Hebreos 4:7 - Õꞌacʉ̃ Yere Ucũrĩ Turi

⁷ Dʉporocjãrãpʉ na soo, eꞌcatitamurã waꞌaticã ĩꞌagʉ̃, Õꞌacʉ̃ marĩ peꞌere ape nʉmʉ besecṹúcʉ niwĩ. Cʉ̃ beséca nʉmʉ aꞌtocatero niꞌi. Õꞌacʉ̃ beꞌropʉ Davi ojaꞌque meꞌrã marĩrẽ aꞌtere masĩcã weemi. Tere Õꞌacʉ̃ ye queti ojáca pũrĩpʉ aꞌtiro ojacʉ niwĩ: Aꞌtocaterore mʉsã Õꞌacʉ̃ ucũsere tʉꞌorã, mʉsã ejeripõꞌrã bʉtiticãꞌña, nicʉ niwĩ.

Tukano

⁷ Dɨporókãharãpɨ naâ soó, e'katí tamurã wa'âtikã ĩ'yâgɨ, Õ'âkɨ̃hɨ marî pe'ere ape nɨmɨ́ bese kũúkɨ niîwĩ. Kɨ̃ɨ̂ beséka nɨmɨ a'tóka tero niî'. Õ'âkɨ̃hɨ be'ropɨ́ Davi ohâ'ke me'ra marîre a'teré masikã́ weemí. Teeré Õ'âkɨ̃hɨ yee kiti ohâka pũripɨ a'tîro ohâkɨ niîwĩ: A'tóka terore mɨsâ Õ'âkɨ̃hɨ uúkũsere tɨ'órã, mɨsâ ehêri põ'ra bɨtîtikã'ya, niîkɨ niîwĩ.

Hebreos 4:7 Iomraidhean Croise

Mateus 22:43

Na tojo nicã tʉꞌogʉ, Jesú narẽ niwĩ: —Cristo, Õꞌacʉ̃ beseꞌcʉ Davi pãrãmi nituriagʉ nicã, to pũrĩcãrẽ ¿deꞌro weegʉ Davi Espíritu Santu tutuaro meꞌrã ucũgʉ̃, cʉ̃rẽ “Yʉꞌʉ wiogʉ nimi”, nipari? Marĩ, marĩ pãrãmirẽ “Yʉꞌʉ wiogʉ nimi”, niweꞌe. Davi Õꞌacʉ̃ beseꞌcʉre ucũyugʉ, aꞌtiro ojacʉ niwĩ:

Marcos 12:36

Davita Espíritu Santu cʉ̃ masĩse oꞌoro meꞌrã aꞌtiro ni ojacʉ niwĩ: Õꞌacʉ̃ ʉꞌmʉsepʉ nigʉ̃́ cʉ̃ macʉ̃rẽ, yʉꞌʉre yʉꞌrʉoacjʉre aꞌtiro nicʉ niwĩ: “Yʉꞌʉ tiro wiogʉ dujiri cũmurõpʉ dujigʉsaꞌa. Mʉꞌʉ to dujicã, mʉꞌʉrẽ ĩꞌatuꞌtiꞌcãrãrẽ docaqueꞌacã weegʉti”, nicʉ niwĩ Õꞌacʉ̃, ni ojacʉ niwĩ Davi.

San Lucas 20:42

Davita Salmo wãmetiri pũrĩpʉ aꞌtiro ojacʉ niwĩ: Õꞌacʉ̃ ʉꞌmʉsepʉ nigʉ̃́ cʉ̃ macʉ̃rẽ, yʉꞌʉre yʉꞌrʉoacjʉre aꞌtiro nicʉ niwĩ: “Yʉꞌʉ tiro wiogʉ dujiri cũmurõpʉ dujigʉsaꞌa.

Hechos 2:29

»Yʉꞌʉ acawererã, mʉsãrẽ weresĩꞌrĩsaꞌa marĩ ñecʉ̃ Davi yere. Cʉ̃ wẽrĩcʉ niwĩ. Cʉ̃ wẽrĩcã, cʉ̃rẽ yaacãrã niwã. Cʉ̃ ya masãpe aꞌti macãta niꞌi. Marĩ masĩꞌi, cʉ̃ basu peꞌe cʉ̃ ye cjasere ojatipĩ. Apĩpʉre ojagʉ weepĩ.

Hechos 2:31

Cʉ̃rẽ Õꞌacʉ̃ tojo níꞌquere Davi weremʉꞌtãcʉ niwĩ Jesú cʉ̃ masãtjere. “Cʉ̃ wẽrĩgʉ̃sami. Wẽrĩ, maata masãgʉ̃sami. Ãpẽrã wẽrĩꞌcãrã weronojõ wẽrĩdojasome. Cʉ̃ upʉ boasome”, ni ojacʉ niwĩ Davi. Davi aꞌtiro ojaꞌcʉ nimigʉ̃, wẽrĩa waꞌacʉ niwĩ. Cʉ̃ ya upʉ boa waꞌapã. Aꞌtere tojo nígʉ̃, Jesure waꞌatje peꞌere ojayugʉ weepĩ. Jesure cʉ̃ pacʉ wẽrĩꞌcʉpʉre masõcʉ niwĩ. Marĩ ĩꞌaꞌcãrã nitjĩarã masĩꞌi cʉ̃ masõꞌquere.

Hechos 28:25

Na niꞌcãrõnojõ wãcũti, niꞌcãrẽrã topʉ dujiꞌcãrã wãꞌcãnʉꞌcãwijaari cura Pablo narẽ niwĩ: —Espíritu Santu diacjʉ̃ta ucũpĩ Õꞌacʉ̃ ye queti weremʉꞌtãrĩ masʉ̃ Isaía meꞌrã ucũgʉ̃ marĩ ñecʉ̃sʉmʉapʉre. Aꞌtiro ni wereduticʉ niwĩ:

Hebreos 3:15

Yʉꞌʉ níꞌcaronojõta aꞌtiro ojanoꞌcaro niwʉ̃: Niꞌcãcã mʉsã Õꞌacʉ̃ ucũsere tʉꞌorã, mʉsã ejeripõꞌrã bʉtiticãꞌña. Dʉporocjãrã Õꞌacʉ̃rẽ yʉꞌrʉnʉꞌcãꞌcãrã weronojõ niticãꞌña, ninoꞌcaro niwʉ̃.