Hechos 5:2 - Õꞌacʉ̃ Yere Ucũrĩ Turi

² Na duaꞌque wapare Jesú besecṹúꞌcãrãrẽ oꞌocʉ niwĩ. Nipeꞌtise cʉ̃ niyeru ñeꞌeꞌquere oꞌopeꞌoticʉ niwĩ. Apeyere cʉ̃ basu nʉrõcãꞌcʉ niwĩ. Na tojo weeꞌquere na seꞌsaro pʉarãta cʉ̃ nʉmo meꞌrã masĩcãrã niwã. Pedrore niyerure oꞌogʉ, “Tocãꞌrõta wapayeama”, nisoocʉ niwĩ.

Tukano

² Naâ duâ'ke wapare Jesu bese kũú'kãrãre o'ôkɨ niîwĩ. Niî pe'tise kɨ̃ɨ̂ niyéru yẽ'ê'kere o'ô pe'otikɨ niîwĩ. Apêyere kɨ̃ɨ̂ basi nɨrôkã'kɨ niîwĩ. Naâ tohô weé'kere naâ se'saro pɨárãta kɨ̃ɨ̂ nɨmó me'ra masîkãrã niîwã. Pedrore niyérure o'ôgɨ, “Toô kã'rota wapa yeeáma”, niî sookɨ niîwĩ.

Hechos 5:2 Iomraidhean Croise

Mateus 23:5

Nipeꞌtise na weesere masãrẽ añurõ ĩꞌadutirã weetaꞌsasama. Masã narẽ “Õꞌacʉ̃rẽ añurõ ẽjõpeosama” nicã tʉꞌosĩꞌrĩrã, aꞌtiro weesama. Na diapoapʉ, na omocãpʉ Õꞌacʉ̃ ye queti ojáca pũrĩ cjasere pajiri casero meꞌrã ojaꞌquere dʉꞌteõꞌosama. Tojo nicã na ñubuecã ĩꞌadutirã ãpẽrã yʉꞌrʉoro na ñubuewʉari suꞌtiro sumutopʉ opa dari cʉorojore sãñasama.

San Juan 12:6

Cʉ̃ pajasecʉorãrẽ maꞌígʉ̃ mejẽta, tojo niwĩ. Yajasebʉcʉ niwĩ. Cʉ̃ ʉ̃sã niyerure coꞌtegʉ niwĩ. Ti ajuropʉ ʉ̃sã niyeru sãaꞌquere yajamʉjãcũwĩ.

Hechos 2:44

Jesure ẽjõpeorã aꞌmerĩ añurõ weetamucãrã niwã. Peje cʉorã na ye apeyenojõrẽ dua, te wapare ãpẽrã moorãrẽ dʉcawaacãrã niwã. Tojo weerã nipeꞌtirã niꞌcãrõnojõ cʉobʉrocãrã niwã.

Hechos 4:37

Cʉ̃ diꞌta cãꞌrõacã cʉocʉ niwĩ. Ti diꞌtare ãpẽrãrẽ duacʉ niwĩ. Cʉ̃ duaꞌque wapare nipeꞌtisepʉta Jesú besecṹúꞌcãrãrẽ oꞌopeꞌocãꞌcʉ niwĩ. —Marĩ meꞌrãcjãrã apeyenojõ moorãrẽ dʉcawaaya, nicʉ niwĩ.

Hechos 5:1

Ãpẽrã Jesure ẽjõpeorã Ananía wãmetigʉ, cʉ̃ nʉmo Safira Bernabé cʉ̃ weeꞌcaronojõ weeticãrã niwã. Na quẽꞌrã diꞌta duacãrã niwã ãpẽrãpʉre.

Hechos 5:3

Te niyerure ñeꞌegʉ̃, Pedro cʉ̃rẽ nicʉ niwĩ: —Te diꞌta mʉꞌʉ ye diꞌta niwʉ̃. Te mʉꞌʉ duaꞌque wapa mʉꞌʉ ye niyeruta niapã. Mʉꞌʉ noꞌo oꞌosĩꞌrĩrõ oꞌoboapã. Mʉꞌʉ ʉ̃sã diaꞌcʉ̃rẽ nisoogʉ weeweꞌe. Tocãꞌrõta niyeru wapayeama nígʉ̃, Espíritu Santure nisoogʉ weeꞌe. Mʉꞌʉ tojo nisoocã, wãtĩ mʉꞌʉrẽ sãjãyʉꞌrʉapĩ mʉꞌʉ wãcũsepʉre, nicʉ niwĩ Pedro.

Hechos 5:8

Ti wiꞌipʉ sãjãtacã, Pedro core sẽrĩtiñaꞌcʉ niwĩ: —¿Nirõta mʉsãrẽ tocãꞌrõta niyeru wapayeati mʉsã diꞌta duaꞌque wapare? nicʉ niwĩ. Aꞌtiro ni yʉꞌtico niwõ: —Tocãꞌrõta niyeru wapayeama, co marãpʉ nisooꞌcaronojõta nico niwõ.

Filipenses 2:3

Mʉsã ye diaꞌcʉ̃rẽ ʉasãticãꞌña. “Ãpẽrã yʉꞌrʉoro niꞌi”, niticãꞌña. Ãpẽrã peꞌere “Añuyʉꞌrʉnʉꞌcãma”, ni tʉꞌoñaꞌña.

1 Timoteo 6:10

Aꞌtiro niꞌi. Niyeru ʉaripejase meꞌrã nipeꞌtise ñaꞌase dʉꞌpocã́tiꞌi. Ãpẽrã Jesucristore ẽjõpeomiꞌcãrã aꞌte ʉaripejase meꞌrã na ẽjõpeomiꞌquere duꞌucãꞌsama. Tojo weerã niꞌcãrõacãrẽ na catiri ʉmʉcore peje bʉjawetise bocama.