Hebreos 2:9 - Õꞌacʉ̃ Yere Ucũrĩ Turi

⁹ Jesú pũrĩcãrẽ tojo ojaꞌcaronojõta waꞌacaro niwʉ̃. Õꞌacʉ̃ cʉ̃rẽ aꞌti nucũcãpʉre oꞌógʉ, cʉ̃rẽ werecoꞌterã docapʉ cũunicʉ niwĩ. Õꞌacʉ̃ marĩrẽ pajañaꞌgʉ̃, nipeꞌtirãrẽ wẽrĩbosadutigʉ tojo cũucʉ niwĩ. Niꞌcãrõacãrẽ cʉ̃ wẽrĩ piꞌetiꞌque wapa Õꞌacʉ̃ cʉ̃rẽ wiogʉ sõrõcʉ niwĩ. Nipeꞌtirã cʉ̃rẽ “Añuyʉꞌrʉgʉ nimi” nidutigʉ tojo weecʉ niwĩ.

Tukano

⁹ Jesu pũríkãre tohô ohâ'karo nohota wa'âkaro niîwɨ. Õ'âkɨ̃hɨ kɨ̃ɨ̂re a'ti nukúkãpɨre o'ôo'gɨ, kɨ̃ɨ̂re werê ko'terã dokapɨ kũû ni'ikɨ niîwĩ. Õ'âkɨ̃hɨ marîre pahá yã'agɨ, niî pe'tirãre wẽrî basa dutigɨ tohô kũûkɨ niîwĩ. Ni'kâroakãre kɨ̃ɨ̂ wẽrî pi'etí'ke wapa Õ'âkɨ̃hɨ kɨ̃ɨ̂re wiôgɨ sõróokɨ niîwĩ. Niî pe'tirã kɨ̃ɨ̂re “Ãyú yɨ'rɨgɨ niîmi” niî dutigɨ tohô weékɨ niîwĩ.

Hebreos 2:9 Iomraidhean Croise

Génesis 3:15

Numio mʉꞌʉrẽ ne ĩꞌasĩꞌrĩtigosamo. Co põꞌrã, co pãrãmerã nituriarã quẽꞌrã mejãrõta weerãsama. Niꞌcãcã meꞌrã aꞌmerĩ ĩꞌatuꞌtinʉꞌcãrãsaꞌa. Mʉꞌʉ, co macʉ̃ ya dʉꞌpodiare cũꞌrĩgʉ̃saꞌa. Cʉ̃ peꞌe mʉꞌʉ dʉpoare ʉꞌtamʉtõgʉ̃sami, ni werecʉ niwĩ.

Mateus 16:28

Diacjʉ̃ mʉsãrẽ weregʉti. Niꞌcãrẽrã aꞌtopʉ nirã́ na wẽrĩse dʉporo aꞌtere ĩꞌarãsama. Yʉꞌʉ Õꞌacʉ̃ macʉ̃ masʉ̃ weronojõ upʉtigʉ wiogʉ sãjãcã ĩꞌatimirã, wẽrĩsome, niwĩ.

Mateus 6:28

”¿Deꞌro weerã mʉsã sãñatje suꞌtire wãcũqueꞌtiti? Oꞌori, nʉcʉ̃ cjasere wãcũña. Te noꞌo ʉaro pĩꞌrĩbajaqueꞌatisaꞌa. Daꞌrati, suꞌatimirõ, suꞌti añurõ sãñarõ weronojõ bajuꞌu.

Marcos 9:1

Jesú masãrẽ, tojo nicã cʉ̃ buꞌerãrẽ buꞌéca beꞌro apeye ninemocʉ niwĩ narẽ: —Diacjʉ̃ mʉsãrẽ weregʉti. Niꞌcãrẽrã aꞌtopʉ nirã́ yʉꞌʉ tutuaro meꞌrã wiogʉ sãjãgʉ̃ aꞌticã ĩꞌatimirã, wẽrĩsome, nicʉ niwĩ.

San Lucas 9:27

Diacjʉ̃ mʉsãrẽ weregʉti. Niꞌcãrẽrã aꞌtopʉ nirã́ yʉꞌʉ wiogʉ sãjãcã ĩꞌatimirã wẽrĩsome, nicʉ niwĩ.

San Juan 1:29

Tojo waꞌáca beꞌro ape nʉmʉ peꞌe Juã Jesú aꞌticã ĩꞌawĩ. Cʉ̃rẽ ĩꞌagʉ̃, aꞌtiro niwĩ: —Ĩꞌaña, ãꞌrĩ nimi Õꞌacʉ̃ oꞌógʉ. Cʉ̃ oveja wĩꞌmagʉ̃ na wẽjẽ ʉ̃jʉ̃amorõpeogʉ weronojõ nimi. Cʉ̃ wẽrĩse meꞌrã aꞌti turicjãrã ñaꞌarõ weeꞌquere acobojogʉsami.

San Juan 10:17

»Yʉꞌʉ pacʉ yʉꞌʉre maꞌimi. Yʉꞌʉ masãrẽ wẽrĩ yʉꞌrʉoatje wapa tojo weemi. Ne niꞌcʉ̃ yʉꞌʉre wẽrĩcã weemasĩtisami; yʉꞌʉ ʉaro meꞌrã wẽrĩgʉ̃ti. Yʉꞌʉ wẽrĩmasĩꞌi. Beꞌro masãmasĩꞌi tja. Yʉꞌʉ pacʉ yʉꞌʉre aꞌtirota weedutiwĩ, niwĩ Jesú.

San Juan 12:32

Apeye quẽꞌrãrẽ yʉꞌʉre na ʉꞌmʉarõpʉ tuumorõnʉꞌcõcã, nipeꞌtirãrẽ yʉꞌʉ tiropʉ aꞌticã weegʉti, niwĩ Jesú.

San Juan 3:16

Õꞌacʉ̃ aꞌti nucũcãcjãrãrẽ ʉpʉtʉ maꞌígʉ̃, cʉ̃ macʉ̃ niꞌcʉ̃ nigʉ̃rẽ oꞌócʉ niwĩ. Te meꞌrã nipeꞌtirã cʉ̃ macʉ̃rẽ ẽjõpeorã, pecameꞌepʉ waꞌasome. Na cʉ̃ meꞌrã catinuꞌcũcãꞌrãsama.

San Juan 8:51

Diacjʉ̃ta nigʉ̃ti. Yʉꞌʉ ucũsere tʉꞌo ẽjõpeogʉ wẽrĩsome.

San Juan 8:52

Na Jesure niwã: —Mʉꞌʉ “Yʉꞌʉ ucũsere tʉꞌo ẽjõpeogʉ wẽrĩsome” nise buꞌiri ʉ̃sã añurõ masĩꞌi. Mʉꞌʉ wãtĩ sãjãnoꞌcʉ niꞌi. Todʉporocjãrã nipeꞌtirã Õꞌacʉ̃ ye queti weremʉꞌtãrĩ masã, tojo nicã Abrahã wẽrĩpeꞌtidija waꞌacãrã niwã.

Hechos 2:33

Cʉ̃ pacʉ cʉ̃rẽ ʉꞌmʉsepʉ cʉ̃ tiro wiogʉ dujiri cũmurõpʉ miimʉjãcʉ niwĩ. Õꞌacʉ̃ cʉ̃ todʉporopʉ níꞌcaronojõta cʉ̃ macʉ̃rẽ marĩrẽ Espíritu Santure oꞌóduticʉ niwĩ. Tojo weerã Espíritu Santu cʉ̃ weetamuse meꞌrã mʉsã ye ucũsere ʉ̃sã ucũapʉ.

Hechos 3:13

Ʉ̃sã tutuaro mejẽta niapʉ. Jesú cʉ̃ tutuaro meꞌrã cʉ̃ sijamasĩtigʉ níꞌcʉ sijami. Marĩ ñecʉ̃sʉmʉa Abrahã, Isaa, Jacob, ãpẽrã marĩ ñecʉ̃sʉmʉa na wiogʉ níꞌcʉ nimi Õꞌacʉ̃ ʉꞌmʉsepʉ nigʉ̃́. Cʉ̃́ta tja “Yʉꞌʉ macʉ̃ añuyʉꞌrʉagʉ nimi” ni, tutuasere ĩꞌoami. Cʉ̃ macʉ̃ta ãꞌrĩ sijamasĩtigʉ níꞌcʉre sijacã weeami. Cʉ̃rẽta mʉsã wiorãrẽ oꞌowʉ. Pilato ĩꞌorõ mʉsã cʉ̃rẽ ʉatiwʉ. Cʉ̃ “Cʉ̃rẽ duꞌugʉti weeꞌe” nimicã, mʉsã “Duꞌuticãꞌña”, niwʉ̃.

Romanos 5:18

Niꞌcãtiacã Adã́ yʉꞌrʉnʉꞌcãꞌque meꞌrã nipeꞌtirã buꞌiri daꞌrenoꞌajã tojacãrã niwã. Jesucristo queoro wéégʉ, cʉ̃ wẽrĩse meꞌrã peꞌe nipeꞌtirã buꞌiri marĩrã tojata basioꞌo. Tojo nicã catinuꞌcũsere bocata basioꞌo.

Romanos 5:8

Õꞌacʉ̃ pũrĩcã marĩ ñaꞌarã nimicã, cʉ̃ maꞌisere ĩꞌocʉ niwĩ. Tere ĩꞌogʉ̃, Jesucristore marĩrẽ wẽrĩbosacã weecʉ niwĩ.

Romanos 8:3

Marĩ ñaꞌarõ weerã́ niyucã, Moisé dutiꞌque deꞌro weepeꞌota basiotipã. Moisé dutiꞌque meꞌrã yʉꞌrʉmasĩweꞌe. Õꞌacʉ̃ peꞌe yʉꞌrʉomasĩmi. Cʉ̃ marĩ ñaꞌarõ weeꞌquere wẽrĩ wapayedutigʉ cʉ̃ macʉ̃rẽ oꞌócʉ niwĩ. Cʉ̃ macʉ̃ marĩ ñaꞌarõ weerã́ upʉtiro weronojõ upʉticʉ niwĩ. Ti upʉ meꞌrã wẽrĩgʉ̃, ñaꞌasere cõꞌawapayepeꞌocãꞌcʉ niwĩ.

Romanos 8:32

Õꞌacʉ̃ cʉ̃ macʉ̃ waromarĩcãrẽ oꞌócʉ niwĩ. Ne “Oꞌosome” nitigʉta, marĩ nipeꞌtirã ye niatjere wẽrĩbosadutigʉ tojo oꞌócʉ niwĩ. Apeyepʉma tjãsami majã. Deꞌro weeacjʉ cʉ̃ macʉ̃ Jesucristore marĩrẽ oꞌoꞌcʉ nimigʉ̃, apeye nipeꞌtisere oꞌotibosabe. Oꞌogʉsami.

2 Corintios 5:15

Cristo nipeꞌtirãrẽ wẽrĩbosacʉ niwĩ. Catinuꞌcũse cʉorã na ʉaro diaꞌcʉ̃ weeticãꞌto nígʉ̃ tojo weecʉ niwĩ. Cʉ̃ ʉaro peꞌere weedutigʉ wẽrĩ masãcʉ niwĩ.

2 Corintios 5:21

Cristo ne cãꞌrõacã ñaꞌarõ weeticʉ niwĩ. Õꞌacʉ̃ peꞌe marĩ ñaꞌarõ weese buꞌiri cʉ̃rẽ wẽrĩbosa dʉcayuduticʉ niwĩ. Cʉ̃rẽ ñaꞌagʉ̃rẽ weronojõ buꞌiri daꞌrecʉ niwĩ. Tojo weese meꞌrã Õꞌacʉ̃ marĩrẽ Cristo yarã waꞌacã weecʉ niwĩ. Tojo nicã cʉ̃ ʉaro cʉ̃ weronojõ añurõ nidutigʉ tojo weecʉ niwĩ.

Gálatas 4:4

Tojo nimicã, Õꞌacʉ̃ peꞌe cʉ̃ queoca nʉmʉ nicã, queoro aꞌti turipʉre cʉ̃ macʉ̃rẽ oꞌócʉ niwĩ. Cʉ̃ Õꞌacʉ̃ macʉ̃ nimigʉ̃, niꞌcõ numiopʉre bajuacʉ niwĩ. Cʉ̃ judío masʉ̃ nígʉ̃, Moisé dutise doca nicʉ niwĩ.

1 Timoteo 2:6

Jesucristo nipeꞌtirã masãrẽ yʉꞌrʉogʉ wẽrĩbosacʉ niwĩ. Marĩ ñaꞌarõ weeꞌque wapare wapayegʉ tojo weecʉ niwĩ. Aꞌte quetire “Tojo waꞌarosaꞌa” nícatero ejacã, werebajurẽnoꞌcaro niwʉ̃.

Hebreos 1:9

Mʉꞌʉ queoro weesere maꞌiꞌi. Ãpẽrã ñaꞌarõ weese peꞌere yabiꞌi. Tojo weegʉ yʉꞌʉ Õꞌacʉ̃ mʉꞌʉrẽ besegʉ, wiogʉ sõrõgʉ̃, ʉꞌse meꞌrã waꞌrewʉ. Mʉꞌʉ meꞌrãcjãrã buꞌi tojacã weewʉ. Masã mʉꞌʉrẽ “Añuyʉꞌrʉagʉ nimi”, nima.

Hebreos 10:5

Tojo weegʉ Jesucristo aꞌti nucũcãpʉre aꞌtigʉ, Õꞌacʉ̃rẽ aꞌtiro nicʉ niwĩ: Mʉꞌʉ masã ñaꞌarõ weeꞌquere acobojosĩꞌrĩgʉ̃, waꞌicʉrãrẽ wẽjẽ ʉ̃jʉ̃amorõpeosere ʉaweꞌe. Tojo nicã narẽ acobojosĩꞌrĩgʉ̃, apeyenojõ oꞌocã ʉaweꞌe. Aꞌtiro wéégʉ, mʉꞌʉ niꞌcã upʉ yʉꞌʉre oꞌocʉ niwʉ̃. Masã ñaꞌarõ weeꞌquere wẽrĩbosadutigʉ tojo weecʉ niwʉ̃.

Hebreos 11:5

Enoc wãmetigʉ quẽꞌrã Õꞌacʉ̃rẽ ẽjõpeogʉ nicʉ niwĩ. Cʉ̃ wẽrĩtimicã, Õꞌacʉ̃ cʉ̃rẽ cʉ̃ tiropʉ miacʉ niwĩ. Ãpẽrã cʉ̃rẽ aꞌmacãrã nimiwã. Ne bocaticãrã niwã. Õꞌacʉ̃ ye queti ojáca pũrĩpʉ aꞌtiro ojanoꞌcaro niwʉ̃: “Õꞌacʉ̃ Enorẽ eꞌcatise meꞌrã ĩꞌacʉ niwĩ. Tojo weegʉ cʉ̃rẽ miacʉ niwĩ”, niwʉ̃.

Hebreos 12:2

Jesure wãcũnʉrʉ̃rõʉaꞌa. Cʉ̃́ta marĩrẽ ne waro ẽjõpeocã weewĩ. Cʉ̃ marĩrẽ nemorõ ẽjõpeowãꞌcãcã weemi. Cʉ̃ curusa bopoyoropʉ piꞌeticʉ niwĩ. Cʉ̃ tojo bopoyoro wẽrĩsere bopoyoro marĩrõ wẽrĩcʉ niwĩ. Cʉ̃ piꞌetíca beꞌro ʉpʉtʉ eꞌcatiatjere wãcũgʉ̃, tojo weecʉ niwĩ. Masãmʉjã́áca beꞌro cʉ̃ Õꞌacʉ̃ dujiri cũmurõ diacjʉ̃ peꞌe ejanujãcʉ niwĩ.

Hebreos 2:7

Õꞌacʉ̃, yoaticã masãrẽ mʉꞌʉrẽ werecoꞌterã doca nicã weecʉ niwʉ̃. Tojo weemigʉ̃, narẽ beꞌropʉre wiorã sõrõcʉ niwʉ̃. Narẽ wiorã sõrõ, nipeꞌtirã narẽ “Añurã nima”, ni wãcũcã weecʉ niwʉ̃.

Hebreos 7:25

Tojo weegʉ Õꞌacʉ̃rẽ masĩsĩꞌrĩrãrẽ yʉꞌrʉwetidojacã weemi. Cʉ̃rẽ ẽjõpeorãrẽ tojo weemi. Cʉ̃ catinuꞌcũgʉ̃ marĩ ye niatjere Õꞌacʉ̃rẽ sẽrĩbosanuꞌcũmi.

Hebreos 8:3

Aꞌti diꞌtapʉma paꞌia wiorãrẽ waꞌicʉrãrẽ wẽjẽ ʉ̃jʉ̃amorõpeodutiro sõrõnoꞌcaro niwʉ̃. Tojo nicã apeyere oꞌodutirã sõrõnoꞌcãrã niwã. Tojo weegʉ Jesucristo quẽꞌrã Õꞌacʉ̃rẽ apeyenojõ oꞌocã, añutʉꞌsaꞌa nígʉ̃ wẽrĩgʉ̃, cʉ̃rẽ apeyenojõ oꞌogʉ weronojõ weecʉ niwĩ.

1 Pedro 1:21

Jesucristo wẽrĩse meꞌrã Õꞌacʉ̃rẽ ẽjõpeonoꞌo. Cʉ̃ Jesucristore wẽrĩꞌcʉpʉre masõcʉ niwĩ. Masõ, ʉꞌmʉsepʉ cʉ̃rẽ miimʉjãcʉ niwĩ. Topʉ cʉ̃rẽ wiogʉ sõrõcʉ niwĩ. Marĩrẽ ẽjõpeodutigʉ tojo weecʉ niwĩ. Tojo nicã marĩ ʉꞌmʉsepʉ waꞌatjere eꞌcatise meꞌrã yucuedutigʉ tojo weecʉ niwĩ.

1 João 2:2

Jesucristo wẽrĩse meꞌrã marĩ ñaꞌarõ weeꞌquere acobojose bocacãrã niwʉ̃. Marĩ diaꞌcʉ̃ acobojose bocamasĩtisaꞌa. Nipeꞌtirã aꞌti turicjãrã acobojose bocamasĩsama.

Apocalipse 19:12

Cʉ̃ caperi pecameꞌe ʉ̃jʉ̃rĩ põꞌrã weronojõ asiwʉ. Cʉ̃ dʉpoapʉre peje wiorã pesase beꞌtorire pesawĩ. Cʉ̃rẽ ojaõꞌonoꞌca wãmerẽ cʉ̃ seꞌsaro masĩwĩ.

Apocalipse 5:9

Na Õꞌacʉ̃ macʉ̃ oveja wĩꞌmagʉ̃ weronojõ bajugʉre apeye maꞌma basasere basapeowã. Aꞌtiro niwã: Mʉꞌʉ añugʉ̃ niꞌi. Mʉꞌʉ aꞌti tũrũrẽ miimasĩꞌi. Aꞌte piꞌrabiꞌaꞌquere pãamasĩꞌi. Aꞌtiro niꞌi. Mʉꞌʉ wẽjẽnoꞌcʉ niwʉ̃. Mʉꞌʉ wẽrĩse meꞌrã, mʉꞌʉ dí meꞌrã nipeꞌtirã masã Õꞌacʉ̃ yarã niato nígʉ̃ wapayecʉ niwʉ̃. Nipeꞌtise cururicjãrãrẽ, mejẽcã ucũrãrẽ, nipeꞌtiropʉ nirãrẽ Õꞌacʉ̃ yarã waꞌacã weecʉ niwʉ̃. Tojo weegʉ mʉꞌʉ aꞌti tũrũrẽ miimasĩꞌi.