Hebreos 7:2 - Õꞌacʉ̃ Yere Ucũrĩ Turi

² Cʉ̃ tojo níca beꞌro Abrahã cʉ̃ aꞌmequẽgʉ̃ wapataꞌaꞌquere diez mesãrĩ dʉcawaacũucʉ niwĩ. Niꞌcã mesãrẽ Melquisedere oꞌocʉ niwĩ. Melquisedec wãme “Wiogʉ queoro weegʉ́” nisĩꞌrĩrõ weeꞌe. Cʉ̃ Salem wãmetiri macãcjʉ̃ nitjĩagʉ̃, “Ejerisãjãse wiogʉ” nicʉ niwĩ. Salem “Ejerisãjãse” nisĩꞌrĩrõ weeꞌe.

Tukano

² Kɨ̃ɨ̂ tohô niîka be'ro Abraão naâ wiôrã yee niîmi'kere kɨ̃ɨ̂ miîkã'ti'kere pɨámukãse mesari dɨka waá kũukɨ niîwĩ. Ni'kâ mesare Melquisedequere o'ôkɨ niîwĩ. Melquisedeque wamé “Wiôgɨ keoró weegɨ́” niî sĩ'riro weé'. Kɨ̃ɨ̂ Salẽ́ wamêtiri maka wiôgɨ niî tĩhagɨ, “Ehêri põ'rapɨ ãyuró tɨ'ó yã'akã weegɨ́” niîkɨ niîwĩ. Salẽ́ niîro “Ehêri põ'rapɨ ãyuró tɨ'ó yã'ase” niî sĩ'riro weé'.

Hebreos 7:2 Iomraidhean Croise

Génesis 28:22

Mʉꞌʉ tojo weecã, aꞌtiga ʉ̃tãgã yʉꞌʉ miinʉꞌcõcaga Õꞌacʉ̃ ya wiꞌi nirõsaꞌa. Mʉꞌʉ nipeꞌtisetiri yʉꞌʉre apeyenojõ diez oꞌocã, mʉꞌʉrẽ niꞌcãrõ oꞌogʉti”, nicʉ niwĩ.

Mateus 1:23

Aꞌtiro ni ojaduticʉ niwĩ: Niꞌcõ numio ʉmʉ meꞌrã nitimigõ, nijĩpaco ni, beꞌro põꞌrãtigosamo. Cʉ̃ Emanuel wãmetigʉsami, ni ojanoꞌcaro niwʉ̃. Emanuel “Õꞌacʉ̃ marĩ meꞌrã nimi”, nisĩꞌrĩrõ weecaro niwʉ̃.

San Lucas 2:14

Õꞌacʉ̃ ʉꞌmʉsecjʉ̃rẽ eꞌcatipeorã. Nipeꞌtirã cʉ̃rẽ “Añubutiami”, ni basapeoato. Aꞌti diꞌta peꞌere cʉ̃ añurõ weenoꞌcãrã ejerisãjãse cʉoato, nicãrã niwã.

Romanos 3:26

Aꞌtiro nicãrẽ Jesucristo marĩ ñaꞌarõ weeꞌquere wẽrĩ wapayeꞌque meꞌrã Õꞌacʉ̃ cʉ̃ queoro weesere ĩꞌosami. Mejãrõta tja cʉ̃ macʉ̃ Jesucristore ẽjõpeorãrẽ buꞌiri marĩrã, añurã waꞌacã weesami.

Hebreos 7:1

Dʉporocjʉ̃ Melquisedec wãmetigʉ Salem wãmetiri macã wiogʉ nicʉ niwĩ. Cʉ̃ paꞌi niyugʉ, Õꞌacʉ̃ nipeꞌtirã buꞌipʉ nigʉ̃rẽ masãrẽ sẽrĩbosacʉ niwĩ. Cʉ̃ nícaterore Abrahã ãpẽrã wiorã meꞌrã aꞌmewẽjẽcʉ niwĩ. Na meꞌrã aꞌmewẽjẽgʉ̃ ejagʉ, cʉ̃ yarã meꞌrã wapataꞌadajacʉ niwĩ. Cʉ̃ tojo weedajacã, Melquisedec cʉ̃rẽ põtẽrĩgʉ̃ ejacʉ niwĩ. Cʉ̃rẽ põtẽrĩgʉ̃, “Õꞌacʉ̃ mʉꞌʉrẽ añurõ weeato”, nicʉ niwĩ.

Hebreos 7:3

Melquisedec pacʉsʉmʉarẽ, cʉ̃ ñecʉ̃sʉmʉarẽ ne masĩnoꞌña marĩꞌi. Cʉ̃ bajuaꞌquere, cʉ̃ wẽrĩꞌque quẽꞌrãrẽ ne masĩnoꞌña marĩꞌi. Tojo weegʉ Melquisedec Õꞌacʉ̃ macʉ̃ Jesucristo paꞌi ninuꞌcũacjʉ weronojõ nicʉ niwĩ.