Hechos 26:11 - Õꞌacʉ̃ Yere Ucũrĩ Turi

¹¹ Pejetiri yʉꞌʉ judío masã na nerẽse wiꞌseripʉ waꞌa, Jesure ẽjõpeoduꞌuato nígʉ̃ buꞌiri daꞌrecũwʉ̃. Ʉpʉtʉ waro na meꞌrã uagʉ, apeye diꞌtapʉ narẽ buꞌiri daꞌresĩꞌrĩgʉ̃ sirutuwãꞌcãcũwʉ̃.

Tukano

¹¹ Pehetíri yɨ'ɨ̂ Judeu masa naâ neresé wi'seripɨ wa'â, Jesuré ẽho peó du'uato niîgɨ bu'îri da'rêkũwɨ. Ɨpɨ́tɨ waro naâ me'ra uâgɨ, apêye di'tapɨ naâre bu'îri da'rê sĩ'rigɨ siru tuú wã'kakũwɨ.

Hechos 26:11 Iomraidhean Croise

Mateus 10:17

Añurõ ĩꞌaña. Mʉsãrẽ ñeꞌe, judío masã wiorã tiropʉ miarãsama. Na nerẽse wiꞌseripʉ mʉsãrẽ tãrãrãsama.

Marcos 13:9

»Mʉsãrẽ ñeꞌe, wiorã tiropʉ miarãsama. Mʉsã nerẽse wiꞌseripʉre paaperãsama. Mʉsã yʉꞌʉre ẽjõpeose wapa wiorã waꞌteropʉ mianoꞌrãsaꞌa. Tojo weecã, yé cjasere wererãsaꞌa. Tojo weerã mʉsã basu añurõ wãcũtʉꞌoñaꞌña.

Marcos 3:28

Beꞌro ninemocʉ niwĩ: —Diacjʉ̃ta mʉsãrẽ weregʉti. Õꞌacʉ̃ nipeꞌtise masã ñaꞌarõ weesere, ñaꞌarõ ucũsere acobojogʉsami.

San Lucas 15:17

Beꞌro cʉ̃rẽ aꞌtiro wãcũse ejacaro niwʉ̃: “Yʉꞌʉ pacʉ ya wiꞌipʉre cʉ̃rẽ daꞌracoꞌterã pãjãrã nimicã, baꞌase dʉꞌsanoꞌwã. Yʉꞌʉ peꞌe aꞌtopʉre ʉjaboa, wẽrĩgʉ̃ weesaꞌa.

San Lucas 21:12

»Aꞌte tojo waꞌase dʉporo ãpẽrã mʉsãrẽ buꞌiri ñeꞌerãsama. Ñaꞌarõ weerãsama. Mʉsãrẽ mʉsã nerẽse wiꞌseripʉ beserãsama. Bese, buꞌiri sõrõrãsama. Yʉꞌʉre ẽjõpeose buꞌiri wiorã tiropʉ mʉsãrẽ miarãsama.

San Lucas 6:11

Cʉ̃ tojo weecã ĩꞌarã, fariseo masã, Moisé ojaꞌquere buꞌeri masã uayʉꞌrʉa waꞌacãrã niwã. Tojo weerã “Marĩ ¿deꞌro weerãsari ãꞌrĩrẽ?” ni aꞌmerĩ sẽrĩtiñaꞌcãrã niwã.

Hechos 13:45

Na pãjãrã nerẽcã ĩꞌarã, Pablo quẽꞌrãrẽ ti macãcjãrã judío masã ʉpʉtʉ doecãrã niwã. Tojo weerã Pablo cʉ̃ weresere “Mejẽcã weremi. Diacjʉ̃ niweꞌe”, ni bujicãꞌcãrã niwã.

Hechos 18:6

Na peꞌe aꞌtere tʉꞌosĩꞌrĩticãrã niwã. Tojo weerã cʉ̃ weremicã, tocjãrã cʉ̃rẽ tuꞌti, cʉ̃ weresere yeꞌsumʉjãcãrã niwã. Na tojo weecã ĩꞌagʉ̃, cʉ̃ tʉꞌsatisere ĩꞌogʉ̃, cʉ̃ ye suꞌtire to cjase diꞌta wãꞌaꞌquere paasteĩꞌocʉ niwĩ. Narẽ aꞌtiro nicʉ niwĩ: —Õꞌacʉ̃ mʉsãrẽ buꞌiri daꞌrecã, mʉsã ye buꞌiri waꞌarosaꞌa. Yé buꞌiri nisome. Mʉsãrẽ yʉꞌʉ cʉ̃ ye cjasere weretojapʉ. Tojo weegʉ yʉꞌʉ niꞌcãcã meꞌrã judío masã nitirãrẽ Jesú ye cjasere buꞌegʉ waꞌagʉti, nicʉ niwĩ.

Hechos 22:19

»Yʉꞌʉ tere tʉꞌo, cʉ̃rẽ niwʉ̃: “Yʉꞌʉ wiogʉ, na añurõ masĩsama yé cjasere. Nipeꞌtise judío masã na nerẽse wiꞌserinʉcʉ̃ mʉꞌʉrẽ ẽjõpeorãrẽ aꞌmasãjãa, narẽ ñeꞌe, buꞌiri daꞌreri wiꞌipʉ cũu, paapecũuwʉ̃.

Hechos 22:5

Paꞌia wiogʉ, nipeꞌtirã judío masã wiorã “Tojota weewĩ cʉ̃”, ni masĩsama. Náta yʉꞌʉre papera apobosatjĩarã oꞌówã Damascocjãrã judío masã marĩ acawererãrẽ. Yʉꞌʉ ti pũrĩ meꞌrã Damascocjãrã Jesure ẽjõpeorãrẽ ñeꞌegʉ̃ waꞌamiwʉ̃. Aꞌti macã Jerusalẽ́pʉ narẽ miiti, buꞌiri daꞌregʉti nígʉ̃, tojo weemiwʉ̃.

Hechos 9:1

Felipe cʉ̃ buꞌesijari curareta Saulo peꞌe Jesure ẽjõpeorãrẽ “Narẽ wẽjẽpeꞌocãꞌsĩꞌrĩmisaꞌa”, nicʉ niwĩ. Cʉ̃ ñaꞌarõ weesere ne duꞌuticʉ niwĩ. Tojo weegʉ waꞌa, paꞌia wiogʉre “Yʉꞌʉre papera Damascopʉ waꞌatje cjasere dutioꞌori pũrĩrẽ apobosaya. Ti pũrĩrẽ judío masã nerẽse wiꞌsericjãrã wiorãpʉre wiagʉti weeꞌe. Jesure ẽjõpeorãrẽ ʉmʉa, numiarẽ noꞌo yʉꞌʉ bocaejarãrẽ ñeꞌe, miitigʉti aꞌti macã Jerusalẽ́pʉ buꞌiri daꞌreri wiꞌipʉ”, ni sẽrĩcʉ niwĩ. Cʉ̃ tere sẽrĩcã tʉꞌogʉ, ti pũrĩrẽ paꞌia wiogʉ cʉ̃rẽ apobosacʉ niwĩ.

Santiago 2:7

Na Jesú marĩ ẽjõpeogʉre bujicãꞌsama.

2 Pedro 2:16

Cʉ̃ tojo weecã ĩꞌagõ, cʉ̃ yago burra cʉ̃rẽ tuꞌtico niwõ. Burra ucũmasĩtiꞌco nimigõ, Õꞌacʉ̃ cʉ̃ weetamurõ meꞌrã masã ucũrõ weronojõ Balaãrẽ tuꞌtico niwõ. Co tojo nise meꞌrã cʉ̃ weemaꞌasere duꞌucã weeco niwõ.