Hechos 7:51 - Õꞌacʉ̃ Yere Ucũrĩ Turi

⁵¹ Beꞌro Esteba narẽ nicʉ niwĩ tja: —Mʉsã Õꞌacʉ̃ dutisere yʉꞌrʉnʉꞌcãyʉꞌrʉaꞌa. Cʉ̃rẽ masĩtirã weronojõ cʉ̃ weresere ne tʉꞌosĩꞌrĩweꞌe. Mʉsã ñecʉ̃sʉmʉa weeꞌcaronojõta Espíritu Santu dutisere weesĩꞌrĩweꞌe.

Tukano

⁵¹ Be'ró Estevão naâre niîkɨ niîwĩ taha: —Mɨsâ Õ'âkɨ̃hɨ dutisére yɨ'rɨ́ nɨ'ka yɨ'rɨa'. Kɨ̃ɨ̂re masîtirã weeró noho kɨ̃ɨ̂ weresére neê tɨ'ó sĩ'ri wee'. Mɨsâ yẽkɨ sɨmɨá weé'karo nohota Espírito Santo dutisére weé sĩ'ri wee'.

Hechos 7:51 Iomraidhean Croise

Éxodo 32:9

Õꞌacʉ̃ apeye Moisére ninemocʉ niwĩ: —Yʉꞌʉ sõjã masãrẽ na nisetisere añurõ masĩꞌi. Yʉꞌʉre yʉꞌrʉnʉꞌcãsepijarã nima.

Éxodo 33:3

Cabra õpẽcõ, mumiaco pajiro aco oꞌmabʉroro weronojõ nirĩ diꞌtapʉre waꞌarã weeꞌe. Yʉꞌʉ peꞌe mʉsã meꞌrã waꞌasome. Mʉsã yʉꞌrʉnʉꞌcãsepijarã niꞌi. Yʉꞌʉ waꞌagʉ pũrĩcã mʉsã ñaꞌarõ weecã, buꞌiri daꞌre bajuriodijobosaꞌa, nicʉ niwĩ Õꞌacʉ̃.

Éxodo 33:5

Õꞌacʉ̃ Moisére aꞌtiro wereyutojacʉ niwĩ: —Israe curuacjãrãrẽ aꞌtiro ni wereya: “Mʉsã yʉꞌrʉnʉꞌcãsepijarã niꞌi. Mʉsã waꞌteropʉre mʉsã meꞌrã yʉꞌʉ cãꞌrõ baꞌpatiquejogʉ, mʉsãrẽ buꞌiri daꞌre bajuriobosaꞌa. Tojo weerã mʉsã suꞌti añusere, mʉsã bʉsasere, tojo nicã yosasere tuweemiicãꞌña. Mʉsã tere tuweemiica beꞌro yʉꞌʉ mʉsãrẽ weeatjere wãcũgʉ̃saꞌa”, ni wereya, nicʉ niwĩ Õꞌacʉ̃.

Éxodo 34:9

Cʉ̃rẽ eꞌcatipeogʉ, aꞌtiro ni sẽrĩcʉ niwĩ: —Wiogʉ, diacjʉ̃ta yʉꞌʉ weesere tʉꞌsagʉ, ʉ̃sãrẽ baꞌpatiya. Ãꞌrã masã yʉꞌrʉnʉꞌcãsepijarã nima. Tojo nimicã, ʉ̃sã ñaꞌasere, ʉ̃sã ñaꞌarõ weesere acobojoya. Ʉ̃sãrẽ mʉꞌʉ yarã masã tojacã weeya, ni sẽrĩcʉ niwĩ.

Hechos 6:10

Cʉ̃rẽ na tojo weecã, Espíritu Santu cʉ̃ ucũcã, Estebare peje masĩse oꞌocʉ niwĩ. Tojo weerã na cʉ̃ meꞌrã ne ucũ põtẽoticãrã niwã.

Hechos 7:27

»Cʉ̃ tojo nicã tʉꞌogʉ, apĩrẽ ʉpʉtʉ paaꞌcʉ peꞌe Moisére tuuquenʉꞌcõcʉ niwĩ. “¿Noa mʉꞌʉrẽ ʉ̃sã wiogʉ ‘Narẽ besegʉ waꞌaya’, níoꞌoati?

Hechos 7:35

»Ãꞌrĩ Moiséreta marĩ ñecʉ̃sʉmʉa teerã, aꞌtiro nicãrã niwã: “¿Noa mʉꞌʉrẽ ʉ̃sã wiogʉ, ‘Narẽ besegʉ waꞌaya’, níoꞌoati?” nicãrã niwã. Marĩ ñecʉ̃sʉmʉa tojo nimicã, Õꞌacʉ̃ peꞌe Moisére narẽ yʉꞌrʉoacjʉ, narẽ dutiacjʉ sõrõcʉ niwĩ. Pecameꞌe siti ʉ̃jʉ̃ꞌcaro bajuaꞌcʉta Moisére yʉꞌrʉotamucʉ niwĩ marĩ ñecʉ̃sʉmʉarẽ.

Hechos 7:39

»Moisé tere weremicã, marĩ ñecʉ̃sʉmʉa ne ẽjõpeoticãrã niwã. Na cʉ̃ weresere tʉꞌosĩꞌrĩtirã, “Majãmitojaa waꞌarãti Egiptopʉ tja”, ni wãcũcãrã niwã.

Hechos 7:9

»Jacob põꞌrã marĩ ñecʉ̃sʉmʉa na acabiji Joseré ʉorã, ãpẽrã masãrẽ daꞌracoꞌteacjʉ niato nírã duacãrã niwã. Ãꞌrã duuꞌcãrãta tja ãpẽrãpʉre Egiptocjãrãrẽ duaturiacãrã niwã. Na duáca beꞌro cʉ̃ piꞌetisetirinʉcʉ̃ Õꞌacʉ̃ cʉ̃rẽ weetamunuꞌcũcãꞌcʉ niwĩ. Cʉ̃rẽ weetamugʉ̃, peje masĩse oꞌocʉ niwĩ. Faraṍ Egipto diꞌta wiogʉ cʉ̃rẽ tʉꞌsayʉꞌrʉacʉ niwĩ. Tojo weegʉ cʉ̃ docacjʉ̃ wiogʉ sõrõcʉ niwĩ. Apeyere faraṍ cʉ̃ ya wiꞌi cjase daꞌrase wiogʉ sõrõcʉ niwĩ.

Romanos 2:25

Mʉsã Õꞌacʉ̃ Moisére dutise cũuꞌquere weecã, mʉsã judío masã weesetise, õꞌrẽcjʉ yapa caserore yejecõꞌase wapatiꞌi. Weeticãma, mʉsã judío masã nise wapamarĩꞌi. Tojo weerã cʉ̃ cũuꞌquere weetirã, judío masã nitirã weronojõ tojacãꞌa. Õꞌacʉ̃ yarã weronojõ nitisaꞌa.

Efesios 4:30

Nipeꞌtise ñaꞌarõ weesere weeticãꞌña. Espíritu Santure bʉjaweticã weeticãꞌña. Õꞌacʉ̃ Espíritu Santure oꞌose meꞌrã mʉsã “Õꞌacʉ̃ yarã nima”, ninoꞌo. Tojo weerã mʉsã masĩꞌi, Jesucristo aꞌticãpʉ Õꞌacʉ̃ mʉsãrẽ añurõ yʉꞌrʉobutiagʉsami.

Filipenses 3:3

Marĩ pũrĩcã tojo weetimirã, Jesucristore ẽjõpeotjĩarã, diacjʉ̃ Õꞌacʉ̃ dutisere añurõ weerã́ niꞌi. Aꞌtiro niꞌi. Espíritu Santu weetamuse meꞌrã Õꞌacʉ̃rẽ ñubuepeoꞌo. Tojo nicã Jesucristo marĩpʉre niyucã, pũrõ eꞌcatiꞌi. “Masã weesetise buꞌicjase meꞌrã yʉꞌrʉrãsaꞌa”, niweꞌe.

Colosenses 2:11

Mʉsã masĩsaꞌa, Õꞌacʉ̃ yarã sãjãsĩꞌrĩrã, judío masã weronojõ õꞌrẽcjʉ yapa caserore yejecõꞌaticãrã niwʉ̃. Aꞌtiro peꞌe waꞌacaro niwʉ̃. Jesucristo basu mʉsã ñaꞌarõ weesetisere cõꞌacʉ niwĩ. Tojo weerã õꞌrẽcjʉ yapa caserore yejecõꞌaꞌcãrã weronojõ Õꞌacʉ̃ yarã tojacãrã niwʉ̃.