Hechos 4:13 - Õꞌacʉ̃ Yere Ucũrĩ Turi

¹³ Cʉ̃ tojo nicã tʉꞌorã, wiorã tʉꞌomarĩa waꞌacãrã niwã. Na basu aꞌmerĩ ucũcãrã niwã: —Ãꞌrã mejõ nirã nima. Buꞌeꞌcãrã mejẽta nima. Na buꞌetiꞌcãrã nimirã, añurõ masĩse, wãcũtutuase meꞌrã ucũma. Na tojo weecã, marĩ narẽ ĩꞌamasĩꞌi. Ãꞌrã Jesú meꞌrã níꞌcãrã nima, nicãrã niwã.

Tukano

¹³ Kɨ̃ɨ̂ tohô niikã́ tɨ'órã, wiôrã tɨ'o mariá wa'âkãrã niîwã. Naâ basi a'mêri uúkũkãrã niîwã: —Ã'rá mehô niirã́ niîma. Bu'ê'kãrã meheta niîma. Naâ bu'êti'kãrã niîmirã, ãyuró masisé, wãkû tutuase me'ra uúkũma. Naâ tohô weekã́, marî naâre ĩ'yâ masi'. Ã'rá Jesu me'ra niî'kãrã niîma, niîkãrã niîwã.

Hechos 4:13 Iomraidhean Croise

Mateus 11:25

Narẽ tojo níca beꞌro Jesú cʉ̃ pacʉ Õꞌacʉ̃rẽ aꞌtiro niwĩ: —Pacʉ, mʉꞌʉ ʉꞌmʉse, aꞌti turi wiogʉ niꞌi. “Masĩyʉꞌrʉnʉꞌcãrã niꞌi” nirãrẽ mʉꞌʉ ye cjasere tʉꞌomasĩcã weeweꞌe. Ãpẽrã wĩꞌmarã weronojõ maata tʉꞌo ẽjõpeorã peꞌere tere masĩcã weeꞌe. Mʉꞌʉ tojo weesere wãcũgʉ̃, “Añuꞌu”, ni eꞌcatise oꞌoꞌo.

Mateus 26:71

Tojo nitoja, sãꞌrĩrõ sope pʉꞌtopʉ wijaacʉ niwĩ. To cʉ̃ wijaacã, apego cʉ̃rẽ ĩꞌabocaco niwõ tja. Topʉ nirãrẽ aꞌtiro nico niwõ: —Ãꞌrĩ quẽꞌrã Jesú Nazarecjʉ̃ meꞌrã sijaꞌcʉta nimi, nico niwõ.

Mateus 26:73

Cãꞌrõacã beꞌro masã topʉ nirã́ Pedro tiro waꞌa, cʉ̃rẽ nicãrã niwã: —Mʉꞌʉ quẽꞌrã Jesú buꞌerã meꞌrã sijaꞌcʉta niꞌi. Mʉꞌʉ ucũsepʉta tʉꞌota basio niꞌi, nicãrã niwã.

San Lucas 22:8

Titare Jesú Pedro, Juãrẽ aꞌtiro ni oꞌócʉ niwĩ: —Marĩ Pascua bosenʉmʉ baꞌatjere apoyurã waꞌaya, nicʉ niwĩ.

San Juan 19:26

Jesú cʉ̃ pacore, tojo nicã yʉꞌʉ Juã cʉ̃ ʉpʉtʉ maꞌinoꞌgʉ̃ co tiro nuꞌcũcã ĩꞌagʉ̃, core niwĩ: —Maꞌu, ãꞌrĩ mʉꞌʉ macʉ̃ nimi.

San Juan 7:15

Cʉ̃ buꞌesere tʉꞌorã, judío masã wiorã tʉꞌomarĩawã. —Ãꞌrĩ buꞌetimigʉ̃, ¿deꞌro weegʉ tocãꞌrõ masĩti? niwã.

San Juan 7:49

Sõjã pãjãrã cʉ̃ weresere ẽjõpeorã, Õꞌacʉ̃ Moisére dutise cũuꞌquere masĩtibutiama. Õꞌacʉ̃ narẽ buꞌiri daꞌregʉsami, nicãrã niwã surarare.

Hechos 4:14

Na yʉꞌrʉonoꞌcʉ Pedro, Juã tiro nuꞌcũcã ĩꞌatjĩarã, wiorã ucũnemomasĩticãrã niwã.

Hechos 4:19

Na tojo nicã tʉꞌorã, Pedro quẽꞌrã yʉꞌticãrã niwã: —Ʉ̃sã mʉsã dutiro wéérã, Õꞌacʉ̃ dutiro peꞌere weetibosaꞌa. ¿Noa dutiro weecã ʉasari Õꞌacʉ̃? Mʉsã aꞌtere wãcũña. Ʉ̃sã ĩꞌaꞌquere, ʉ̃sã tʉꞌoꞌquere wereduꞌumasĩtisaꞌa, ni yʉꞌticãrã niwã.

Hechos 4:29

Õꞌacʉ̃, ʉ̃sãrẽ paꞌia wiorã mʉꞌʉ macʉ̃ ye quetire weredutitiama. “Mʉsã werecã, mʉsãrẽ buꞌiri daꞌrerãti”, niama. Na ʉ̃sãrẽ tojo níꞌquere wãcũña. Mʉꞌʉ dutiro weesĩꞌrĩsaꞌa. Ʉ̃sãrẽ mʉꞌʉ tutuasere oꞌonemoña. Ʉ̃sã mʉꞌʉ tutuase oꞌocã, mʉꞌʉ macʉ̃ ye quetire ucũtutuarãsaꞌa.

Hechos 4:31

Na tojo ni sẽrĩ́ca beꞌro na nirĩ wiꞌi aꞌmeñaꞌcaro niwʉ̃. Tojo waꞌacã, ti wiꞌipʉ nirã́ Espíritu Santure cʉoyʉꞌrʉacãrã niwã tja. Tojo weerã cʉ̃ weetamuse meꞌrã Jesú ye quetire uiro marĩrõ werecãrã niwã.

Hechos 9:27

Beꞌro cʉ̃rẽ tojo weecã ĩꞌagʉ̃, Bernabé Saulore weetamugʉ̃, Jesú cʉ̃ besecṹúꞌcãrã tiropʉ pijiwãꞌcãcʉ niwĩ. Topʉ ejagʉ, Bernabé narẽ werecʉ niwĩ Damasco waꞌari maꞌapʉ Saulo Jesure ĩꞌaꞌquere. Cʉ̃rẽ ucũꞌque quẽꞌrãrẽ werecʉ niwĩ. Apeye Damascopʉ Saulo Jesú ye quetire wãcũtutuase meꞌrã buꞌeꞌquere werecʉ niwĩ.

Hechos 9:28

Bernabé werecãpʉta, Saulore “Jesure ẽjõpeogʉta nimi”, ni ẽjõpeocãrã niwã. Tojo weegʉ na meꞌrã tojacãꞌcʉ niwĩ. Beꞌro Saulo Jerusalẽ́cjãrãrẽ buꞌesijagʉ waꞌacʉ niwĩ.

1 Corintios 1:27

Cʉ̃ aꞌti turi cjase masĩrãrẽ bopoyadutigʉ na “Tʉꞌomasĩtirã nima” nirãnojõrẽ besecʉ niwĩ. Tojo nicã tutuarãrẽ bopoyadutigʉ tutuatirã peꞌere besecʉ niwĩ.

1 Corintios 14:25

Cʉ̃ ñaꞌarõ weeꞌquere wãcũejagʉsami. Tojo weegʉ Õꞌacʉ̃rẽ ẽjõpeogʉ ejaqueꞌagʉsami. “Õꞌacʉ̃ diacjʉ̃ta na meꞌrã nimi”, nigʉ̃sami.

2 Corintios 3:12

Ʉ̃sã Jesucristo ye queti peꞌtitiatjere eꞌcatiyutojaꞌa. Tojo weerã diacjʉ̃ta wereꞌe. Moisé cʉ̃ diapoare asistese nidojatisere peꞌtidijacã ĩꞌadutiticʉ niwĩ. Tojo weegʉ suꞌtiro casero meꞌrã moꞌacʉ niwĩ. Ʉ̃sã cʉ̃ weronojõ weeweꞌe. Tojo weerã Jesucristo ye quetire uiro marĩrõ bajuyoropʉ wereꞌe.