Hechos 1:10 - Õꞌacʉ̃ Yere Ucũrĩ Turi

^10-11 Jesure cʉ̃ pacʉ miimʉjã́áca beꞌro cʉ̃ buꞌerã cʉ̃ mʉjãaꞌcaro peꞌe diaꞌcʉ̃ ĩꞌamorõnuꞌcũcãrã niwã. Ne ĩꞌaduꞌuticãrã niwã. Na to peꞌe ĩꞌamorõnuꞌcũrĩ cura wãcũña marĩrõ na decopʉ Õꞌacʉ̃rẽ werecoꞌterã pʉarã suꞌti butise sãñarã bajuacãrã niwã. —Mʉsã Galileacjãrã ¿deꞌro weerã tocãꞌrõ ĩꞌamorõnuꞌcũti? Jesú niꞌcãrõacã ʉꞌmʉsepʉ mʉjãaꞌcʉta aꞌti nucũcãpʉre apaturi aꞌtigʉsami tja. Mʉsã cʉ̃rẽ mʉjãacã ĩꞌaꞌcaronojõta aꞌtigʉsami, nicãrã niwã Õꞌacʉ̃rẽ werecoꞌterã.

Tukano

^10-11 Jesuré kɨ̃ɨ̂ pakɨ́ mii mɨháaka be'ro kɨ̃ɨ̂ bu'erã́ kɨ̃ɨ̂ mɨhâa'karo pe'e di'akɨ̃ ĩ'yâ moro nu'kukãrã niîwã. Neê ĩ'yâ du'utikãrã niîwã. Naâ toó pe'e ĩ'yâ moro nu'kuri kura wãkûtiro naâ dekopɨ Õ'âkɨ̃hɨre werê ko'terã pɨárã su'tí butisé sãyarã́ bahuákãrã niîwã. —Mɨsâ Galiléiakãharã de'ró weérã toô kã'ro ĩ'yâ moro nu'kuti? Jesu ni'kâroakã ɨ'mɨ̂sepɨ mɨhâa'kɨta a'ti nukúkãpɨre opâturi a'tîgɨsami taha. Mɨsâ kɨ̃ɨ̂re mɨhâakã ĩ'yâ'karo nohota a'tîgɨsami, niîkãrã niîwã Õ'âkɨ̃hɨre werê ko'terã.

Hechos 1:10 Iomraidhean Croise

Mateus 17:2

Topʉ na ĩꞌorõpʉ cʉ̃ bajusere dʉcayucʉ niwĩ. Cʉ̃ diapoare mujĩpũ ʉmʉcocjʉ̃ weronojõ asistecʉ niwĩ. Cʉ̃ ye suꞌti añurõ boꞌreyuse waꞌacaro niwʉ̃.

Mateus 28:3

Cʉ̃ bʉpo yaꞌbaro weronojõ asistecʉ niwĩ. Cʉ̃ yaro suꞌtiro ʉpʉtʉ buticaro niwʉ̃.

Marcos 16:5

Tojo weerã ti tutipʉ diacjʉ̃ sãjãa waꞌacãrã niwã. Topʉ diacjʉ̃ peꞌe niꞌcʉ̃ maꞌmʉ dujicã ĩꞌacãrã niwã. Cʉ̃ yoaro suꞌtiro butiro sãñacã ĩꞌarã, ʉpʉtʉ ʉcʉacãrã niwã.

San Lucas 24:4

Tojo weerã “¿Deꞌro waꞌapari cʉ̃rẽ?” ni wãcũcãrã niwã. Na tojo wãcũrĩ cura wãcũña marĩrõ pʉarã ʉmʉa suꞌti asistese sãñaꞌcãrã na tiropʉ bajuanʉꞌcãcãrã niwã.

San Juan 20:12

Tojo ĩꞌasõrõgõ, pʉarã suꞌti butise sãñarã Õꞌacʉ̃rẽ werecoꞌterãrẽ ĩꞌaco niwõ. Na Jesure cũuꞌcaropʉ dujicãrã niwã. Niꞌcʉ̃ cʉ̃ dʉpoa níꞌcaropʉ, apĩ cʉ̃ dʉꞌpocãrĩ níꞌcaro peꞌe dujicãrã niwã.

Hechos 10:3

Niꞌcã nʉmʉ ñamicaꞌa tres nicã cãrĩtimigʉ̃ quẽꞌegʉ̃ weronojõ niꞌcʉ̃ Õꞌacʉ̃rẽ werecoꞌtegʉre ĩꞌacʉ niwĩ. Cʉ̃ tiro sãjãa, cʉ̃rẽ pisucʉ niwĩ: —Cornelio, nicʉ niwĩ.

Hechos 10:30

Cornelio cʉ̃rẽ yʉꞌticʉ niwĩ: —Baꞌparitise nʉmʉrĩ yʉꞌrʉꞌʉ aꞌti horata tres nicã aꞌti wiꞌipʉ yʉꞌʉ beꞌti ñubueca beꞌro. Wãcũña marĩrõ niꞌcʉ̃ ʉmʉ suꞌti asistese sãñagʉ̃ bajuawĩ yʉꞌʉ tiropʉ.

Apocalipse 3:4

” ’Tojo nimicã, ti macã Sardi mʉsã waꞌteropʉre pejetirãcã añurõ weerã́ nima. Na ñaꞌarõ weesere ĩꞌacũu sirututima. Suꞌti ũꞌirĩtirã weronojõ nitima. Añurõ weeꞌcãrã niyurã, yʉꞌʉ meꞌrã nirãsama. Suꞌti butise sãñárã weronojõ buꞌiri marĩrã nirãsama.

Apocalipse 7:14

Yʉꞌʉ cʉ̃rẽ yʉꞌtiwʉ: —Wiogʉ, mʉꞌʉ masĩsaꞌa. Cʉ̃ peꞌe yʉꞌʉre niwĩ: —Ãꞌrã nucũcãcjãrã pũrõ piꞌeticaterore na quẽꞌrã piꞌetiꞌcãrã nima. Na Õꞌacʉ̃ macʉ̃ oveja wĩꞌmagʉ̃ weronojõ bajugʉ wẽrĩse meꞌrã na ejeripõꞌrãrĩpʉ ñaꞌase moorã tojacãrã niwã.