Hechos 26:9 - Õꞌacʉ̃ Yere Ucũrĩ Turi

⁹ »Yʉꞌʉ quẽꞌrã todʉporopʉ Jesú Nazarecjʉ̃rẽ ẽjõpeorãrẽ ñaꞌarõ weesĩꞌrĩrõ põtẽorõ weecũmiwʉ̃.

Tukano

⁹ Yɨ'ɨ́ kẽ'ra too dɨpóropɨ Jesu Nazarékɨ̃hɨre ẽho peórãre yã'âro weé sĩ'riro põo tẽóro weékũmiwɨ.

Hechos 26:9 Iomraidhean Croise

San Juan 15:21

Mʉsã yʉꞌʉre sirutucã ĩꞌarã, nipeꞌtise ñaꞌasere mʉsãrẽ weerãsama. Yʉꞌʉre oꞌóꞌcʉre na masĩtise ye buꞌiri tojo weerãsama.

Hechos 21:13

Cʉ̃ peꞌe ʉ̃sãrẽ niwĩ: —Mʉsã ne utiticãꞌña. Yʉꞌʉre tojo wéérã, ʉpʉtʉ bʉjawetise oꞌorã weeꞌe. Na yʉꞌʉre dʉꞌtesĩꞌrĩcã, yʉꞌʉ narẽ “Dʉꞌteticãꞌña”, nisome. Jerusalẽ́pʉ na yʉꞌʉre Jesú ye buꞌiri wẽjẽsĩꞌrĩcã, yʉꞌʉ eꞌcatise meꞌrã wẽrĩgʉ̃ti, niwĩ Pablo.

Hechos 22:3

—Yʉꞌʉ judío masʉ̃ niꞌi. Cilicia diꞌtacjʉ̃, niꞌcã macã Tarso wãmetiri macãpʉ bajuawʉ. Aꞌti macã Jerusalẽ́pʉ añurõ masãtuꞌajanʉꞌcõwʉ̃. Yʉꞌʉre buꞌeꞌcʉ Gamalie niwĩ. Moisé marĩ ñecʉ̃sʉmʉarẽ dutiꞌquere nipeꞌtisere buꞌepeꞌocãꞌwʉ̃. Mʉsã aꞌtocaterore Õꞌacʉ̃ cʉ̃ dutiꞌquere weesetironojõta yʉꞌʉ quẽꞌrã añurõ tojota weewʉ.

Hechos 22:4

Yʉꞌʉ todʉporopʉre Jesure ẽjõpeorãrẽ ñaꞌarõ weecũcãti. Ejeripõꞌrã añucãti téé noꞌo ãpẽrãrẽ wẽjẽtuꞌajanʉꞌcõgʉ̃pʉ. Ʉmʉa, numiarẽ ñeꞌe, narẽ buꞌiri daꞌreri wiꞌipʉ sõrõmʉjãduticãti.

Hechos 22:8

»Tere tʉꞌo, yʉꞌʉ cʉ̃rẽ yʉꞌtiwʉ: “¿Noa niti mʉꞌʉ?” niwʉ̃. »Cʉ̃ peꞌe “Yʉꞌʉ Jesú, Nazarecjʉ̃, mʉꞌʉ ñaꞌarõ weesĩꞌrĩ wapagʉ́ niꞌi”, niwĩ.

Hechos 24:5

»Ãꞌrĩ caribosebʉcʉ nimi. Cʉ̃ nipeꞌtiro aꞌti turipʉre judío masãrẽ uarosãjãcã weesijagʉ weemi. Apeyema tja Jesú Nazarecjʉ̃rẽ ẽjõpeosetirã curuacjʉ̃ wiogʉ nimi.

Hechos 3:17

»Yʉꞌʉ acawererã, mʉsã Õꞌacʉ̃ macʉ̃ta nimi, ni tʉꞌomasĩtitjĩarã, Jesure wẽjẽdutiwʉ. Mʉsã wiorã quẽꞌrã mejãrõta weewã.

Hechos 3:6

Pedro cʉ̃rẽ nicʉ niwĩ: —Yʉꞌʉ niyeru mooꞌo. Moomigʉ̃ta, mʉꞌʉrẽ apeyenojõ añusere weetamugʉ̃ti. Jesucristo Nazarecjʉ̃ tutuaro meꞌrã mʉꞌʉrẽ sijacã weegʉti.

Hechos 9:1

Felipe cʉ̃ buꞌesijari curareta Saulo peꞌe Jesure ẽjõpeorãrẽ “Narẽ wẽjẽpeꞌocãꞌsĩꞌrĩmisaꞌa”, nicʉ niwĩ. Cʉ̃ ñaꞌarõ weesere ne duꞌuticʉ niwĩ. Tojo weegʉ waꞌa, paꞌia wiogʉre “Yʉꞌʉre papera Damascopʉ waꞌatje cjasere dutioꞌori pũrĩrẽ apobosaya. Ti pũrĩrẽ judío masã nerẽse wiꞌsericjãrã wiorãpʉre wiagʉti weeꞌe. Jesure ẽjõpeorãrẽ ʉmʉa, numiarẽ noꞌo yʉꞌʉ bocaejarãrẽ ñeꞌe, miitigʉti aꞌti macã Jerusalẽ́pʉ buꞌiri daꞌreri wiꞌipʉ”, ni sẽrĩcʉ niwĩ. Cʉ̃ tere sẽrĩcã tʉꞌogʉ, ti pũrĩrẽ paꞌia wiogʉ cʉ̃rẽ apobosacʉ niwĩ.

Hechos 9:16

Tere weregʉ, ʉpʉtʉ piꞌetigʉsami. Yʉꞌʉ basu peꞌe weregʉti cʉ̃rẽ, nicʉ niwĩ Jesú Ananíarẽ.

Romanos 10:2

Na Õꞌacʉ̃ ʉaro añurõ weesĩꞌrĩmima. Tojo weesĩꞌrĩmirã, añurõ tʉꞌomasĩnʉꞌcõpeꞌotima.

Filipenses 3:6

Yʉꞌʉ tere ʉpʉtʉ waro ẽjõpeoyugʉ, Jesucristore ẽjõpeori curuacjãrãrẽ ñaꞌarõ weewʉ. Moisé dutiꞌquema queoro weewʉ. Ne niꞌcʉ̃ yʉꞌʉre “Queoro weetiwĩ”, nímasĩtisami.

1 Timoteo 1:13

Todʉporopʉ yʉꞌʉ cʉ̃rẽ ñaꞌarõ ucũwʉ̃. Cʉ̃ yarãrẽ ñaꞌabutiaro weewʉ. Titapʉre yʉꞌʉ Jesucristore ẽjõpeotitjĩagʉ̃, yʉꞌʉ weesere masĩtiwʉ. Tojo weegʉ Õꞌacʉ̃ yʉꞌʉre pajañaꞌwĩ.

Jueces 6:30

Beꞌro ti macãcjãrã ʉmʉa Joáre aꞌtiro nicãrã niwã: —Mʉꞌʉ macʉ̃rẽ ʉ̃sãrẽ oꞌoya. Cʉ̃ Baare waꞌicʉrãrẽ ʉ̃jʉ̃amorõpeorore, tojo nicã to pʉꞌto nirĩ tuturo Astartére ẽjõpeori tuturore paacõꞌacʉ niami. Tojo weese wapa wẽjẽnoꞌgʉ̃sami, nicãrã niwã.