Jonás 1:3 - Õꞌacʉ̃ Yere Ucũrĩ Turi

³ Joná peꞌe Õꞌacʉ̃rẽ yʉꞌtironojõ oꞌogʉ, Õꞌacʉ̃rẽ duꞌtigʉ, Jope nirĩ petapʉ buꞌacʉ niwĩ. Topʉ yucʉsʉ Tarsis wãmetiri macãpʉ waꞌapjʉre bocaejacʉ niwĩ. Cʉ̃ ti macãpʉ waꞌagʉti nígʉ̃, topʉ waꞌase wapare wapayecʉ niwĩ. Wapayetoja, tiwʉpʉ mʉjãsãjãcʉ niwĩ.

Jonás 1:3 Iomraidhean Croise

Génesis 3:8

Beꞌro na tojo wééca beꞌro ñamicaꞌa mujĩpũ sãjãrĩ cura, Õꞌacʉ̃ ti wesepʉ sijawãꞌcãticã tʉꞌocãrã niwã. Cʉ̃rẽ uirã, yucʉpagʉ waꞌteropʉ duꞌticãrã niwã.

Génesis 4:16

Tojo weegʉ, Caĩ́ Õꞌacʉ̃ ĩꞌorõpʉ nimiꞌcʉ wija waꞌacʉ niwĩ. Nod wãmetiropʉ, Edẽ́ mujĩpũ mʉjãtiro peꞌe nirõpʉ niseticʉ niwĩ majã.

Jonás 1:10

Joná tiwʉ daꞌrarãrẽ “Õꞌacʉ̃rẽ duꞌtigʉ weeꞌe”, ni werecʉ niwĩ. Cʉ̃ tojo nisere tʉꞌorã, ʉpʉtʉ uicãrã niwã. Siapeꞌe meꞌrã wĩꞌrõ ʉpʉtʉ wẽe, pãꞌcõrĩ pacase wãꞌcãcã ĩꞌarã, cʉ̃rẽ sẽrĩtiñaꞌcãrã niwã: —¿Deꞌro weegʉ mʉꞌʉ tojo weeati? Ʉ̃sã aꞌti maajore diꞌtamarĩacã ʉarã, ¿mʉꞌʉrẽ deꞌro weerãsari? nicãrã niwã.

Jonás 4:2

Tojo weegʉ Õꞌacʉ̃rẽ ñubue, aꞌtiro ni ucũcʉ niwĩ: —Õꞌacʉ̃, yá diꞌtapʉ nícaterore “Aꞌtirota waꞌarosaꞌa”, nimiwʉ̃. Tojo weegʉ “Sojaro meꞌrã Tarsis wãmetiri macãpʉ duꞌtiagʉti”, nimiwʉ̃. Yʉꞌʉ masĩꞌi, mʉꞌʉ maꞌise cʉogʉ, masãrẽ añurõ pajañaꞌa. Ne uamʉñaweꞌe. Mʉꞌʉ pajañaꞌyʉꞌrʉatjĩagʉ̃, “Buꞌiri daꞌregʉti” níꞌcʉ nimigʉ̃, ne weeweꞌe.

San Lucas 9:62

Jesú cʉ̃rẽ nicʉ niwĩ: —Diꞌta seꞌecũugʉ̃, opanʉrẽ waꞌari nígʉ̃, sẽꞌema peꞌe ĩꞌatõrõtisami. Ãꞌrĩ weronojõ Õꞌacʉ̃rẽ ẽjõpeoꞌcʉpʉa todʉporo cʉ̃ weesetiꞌquere wãcũnʉrʉ̃tisami. Wãcũnʉrʉ̃gʉ̃a Õꞌacʉ̃ ye cjasere queoro weemasĩtisami, nicʉ niwĩ.

Hechos 15:38

Juã Marco todʉporopʉ na meꞌrã añurõ buꞌeyapadaꞌreoticʉ niwĩ. Jerusalẽ́pʉ waꞌagʉ, Panfilia diꞌtapʉ narẽ cõꞌatojaa waꞌacʉ niwĩ. Tojo weegʉ Pablo cʉ̃rẽ ne miasĩꞌrĩticʉ niwĩ.

Hechos 26:19

»Tojo weegʉ Jesú cʉ̃ ʉꞌmʉsepʉ ucũdijoꞌquere queoro weewʉ. Yʉꞌrʉnʉꞌcãtiwʉ.

Hechos 9:36

Ape macã Jope wãmetiri macãpʉ niꞌcõ numio Jesure ẽjõpeogo Tabita wãmetigo nico niwõ. Griego ye meꞌrã peꞌema Dorca wãmetico niwõ. Dorca nírõ, “ñama” nisĩꞌrĩrõ weesaꞌa. Co añurõ weenuꞌcũcãꞌco niwõ. Pajasecʉorãrẽ añurõ weetamuco niwõ.

Hechos 9:38

Jope Lida pʉꞌtoacã tojacaro niwʉ̃. Tojo weerã Pedro Lidapʉ nicã tʉꞌorã, ʉmʉa pʉarã Jopecjãrã Jesure ẽjõpeorãrẽ pijidutirã oꞌocãrã niwã. —Quero aꞌtiato, ni weredutioꞌocãrã niwã.

Hechos 9:42

Nipeꞌtirã Jopecjãrã tʉꞌoseꞌsacãrã niwã tojo weeꞌquere. Tojo weerã pãjãrã Jesure ẽjõpeonemocãrã niwã tja.

Hechos 9:43

Pedro peje nʉmʉrĩ tojacʉ niwĩ Jopepʉre. Niꞌcʉ̃ Simó wãmetigʉ waꞌicʉrã caseri apogʉ ya wiꞌipʉ cãjĩcʉ niwĩ.

1 Corintios 9:16

Yʉꞌʉ Jesucristo ye quetire weregʉ, tere werese buꞌiri “Ãpẽrã yʉꞌrʉoro añuyʉꞌrʉnʉꞌcãꞌa”, niweꞌe. Te yʉꞌʉ daꞌrase niꞌi. Yʉꞌʉ tere wereticã, ñaꞌarõ waꞌabosaꞌa.

2 Tesalonicenses 1:9

Narẽ buꞌiri daꞌre bajurio, cõꞌadijobutiagʉsami. Tojo weerã na ne cãꞌrõacã marĩ wiogʉre ĩꞌatibutiarãsama. Tojo nicã cʉ̃ tutuasere, cʉ̃ asistesere ĩꞌasome.