Hebreos 8:2 - Õꞌacʉ̃ Yere Ucũrĩ Turi

² Cʉ̃ ʉꞌmʉsepʉ Õꞌacʉ̃ Nibutiari Tucũpʉre paꞌia wiogʉ weronojõ nisami. Ti wiꞌi Õꞌacʉ̃ wééca wiꞌi niꞌi. Masã mejẽta weecãrã niwã.

Tukano

² Kɨ̃ɨ̂ ɨ'mɨ̂sepɨ Õ'âkɨ̃hɨ Niî butia'ri Tũkupɨre sacerdotea wiôgɨ weeró noho niîsami. Tií wi'i Õ'âkɨ̃hɨ weéka wi'i niísa'. Masa mehéta weepã́.

Hebreos 8:2 Iomraidhean Croise

Éxodo 33:7

Moisé Õꞌacʉ̃ suꞌti caseri meꞌrã wééca wiꞌiacãrẽ mia, masã na nirṍ yoacureropʉ cũucʉ niwĩ. Ti wiꞌiacãrẽ “Õꞌacʉ̃ meꞌrã bocaejari wiꞌi niꞌi”, nicʉ niwĩ. Noꞌo niꞌcʉ̃ Õꞌacʉ̃rẽ cʉ̃ weeatjere sẽrĩtiñaꞌsĩꞌrĩgʉ̃nojõ topʉ waꞌacʉ niwĩ. Ti wiꞌiacã na masã nirṍ yʉꞌrʉro nicaro niwʉ̃.

San Lucas 24:44

Beꞌro narẽ nicʉ niwĩ: —Aꞌte yʉꞌʉre waꞌaꞌquere todʉporo mʉsã meꞌrã nígʉ̃, weremiwʉ̃: “Nipeꞌtise Moisé yʉꞌʉre ojaꞌque, Õꞌacʉ̃ ye queti weremʉꞌtãrĩ masã na ojaꞌque queoro waꞌarosaꞌa”, nimiwʉ̃. “Tojo nicã Salmo wãmetiri pũrĩpʉ na ojaꞌcaronojõta yʉꞌʉre waꞌarosaꞌa”, niwʉ̃, nicʉ niwĩ.

Romanos 15:8

Yʉꞌʉ ucũgʉ̃, “Õꞌacʉ̃ marĩ ñecʉ̃sʉmʉarẽ cʉ̃ ‘Weegʉti’ níꞌquere queoro weegʉ weemi”, nigʉ̃ weeꞌe. Jesucristota judío masãrẽ weetamugʉ̃ aꞌticʉ niwĩ nígʉ̃, tojo niꞌi. Cʉ̃ tojo weese meꞌrã Õꞌacʉ̃ cʉ̃ diacjʉ̃ nisere ĩꞌocʉ niwĩ.

2 Corintios 5:1

Marĩ masĩꞌi, marĩ ya upʉ wiꞌi weronojõ boadijarosaꞌa. Tojo waꞌacã, Õꞌacʉ̃ ʉꞌmʉse cja upʉ peꞌtitiatji upʉre oꞌogʉsami. Ti upʉ masã wééca upʉ nitisaꞌa.

Colosenses 2:11

Mʉsã masĩsaꞌa, Õꞌacʉ̃ yarã sãjãsĩꞌrĩrã, judío masã weronojõ õꞌrẽcjʉ yapa caserore yejecõꞌaticãrã niwʉ̃. Aꞌtiro peꞌe waꞌacaro niwʉ̃. Jesucristo basu mʉsã ñaꞌarõ weesetisere cõꞌacʉ niwĩ. Tojo weerã õꞌrẽcjʉ yapa caserore yejecõꞌaꞌcãrã weronojõ Õꞌacʉ̃ yarã tojacãrã niwʉ̃.

Hebreos 10:11

Nipeꞌtirã judío masã paꞌia ʉmʉcorinʉcʉ̃ aꞌtiro weecãrã niwã. Nuꞌcũtjĩarã, waꞌicʉrãrẽ wẽjẽ ʉ̃jʉ̃amorõpeomʉjãcãrã niwã. Na ʉ̃jʉ̃amorõpeonuꞌcũmicã, masã ñaꞌarõ weeꞌquere ne cõꞌamasĩticaro niwʉ̃.

Hebreos 10:21

Jesucristo paꞌia wiogʉ waro ʉꞌmʉsepʉ Õꞌacʉ̃ wiꞌipʉ marĩrẽ sẽrĩbosagʉ nimi.

Hebreos 11:10

Abrahã Õꞌacʉ̃ ya macã peꞌtitiatji macã ʉꞌmʉse peꞌere nisĩꞌrĩgʉ̃, tojo weecusiacʉ niwĩ. Ti macã Õꞌacʉ̃ wééca macã niꞌi.

Hebreos 9:1

Niꞌcãrõacãma aꞌtiro nigʉ̃ti. Õꞌacʉ̃ ne waro “Masã meꞌrã añurõ weegʉti” nícaterore cʉ̃rẽ ñubuerã weewʉadutisenojõrẽ cũucʉ niwĩ. Na ñubueri wiꞌi aꞌti nucũcã cja wiꞌi nicaro niwʉ̃.

Apocalipse 21:3

Beꞌro niꞌcʉ̃ ʉꞌmʉsepʉ nigʉ̃́ tutuaro meꞌrã ucũcã tʉꞌowʉ. Aꞌtiro niwĩ: —Tʉꞌoya. Õꞌacʉ̃ masã meꞌrã nimi. Na meꞌrã ninuꞌcũgʉ̃sami. Na cʉ̃ yarã nirãsama. Cʉ̃ basuta na meꞌrã ni, na wiogʉ nigʉ̃sami.