo nicã, mujĩpũ ʉmʉcocjʉ̃, ñamicjʉ̃ téé narẽ ĩꞌatuꞌtirãrẽ wẽjẽcõꞌáca beꞌropʉ tojanʉꞌcãtʉocãrã niwã. Aꞌtere Justo wãmetiri turipʉ ojanoꞌwʉ̃. Tojo weegʉ mujĩpũ ʉmʉcocjʉ̃ ʉꞌmʉse decopʉ tojanʉꞌcãcʉ niwĩ. Niꞌcã nʉmʉ ejatuaro ne sãjãticʉ niwĩ.

Josué 10:13 Iomraidhean Croise

Mateus 24:29

Jesú aꞌtiro ninemowĩ: —Te piꞌetise nʉmʉrĩ yʉꞌrʉ́ca beꞌro mujĩpũ ʉmʉcocjʉ̃ naꞌitĩꞌa waꞌagʉsami. Ñamicjʉ̃ quẽꞌrã boꞌreyusome. Ñocõa bʉrʉdijarãsama. Nipeꞌtirã ʉꞌmʉarõpʉ nirã́ narãsãcã weenoꞌrãsama.

Mateus 5:45

Tojo weerã marĩ pacʉ ʉꞌmʉsepʉ nigʉ̃́ põꞌrã niꞌi nisere ĩꞌorãsaꞌa. Cʉ̃ añurã, ñaꞌarã tiropʉ mujĩpũrẽ boꞌreyucã weemi. Mejãrõta añurõ weerã́, ñaꞌarõ weerã́ tiropʉ aco pejacã weemi.

San Lucas 18:7

Tojo nicãma, ¿Õꞌacʉ̃ to pũrĩcãrẽ cʉ̃ beseꞌcãrãrẽ ñamirĩ, ʉmʉcori cʉ̃rẽ sẽrĩnuꞌcũrãrẽ weetamutisari? ¿Na sẽrĩꞌquere yoogosari?

Hechos 2:20

Ʉmʉco quẽꞌrã naꞌitĩꞌa waꞌarosaꞌa. Tojo waꞌacã, mujĩpũ ʉmʉcocjʉ̃ bajutigʉsami. Mujĩpũ ñamicjʉ̃ quẽꞌrã sõꞌagʉ̃ waꞌagʉsami. Dí weronojõ sõꞌagʉ̃sami. Masãrẽ yʉꞌrʉoꞌcʉ cʉ̃ apaturi aꞌtiatji dʉporo tojo waꞌarosaꞌa. Cʉ̃ aꞌtigʉ, wiopesase meꞌrã asistedijatigʉsami. Mejõ nirĩ nʉmʉ nisome.

Josué 10:11

Apeyema tja na Bet-horón buꞌari maꞌapʉ uiwãꞌcãrĩ cura Õꞌacʉ̃ aꞌtiro weecʉ niwĩ. Acoro pejaro weronojõ narẽ yʉsʉase aco peri bʉꞌaꞌque peri paca bʉrʉcã weecʉ niwĩ. Cʉ̃ tojo weeꞌque meꞌrã pãjãrã amorreo masã wẽrĩcãrã niwã. Israe curuacjãrã surara narẽ wẽjẽꞌcaro nemorõ pãjãrã wẽrĩcãrã niwã.

Josué 10:14

Todʉporopʉ ti nʉmʉ weronojõ Õꞌacʉ̃ masʉ̃rẽ cʉ̃ tojo sẽrĩsere yʉꞌtíca nʉmʉ weronojõ waꞌaticaro niwʉ̃. Beꞌropʉ quẽꞌrãrẽ tojo waꞌaticaro niwʉ̃. Ti nʉmʉrẽta Õꞌacʉ̃ cʉ̃ tutuaro meꞌrã Israe curuacjãrãrẽ aꞌmewẽjẽtamucʉ niwĩ.

Apocalipse 21:23

Ti macãpʉre mujĩpũ ʉmʉcocjʉ̃, ñamicjʉ̃ sĩꞌosere ne aꞌmasome. Õꞌacʉ̃ asistese meꞌrã añurõ sĩꞌonuꞌcũꞌu. Õꞌacʉ̃ macʉ̃ oveja wĩꞌmagʉ̃ weronojõ bajugʉ cʉ̃ ti macãrẽ sĩꞌogʉ̃́ nimi.

Apocalipse 6:10

Na tutuaro meꞌrã ucũwã. Aꞌtiro niwã: —Wiogʉ, añubutiagʉ, mʉꞌʉ ñaꞌase moogʉ̃ niꞌi. Mʉꞌʉ “Weegʉti” níꞌquere queoro weeꞌe. ¿Deꞌro nicã mʉꞌʉ nucũcãcjãrã ʉ̃sãrẽ wẽjẽꞌcãrãrẽ buꞌiri daꞌreaꞌmegʉ̃sari?

Apocalipse 6:12

Beꞌro Õꞌacʉ̃ macʉ̃ oveja wĩꞌmagʉ̃ weronojõ bajugʉ apero piꞌrabiꞌaꞌcarore pãawĩ tja. Cʉ̃ pãacã, diꞌta pũrõ narãsãwʉ̃. Mujĩpũ ʉmʉcocjʉ̃ naꞌitĩꞌa waꞌawĩ. Wẽrĩꞌcãrãrẽ bʉjawetirã suꞌti ñise sãñarõ weronojõ waꞌawĩ. Mujĩpũ ñamicjʉ̃ dí weronojõ pũrõ sõꞌawĩ.

Apocalipse 8:12

Iꞌtiarã beꞌrocjʉ̃ putiwĩ tja. Cʉ̃ puticã, mujĩpũ ʉmʉcocjʉ̃ decobocure dojowĩ. Ʉmʉcore decobocure boꞌreyutiwĩ. Ñamicjʉ̃ tojota waꞌawĩ. Ñocõa quẽꞌrã pãjãrã decobocure dojowã. Na decobocure ñamipʉre ne boꞌreyutiwã.

Jueces 16:28

Tojo waꞌari cura Sansón Õꞌacʉ̃rẽ aꞌtiro sẽrĩcʉ niwĩ: “Yʉꞌʉre wãcũña. Niꞌcãti yʉꞌʉre tutuase oꞌonemoña tja. Ye caperire filisteo masã oreweeꞌque wapa aꞌmegʉ̃tigʉ weeꞌe”, nicʉ niwĩ.