Hechos 22:3 - Õꞌacʉ̃ Yere Ucũrĩ Turi

³ —Yʉꞌʉ judío masʉ̃ niꞌi. Cilicia diꞌtacjʉ̃, niꞌcã macã Tarso wãmetiri macãpʉ bajuawʉ. Aꞌti macã Jerusalẽ́pʉ añurõ masãtuꞌajanʉꞌcõwʉ̃. Yʉꞌʉre buꞌeꞌcʉ Gamalie niwĩ. Moisé marĩ ñecʉ̃sʉmʉarẽ dutiꞌquere nipeꞌtisere buꞌepeꞌocãꞌwʉ̃. Mʉsã aꞌtocaterore Õꞌacʉ̃ cʉ̃ dutiꞌquere weesetironojõta yʉꞌʉ quẽꞌrã añurõ tojota weewʉ.

Tukano

³ —Yɨ'ɨ̂ Judeu masɨ niî'. Cilícia di'takɨ̃hɨ, ni'kâ maka Tarso wamêtiri makapɨ bahuákɨ niîwɨ. A'ti maká Jerusalẽ́pɨ ãyuró masá tu'â eha nɨ'kowɨ. Yɨ'ɨ̂re bu'ê'kɨ Gamaliel niîwĩ. Moisé marî yẽkɨ sɨmɨáre dutî'kere niî pe'tisere bu'ê pe'okã'wɨ. Mɨsâ a'tóka terore Õ'âkɨ̃hɨ kɨ̃ɨ̂ dutî'kere ãyuró weesétiro nohota yɨ'ɨ́ kẽ'ra weewɨ́.

Hechos 22:3 Iomraidhean Croise

San Lucas 10:39

Co niꞌcõ María wãmetigore acabijotico niwõ. Cóta Jesú ucũsere tʉꞌogo, cʉ̃ dʉꞌpocãrĩ tiroacãpʉ dujico niwõ.

San Lucas 2:46

Iꞌtia nʉmʉ na Jerusalẽ́pʉ wijáca beꞌro Õꞌacʉ̃ wiꞌipʉ cʉ̃rẽ bocacãrã niwã. Cʉ̃ Moisé ojaꞌquere buꞌeri masã waꞌteropʉ dujicʉ niwĩ. Na ucũsere tʉꞌo, cʉ̃ quẽꞌrã narẽ sẽrĩtiñaꞌmʉjãcʉ niwĩ.

San Lucas 8:35

Te quetire tʉꞌorã, masã tojo waꞌasere ĩꞌarã waꞌacãrã niwã. Na Jesú tiropʉ ejarã, wãtĩa sãjãnoꞌcʉre Jesú pʉꞌtoacã dujicã ĩꞌacãrã niwã. Cʉ̃ suꞌti sãña, añurõ wãcũse cʉogʉ dujicʉ niwĩ. Na cʉ̃rẽ ĩꞌarã, uise meꞌrã ĩꞌacãrã niwã.

Hechos 11:25

Bernabé Antioquíapʉ níꞌcʉ waꞌa, Saulo Tarsopʉ nigʉ̃rẽ aꞌmagʉ̃ waꞌacʉ niwĩ.

Hechos 15:23

Jesú besecṹúꞌcãrã dutise ojáca pũrĩrẽ Pablo quẽꞌrã meꞌrã oꞌócãrã niwã. Aꞌtiro ojanoꞌcaro niwʉ̃ ti pũrĩpʉre: “Ʉ̃sã Jesú besecṹúꞌcãrã, cʉ̃rẽ ẽjõpeorãrẽ sʉꞌori nirã́ mʉsãrẽ añudutiꞌi. Aꞌti pũrĩrẽ mʉsãrẽ ojaoꞌo nipeꞌtirã Antioquíacjãrãrẽ, judío masã nitirã Jesure ẽjõpeorãrẽ. Tojo nicã Siria, Cilicia diꞌtapʉ nirãrẽ ojaoꞌo.

Hechos 15:41

To waꞌarã, Siria, Cilicia wãmetise diꞌtapʉre yʉꞌrʉacãrã niwã. Tepʉ Jesú ye quetire wererã, tocjãrã Jesure ẽjõpeorãrẽ wãcũtutuase oꞌonemowãꞌcãcãrã niwã.

Hechos 21:20

Narẽ tojo ni wéréca beꞌro Õꞌacʉ̃rẽ na eꞌcatise oꞌowã. Beꞌro Pablore niwã: —Mʉꞌʉ añurõ masĩsaꞌa. Pãjãrã waro judío masã Jesure ẽjõpeorã nima. Na Moisé cʉ̃ dutiꞌquere nipeꞌtirãrẽ pũrõ weedutirã weema.

Hechos 21:39

Pablo cʉ̃rẽ yʉꞌticʉ niwĩ: —Niweꞌe. Yʉꞌʉ judío masʉ̃, Tarso wãmetiri macãcjʉ̃ niꞌi. Tarso mejõ nirĩ macã mejẽta niꞌi Cilicia diꞌtapʉre. Yʉꞌʉ ãꞌrã masã meꞌrã ucũsĩꞌrĩsaꞌa, nicʉ niwĩ.

Hechos 23:34

Féli ti pũrĩrẽ buꞌetojanʉꞌcõ, Pablore “¿Noꞌocjʉ̃pʉ niti mʉꞌʉ?” ni sẽrĩtiñaꞌcʉ niwĩ. Cʉ̃ “Cilicia diꞌtacjʉ̃ niꞌi” nicã tʉꞌogʉ,

Hechos 23:6

Topʉ nirã́ pʉa curua nicãrã niwã. Saduceo masã, fariseo masã nicãrã niwã. Narẽ ĩꞌagʉ̃, ʉpʉtʉ caricũbocure ucũcʉ niwĩ: —Acawererã, yʉꞌʉ quẽꞌrã fariseo curuacjʉ̃ta niꞌi. Yʉꞌʉ pacʉ quẽꞌrã cʉ̃́ta nimi. Masã wẽrĩꞌcãrã beꞌropʉ masãsere yʉꞌʉ ẽjõpeoꞌo. Tereta yʉꞌʉre niꞌcãrõacãrẽ beserã weema, nicʉ niwĩ.

Hechos 26:5

Yʉꞌʉ maꞌmʉpʉta fariseo curuacjʉ̃ ninʉꞌcãwʉ̃. Na tere weresĩꞌrĩrã, añurõ masĩsama. Nipeꞌtirã judío masã waꞌteropʉre ti curuata niꞌi nipeꞌtise Moisé cʉ̃ dutiꞌquere añurõ weeri curua.

Hechos 26:9

»Yʉꞌʉ quẽꞌrã todʉporopʉ Jesú Nazarecjʉ̃rẽ ẽjõpeorãrẽ ñaꞌarõ weesĩꞌrĩrõ põtẽorõ weecũmiwʉ̃.

Hechos 5:34

Niꞌcʉ̃ fariseo masʉ̃ Gamalie wãmetigʉ wiorã meꞌrã na nerẽrõpʉta nicʉ niwĩ. Moisé ojaꞌquere masãrẽ buꞌegʉ nicʉ niwĩ. Masã cʉ̃rẽ “Añugʉ̃ nimi”, ni wãcũcãrã niwã. Wiorã Jesú besecṹúꞌcãrãrẽ na “Wẽjẽrã” nicã tʉꞌogʉ, Gamalie wãꞌcãnʉꞌcã, “Ãꞌrãrẽ pijiwijaaniña yujupʉ”, nicʉ niwĩ. Ãpẽrã wiorãrẽ na tʉꞌotiro apeyenojõ weregʉti nígʉ̃, tojo nicʉ niwĩ.

Hechos 6:9

Cʉ̃ tere weecã ĩꞌarã, cʉ̃rẽ ãpẽrã judío masã ĩꞌatuꞌticãrã niwã. Cʉ̃rẽ ĩꞌatuꞌtirã niꞌcãrẽrã niꞌcã wiꞌi judío masã nerẽrĩ wiꞌi Libertado wãmetiri curuacjãrã nicãrã niwã. Na ãpẽrãrẽ daꞌrawãꞌñacoꞌterã wijaꞌcãrã nicãrã niwã. Ãpẽrã cʉ̃rẽ dʉꞌsasowãꞌcõrã Cirenecjãrã, Alejandríacjãrã, Cilicia diꞌtacjãrã, Asia diꞌtacjãrã na meꞌrã nicãrã niwã.

Hechos 9:1

Felipe cʉ̃ buꞌesijari curareta Saulo peꞌe Jesure ẽjõpeorãrẽ “Narẽ wẽjẽpeꞌocãꞌsĩꞌrĩmisaꞌa”, nicʉ niwĩ. Cʉ̃ ñaꞌarõ weesere ne duꞌuticʉ niwĩ. Tojo weegʉ waꞌa, paꞌia wiogʉre “Yʉꞌʉre papera Damascopʉ waꞌatje cjasere dutioꞌori pũrĩrẽ apobosaya. Ti pũrĩrẽ judío masã nerẽse wiꞌsericjãrã wiorãpʉre wiagʉti weeꞌe. Jesure ẽjõpeorãrẽ ʉmʉa, numiarẽ noꞌo yʉꞌʉ bocaejarãrẽ ñeꞌe, miitigʉti aꞌti macã Jerusalẽ́pʉ buꞌiri daꞌreri wiꞌipʉ”, ni sẽrĩcʉ niwĩ. Cʉ̃ tere sẽrĩcã tʉꞌogʉ, ti pũrĩrẽ paꞌia wiogʉ cʉ̃rẽ apobosacʉ niwĩ.

Hechos 9:11

Cʉ̃ tojo nicã, Jesú cʉ̃rẽ nicʉ niwĩ: —Diacjʉ̃ wãmetiri maꞌapʉ waꞌaya. Ti maꞌa mʉꞌʉ waꞌaro Juda ya wiꞌi nisaꞌa. Cʉ̃ ya wiꞌipʉ sãjãa, niꞌcʉ̃ Tarso wãmetiri macãcjʉ̃ Saulo wãmetigʉre sẽrĩtiñaꞌña. Niꞌcãrõacã cʉ̃ yʉꞌʉre ñubuegʉ weemi. Yʉꞌʉ cʉ̃rẽ mejẽpʉ mʉꞌʉ ti wiꞌipʉ sãjãasere ĩꞌotojapʉ. Mʉꞌʉ ti wiꞌipʉ sãjãa, cʉ̃ dʉpoare ñapeoapʉ, apaturi cʉ̃rẽ caperi ĩꞌadutigʉ tja. Quẽꞌese weronojõ ĩꞌoapʉ cʉ̃ quẽꞌrãrẽ mʉꞌʉrẽ weronojõta, nicʉ niwĩ Jesú Ananíarẽ.

Hechos 9:30

Na tojo weesĩꞌrĩcã ĩꞌarã, ãpẽrã Jesure ẽjõpeorã cʉ̃rẽ miacãrã niwã Cesarea wãmetiri macãpʉ. Topʉ yucʉsʉ meꞌrã cʉ̃ ya macã Tarsopʉ oꞌócãrã niwã.

Romanos 11:1

Mʉsãrẽ sẽrĩtiñaꞌnemogʉ̃ti tja. ¿Õꞌacʉ̃ Israe curuacjãrã yʉꞌrʉnʉꞌcãꞌcãrãrẽ, yarã masã nisome majã nígʉ̃, cõꞌawãꞌcãpari? Cõꞌawãꞌcãticʉ niwĩ. Yʉꞌʉ quẽꞌrã Israe curuacjʉ̃ niꞌi. Abrahã pãrãmi nituriagʉ Benjamí ya curuacjʉ̃ niꞌi.

2 Corintios 11:22

Na “Hebreo masã niꞌi”, nisama. Yʉꞌʉ quẽꞌrã cʉ̃́ta niꞌi. Na Israe curuacjãrã nima. Yʉꞌʉ quẽꞌrã cʉ̃́ta niꞌi. Na Abrahã pãrãmerã nituriarã nima. Yʉꞌʉ quẽꞌrã cʉ̃́ta niꞌi.

Gálatas 1:14

Yʉꞌʉ maꞌmʉ nígʉ̃, judío masã na ẽjõpeosetisere añurõ weewʉ. Ãpẽrã yʉꞌʉ meꞌrãcjãrã yʉꞌrʉoro ʉ̃sã ñecʉ̃sʉmʉa weesetimʉjãtiꞌquere weeyʉꞌrʉnʉꞌcãwʉ̃.

Gálatas 1:21

Yʉꞌʉ Jerusalẽ́pʉre níca beꞌro Siria diꞌtapʉ, tojo nicã Cilicia diꞌtapʉ waꞌawʉ.