Hechos 4:34 - Õꞌacʉ̃ Yere Ucũrĩ Turi

^34-35 Wiꞌseri, diꞌta cʉorã duacãrã niwã ãpẽrãpʉre. Na duaꞌque wapare ñeꞌe, apeyenojõ moorãrẽ dʉcawaadutirã Jesú cʉ̃ besecṹúꞌcãrãrẽ oꞌocãrã niwã. Jesú besecṹúꞌcãrã tere ñeꞌe, apeyenojõ moorãrẽ dʉcawaacãrã niwã. Tojo weerã pajasecʉorã waro marĩcãrã niwã. Niꞌcãrõnojõ cʉobʉrocãrã niwã.

Tukano

^34-35 Wi'sêri, di'tâ kɨorã́ duâkãrã niîwã ãpêrãpɨre. Naâ duâ'ke wapare yẽ'ê, apêye noho moorã́re dɨka waá dutirã Jesu kɨ̃ɨ̂ bese kũú'kãrãre o'ôkãrã niîwã. Jesu bese kũú'kãrã teeré yẽ'ê, apêye noho moorã́re dɨka waákãrã niîwã. Tohô weérã pahasé kɨorã waro maríkãrã niîwã. Ni'kâro noho kɨo bɨrókãrã niîwã.

Hechos 4:34 Iomraidhean Croise

Mateus 19:21

Jesú cʉ̃rẽ niwĩ: —Mʉꞌʉ Õꞌacʉ̃ dutisere weepeꞌosĩꞌrĩgʉ̃, nipeꞌtise mʉꞌʉ cʉosere duapeꞌocjʉ̃ waꞌaya. Duatoja, te duaꞌque wapare pajasecʉorãrẽ oꞌoya. Mʉꞌʉ tojo weegʉ ʉꞌmʉsepʉ peje añuse cʉogʉsaꞌa. Tojo weetojanʉꞌcõ, yʉꞌʉre sirutugʉ aꞌtia, niwĩ.

Marcos 10:21

Jesú cʉ̃rẽ pajañaꞌse meꞌrã ĩꞌa, nicʉ niwĩ: —Mʉꞌʉrẽ apeyenojõacã dʉꞌsaꞌa. Mʉꞌʉ cʉosere duapeꞌocjʉ̃ waꞌaya. Te duaꞌque wapare pajasecʉorãrẽ dʉcawaaya. Tojo weegʉ ʉꞌmʉsepʉ peje añuse cʉogʉsaꞌa. Tuꞌajanʉꞌcõ, yʉꞌʉre sirutuya, nicʉ niwĩ.

San Lucas 12:33

Mʉsã cʉosere dua, ãpẽrã moorãrẽ oꞌoya. Aꞌti turi cjase boadijatjere wãcũticãꞌña. Ʉꞌmʉse cjase boatiatje peꞌere wãcũña. Topʉre mʉsã añuse cʉoatje ne peꞌtisome. Ne yajari masã sãjãa yajasome. Ãpẽrãnojõ quẽꞌrã baꞌabajuriosome.

San Lucas 16:9

Jesú narẽ aꞌtiro werecasacʉ niwĩ: —Mʉsã aꞌti nucũcãpʉ mʉsã cʉosere pajasecʉorãrẽ añurõ oꞌoweꞌoya. Tojo weerã mʉsã meꞌrãcjãrã bocarãsaꞌa. Beꞌro mʉsã cʉose peꞌtíca beꞌro mʉsã ãpẽrãrẽ weetamuꞌque ʉꞌmʉsepʉ niyutojarosaꞌa. Mʉsã weetamuꞌcãrã ʉꞌmʉsepʉ nirã́ topʉre mʉsãrẽ põtẽrĩrãsama.

San Lucas 22:35

Beꞌro Jesú aꞌtiro sẽrĩtiñaꞌcʉ niwĩ: —Mʉsãrẽ yʉꞌʉ ajuri moorã, niyeru sãarõ moorã, sapatu moorã oꞌócaterore ¿apeyenojõ dʉꞌsari? nicʉ niwĩ. Na cʉ̃rẽ yʉꞌticãrã niwã: —Ne dʉꞌsatiwʉ, nicãrã niwã.

Hechos 4:37

Cʉ̃ diꞌta cãꞌrõacã cʉocʉ niwĩ. Ti diꞌtare ãpẽrãrẽ duacʉ niwĩ. Cʉ̃ duaꞌque wapare nipeꞌtisepʉta Jesú besecṹúꞌcãrãrẽ oꞌopeꞌocãꞌcʉ niwĩ. —Marĩ meꞌrãcjãrã apeyenojõ moorãrẽ dʉcawaaya, nicʉ niwĩ.

2 Corintios 8:14

Mejõ niꞌcãrõnojõ cʉodutigʉ tojo niꞌi. Niꞌcãrõacã mʉsã cʉose meꞌrã narẽ weetamumasĩꞌi. Beꞌropʉ na quẽꞌrã na cʉose meꞌrã mʉsãrẽ weetamurãsama. Aꞌtiro wéérã, mʉsã niꞌcãrõnojõ cʉorãsaꞌa.

1 Tesalonicenses 4:12

Mʉsã tojo añurõ daꞌrarã, ãpẽrã aꞌmácanoꞌña marĩrãsaꞌa. Mʉsã basu daꞌrase meꞌrã catirãsaꞌa. Mʉsã tojo weecã ĩꞌarã, Jesure ẽjõpeotirã mʉsãrẽ añurõ wiopesase meꞌrã wãcũrãsama.

1 Timoteo 6:19

Na tojo wéérã, ape ʉmʉcopʉre peje cʉorã weronojõ niyutojarãsama. Na catinuꞌcũatjere bocarãsama.

Santiago 1:27

Marĩ cʉ̃rẽ diacjʉ̃ ẽjõpeorã, aꞌtiro weesetiroʉaꞌa. Pacʉsʉmʉa moorãrẽ, wapewia numiarẽ narẽ mejẽcã waꞌacã, weetamurõʉaꞌa. Apeye quẽꞌrãrẽ aꞌti ʉmʉco cjase ñaꞌasere weeticãꞌrõʉaꞌa.