Hechos 6:8 - Õꞌacʉ̃ Yere Ucũrĩ Turi

⁸ Estebare Õꞌacʉ̃ añurõ weetamucʉ niwĩ. Tojo weegʉ cʉ̃ Õꞌacʉ̃ tutuaro meꞌrã pãjãrã dutitirãrẽ yʉꞌrʉo, peje añuse weeĩꞌonemocʉ niwĩ masã waꞌteropʉre.

Tukano

⁸ Estevãore Õ'âkɨ̃hɨ ãyuró wee tamúkɨ niîwĩ. Tohô weégɨ kɨ̃ɨ̂ Õ'âkɨ̃hɨ tutuaró me'ra pãharã́ do'âtirãre yɨ'rɨó, pehé ãyusé weé ĩ'yo nemokɨ niîwĩ masá wa'teropɨre.

Hechos 6:8 Iomraidhean Croise

San Juan 4:48

Jesú cʉ̃rẽ niwĩ: —Mʉsã yʉꞌʉ weeĩꞌoticãma, ẽjõpeoweꞌe.

Hechos 6:10

Cʉ̃rẽ na tojo weecã, Espíritu Santu cʉ̃ ucũcã, Estebare peje masĩse oꞌocʉ niwĩ. Tojo weerã na cʉ̃ meꞌrã ne ucũ põtẽoticãrã niwã.

Hechos 6:15

Na tojo nicã tʉꞌorã, wiorã Estebare pũrõ ĩꞌacãrã niwã. Na cʉ̃rẽ ĩꞌacã, cʉ̃ ya diapoa asistea waꞌacaro niwʉ̃. Õꞌacʉ̃rẽ werecoꞌtegʉ ʉꞌmʉsecjʉ̃ weronojõ bajuri diapoa waꞌacaro niwʉ̃.

Hechos 6:3

Tojo weerã ʉmʉa baꞌase etiajãrẽ mʉsã waꞌtero nirãrẽ beseya. Siete beseya añurõ masĩrãrẽ, Espíritu Santu dutiro weenuꞌcũrãrẽ. Masã “Náta nima añurã” ninoꞌrãrẽ beseya. Mʉsã beseꞌcãrãrẽ baꞌase etirã sõrõnoꞌrõsaꞌa.

Hechos 6:5

Masã na tojo nicã tʉꞌorã, “Añuꞌu majã”, ni wãcũcãrã niwã. Tere wãcũtoja, besecãrã niwã Estebare. Cʉ̃ añurõ Õꞌacʉ̃rẽ ẽjõpeogʉ, Espíritu Santu tutuasere cʉoyʉꞌrʉgʉ nicʉ niwĩ. Ãpẽrãrẽ mejãrõta cʉ̃ weronojõ nirãrẽ besecãrã niwã. Na aꞌtiro wãmeticãrã niwã: Felipe, Prócoro, Nicanor, Timón, Parmenas, Nicolás Antioquíacjʉ̃. Cʉ̃ judío masʉ̃ nitimigʉ̃, na weronojõ ẽjõpeosetigʉ nicʉ niwĩ. Ãꞌrãrẽ besecãrã niwã.

Hechos 7:55

Esteba peꞌe Espíritu Santure cʉoyʉꞌrʉatjĩagʉ̃, ʉꞌmʉsepʉ ĩꞌamorõ, Õꞌacʉ̃ cʉ̃ añurõ asistegʉre ĩꞌacʉ niwĩ. Jesú quẽꞌrãrẽ ĩꞌacʉ niwĩ cʉ̃ pacʉ diacjʉ̃ peꞌe nuꞌcũgʉ̃rẽ.

Hechos 8:6

Apeye quẽꞌrã Õꞌacʉ̃ tutuaro meꞌrã narẽ añuse weeĩꞌocʉ niwĩ. Cʉ̃ aꞌtiro weecã ĩꞌarã, nipeꞌtirã ti macãcjãrã cʉ̃ weresere añurõ tʉꞌotʉꞌsacãrã niwã.

Efesios 4:11

Jesucristo cʉ̃ yarãrẽ, nánʉcʉ̃rẽ Espíritu Santu meꞌrã weemasĩsere oꞌocʉ niwĩ. Niꞌcãrẽrãrẽ besecṹú, cʉ̃ ye queti wererã sãjãcã weecʉ niwĩ. Ãpẽrãrẽ Õꞌacʉ̃ cʉ̃ ucũse tʉꞌoꞌquere wereturiarã sãjãcã weecʉ niwĩ. Ãpẽrãrẽ, cʉ̃ masãrẽ pecameꞌepʉ waꞌaboꞌcãrãrẽ yʉꞌrʉwetise quetire werecusiari masã sõrõcʉ niwĩ. Ãpẽrãrẽ, Jesucristore ẽjõpeorãrẽ sʉꞌori buꞌedutigʉ cũucʉ niwĩ.

1 Timoteo 3:13

Na weetamucoꞌtesere añurõ weecã, narẽ masã “Añurõ weema”, nirãsama. Tojo nicã Jesucristore na ẽjõpeosere uiro marĩrõ añurõ werenemorãsama.