Hebreos 8:9 - Õꞌacʉ̃ Yere Ucũrĩ Turi

⁹ Todʉporopʉ na ñecʉ̃sʉmʉa meꞌrã weegʉti ni apoꞌcaronojõ nisome. Narẽ Egiptopʉ níꞌcãrãrẽ yʉꞌʉ basu miiwijawʉ. Narẽ ‘Añurõ weegʉti’, nimiwʉ̃. Na peꞌe yʉꞌʉ dutiꞌquere weetiwã. Tojo weegʉ narẽ cõꞌawãꞌcãwʉ̃”, nicʉ niwĩ marĩ wiogʉ.

Tukano

⁹ Too dɨpóropɨ naâ yẽkɨ sɨmɨá me'ra weegɨ́ti niî apó'karo noho niîsome. Naâre Egitopɨ niî'kãrãre yɨ'ɨ̂ basi mii wiháawɨ. Naâre ‘Ãyuró weegɨ́ti’, niîmiwɨ. Naâ pe'e yɨ'ɨ̂ dutî'kere weetíwã. Tohô weégɨ naâre kõ'â wã'kawɨ”, niîkɨ niîwĩ marî wiôgɨ.

Hebreos 8:9 Iomraidhean Croise

Génesis 19:16

Na tojo nimicã, Lot sojaticʉ niwĩ. Cʉ̃ ʉmʉñarõ waꞌaticã ĩꞌarã, na cʉ̃ omocãrẽ ñeꞌe, miacãrã niwã. Õꞌacʉ̃ cʉ̃rẽ pajañaꞌgʉ̃, tojo weeduticʉ niwĩ. Lot nʉmo, cʉ̃ põꞌrã numia quẽꞌrãrẽ macã sumutopʉ miacãrã niwã.

Éxodo 32:8

Na maata waro yʉꞌʉ weedutiꞌquere duꞌucãꞌma. Niꞌcʉ̃ wecʉ wĩꞌmagʉ̃ queosere uru meꞌrã ʉ̃jʉ̃asipio wĩorẽama. Cʉ̃rẽ eꞌcatipeorã, ejaqueꞌama. Tojo nicã, waꞌicʉrãrẽ wẽjẽ, cʉ̃rẽ ʉ̃jʉ̃amorõpeoama. Aꞌtiro ni ucũama: “Israe curuacjãrã, ãꞌrĩ marĩ ẽjõpeogʉ nimi. Cʉ̃ta Egipto diꞌtapʉre marĩrẽ sʉꞌori miiwijawĩ”, niama, nicʉ niwĩ Õꞌacʉ̃.

Éxodo 34:10

Õꞌacʉ̃ Moisé sẽrĩꞌquere tʉꞌóca beꞌro aꞌtiro nicʉ niwĩ: “Añurõ tʉꞌoya. Niꞌcãrõacãrẽ yʉꞌʉ nipeꞌtirã mʉsã Israe curuacjãrã meꞌrã ‘Aꞌtiro weegʉti’ ni apoꞌquere cũugʉ̃ti. Nipeꞌtirã masã ĩꞌorõpʉ añubutiasere weeĩꞌogʉ̃saꞌa. Te todʉporopʉ ne ape diꞌtapʉ aꞌti turipʉre weeĩꞌonoꞌña marĩꞌquere ĩꞌogʉ̃ti. Noꞌo nipeꞌtirã mʉsã waꞌtero nirã́ yʉꞌʉ mʉsã wiogʉ mʉsãrẽ añubutiaro weeatjere ĩꞌarãsama.

Marcos 8:23

Tojo weegʉ Jesú caperi ĩꞌatigʉ ya omocãpʉ ñeꞌe, macã sumutopʉ tʉ̃awãꞌcãcʉ niwĩ. Beꞌro Jesú cʉ̃ ye ʉꞌseco meꞌrã caperipʉ tuuwaꞌrecʉ niwĩ. Tojo weetojanʉꞌcõ, Jesú omocãrĩ meꞌrã cʉ̃ ye caperire ñapeocʉ niwĩ. Beꞌro cʉ̃rẽ sẽrĩtiñaꞌcʉ niwĩ: —¿Mʉꞌʉrẽ apeyenojõ bajumitito? nicʉ niwĩ.

Hechos 13:11

Mʉꞌʉrẽ niꞌcãrõacã Õꞌacʉ̃ buꞌiri daꞌregʉsami. Mʉꞌʉ caperi ĩꞌatigʉ tojagʉ́saꞌa téé Õꞌacʉ̃ ʉaro põtẽorõ, nicʉ niwĩ Pablo. Cʉ̃ tojo nicãta, cʉ̃rẽ naꞌitĩꞌa waꞌacaro niwʉ̃. Ne caperi ĩꞌatigʉ tojacʉ niwĩ. Cʉ̃rẽ tojo waꞌacã tʉꞌoñaꞌgʉ̃, cʉ̃rẽ tʉ̃awãꞌcãcjʉre aꞌmacʉ niwĩ.

Hechos 7:36

Cʉ̃ Egiptopʉ nígʉ̃, pajiri maa Aco sõꞌarĩ maapʉ nígʉ̃, Õꞌacʉ̃ tutuaro meꞌrã peje weeĩꞌocʉ niwĩ. Tojo weegʉ cʉ̃ acawererã Egiptopʉ níꞌcãrãrẽ apeye diꞌtapʉ sʉꞌori miiwijacʉ niwĩ. Cuarenta cʉ̃ꞌmarĩ yucʉ marĩrõ, masã marĩrõpʉ na waꞌacã, Õꞌacʉ̃ tutuaro meꞌrã weeĩꞌonuꞌcũcãꞌcʉ niwĩ.

Hechos 9:8

Beꞌro Saulo wãꞌcãnujã, cʉ̃ caperire ĩꞌapãacʉ nimiwĩ. Ne bajunoꞌticʉ niwĩ. Tojo weerã cʉ̃ meꞌrã waꞌaꞌcãrã Damascopʉ cʉ̃rẽ tʉ̃awãꞌcãcãrã niwã.

Gálatas 4:24

Aꞌtiro weeꞌque meꞌrã marĩ masĩꞌi. Na pʉarã numia Õꞌacʉ̃ cʉ̃ pʉaro dutise marĩrẽ cũuꞌque weronojõ niꞌi. Agar ʉ̃rʉ̃gʉ̃ Sinaí wãmeticjʉ queose weronojõ nimo. Tigʉpʉ Õꞌacʉ̃ Moisére dutise cũucʉ niwĩ. Tigʉ Arabia diꞌtapʉ nisaꞌa. Agar macʉ̃ cʉ̃ paco daꞌracoꞌtego niyucã, cʉ̃ quẽꞌrã daꞌracoꞌtegʉ nicʉ niwĩ. Ti curuapʉ bajuasiruturã nipeꞌtirã daꞌracoꞌterã nima. Ãpẽrã dutisere weewãꞌñacoꞌtema. Apeyema tja aꞌtocatero Jerusalẽ́pʉre añurõ Moisé dutisere weerã́ nisama. Agar ti macãrẽ queose weronojõ nimo. Nipeꞌtirã Moisé dutisere weerã́ Agar ya curuacjãrã weronojõ daꞌracoꞌterã nima. Tojo weerã na Moisé dutise doca nima.