Hebreos 2:6 - Õꞌacʉ̃ Yere Ucũrĩ Turi

⁶ Aꞌtiro peꞌe niꞌi. Õꞌacʉ̃ ye queti ojáca pũrĩpʉre niꞌcʉ̃ aꞌtiro ojacʉ niwĩ: Õꞌacʉ̃, ¿deꞌro weegʉ masãrẽ wãcũmiti mʉꞌʉ? Na boadijarãrẽ ¿deꞌro weeacjʉ tocãꞌrõ wãcũqueꞌtimiti mʉꞌʉ?

Tukano

⁶ A'tîro pe'e niî'. Õ'âkɨ̃hɨ yee kiti ohâka pũripɨre ni'kɨ́ a'tîro ohâkɨ niîwĩ: Õ'âkɨ̃hɨ, de'ró weégɨ masaré wãkûmiti mɨ'ɨ? Naâ boâ diharãre de'ró weeákɨhɨ toô kã'ro wãkû ke'timiti mɨ'ɨ?

Hebreos 2:6 Iomraidhean Croise

Génesis 50:24

Beꞌro José cʉ̃ maꞌmisʉmʉarẽ nicʉ niwĩ: —Yʉꞌʉ wẽrĩatjo cãꞌrõ dʉꞌsaꞌa. Õꞌacʉ̃ mʉsãrẽ weetamugʉ̃ aꞌtigʉsami. Cʉ̃ Abrahãrẽ, Isaare, Jacore “Canaá diꞌtare oꞌogʉti” níꞌcaronojõta weegʉsami. Aꞌti diꞌtapʉ níꞌcãrãrẽ topʉ miagʉ̃sami.

San Lucas 1:68

Marĩ wiogʉ Õꞌacʉ̃ Israe curuacjãrã wiogʉre añurõ ucũrã. Marĩ tiro, cʉ̃ yarã tiropʉ aꞌtimi. Marĩrẽ weetamugʉ̃, añurõ yʉꞌrʉcã weegʉsami.

San Lucas 1:78

Õꞌacʉ̃ marĩ wiogʉ marĩrẽ maꞌi pajañaꞌtjĩagʉ̃, cʉ̃ macʉ̃ marĩrẽ yʉꞌrʉoacjʉre oꞌógʉsami.

San Lucas 7:16

Aꞌtere ĩꞌarã, nipeꞌtirã masã ʉcʉacãrã niwã. Tojo weerã Õꞌacʉ̃rẽ eꞌcatipeorã, aꞌtiro nicãrã niwã: —Niꞌcʉ̃ Õꞌacʉ̃ ye queti weremʉꞌtãrĩ masʉ̃ tutuayʉꞌrʉgʉ marĩ waꞌteropʉre bajuami, nicãrã niwã. Apeye quẽꞌrãrẽ ninemocãrã niwã: —Õꞌacʉ̃ cʉ̃ yarãrẽ weetamugʉ̃ aꞌtigʉ weeapĩ, nicãrã niwã.

1 Tesalonicenses 4:6

Ne apĩ nʉmorẽ aꞌmetãrãticãꞌña. Mʉsã apĩ nʉmorẽ aꞌmetãrãrã, co marãpʉre ñaꞌarõ weerã weesaꞌa. Õꞌacʉ̃ aꞌte ñaꞌase weerãrẽ buꞌiri daꞌregʉsami. Todʉporopʉ mʉsãrẽ weretojawʉ aꞌte nʉcʉ̃ĩꞌase quetire.

Hebreos 4:4

Aperopʉ Õꞌacʉ̃ ye queti ojáca pũrĩpʉ cʉ̃ aꞌti turire weetʉoca nʉmʉ beꞌro cja nʉmʉrẽ aꞌtiro ojanoꞌcaro niwʉ̃: Ti nʉmʉ nicã, nipeꞌtise cʉ̃ wééca beꞌro saurure soocʉ niwĩ Õꞌacʉ̃.

Hebreos 5:6

Aperopʉ quẽꞌrãrẽ Õꞌacʉ̃ ye queti ojáca pũrĩpʉ cʉ̃ macʉ̃rẽ aꞌtiro nicʉ niwĩ: Mʉꞌʉ paꞌi ninuꞌcũgʉ̃saꞌa. Melquisedec níꞌcaronojõta nigʉ̃saꞌa, nicʉ niwĩ.

1 Pedro 1:11

Espíritu Santu weetamuse meꞌrã aꞌtiro wereyucãrã niwã: “Masãrẽ yʉꞌrʉoacjʉ pũrõ piꞌeti wẽrĩgʉ̃sami. Wẽrĩꞌcʉpʉ nimigʉ̃, masãgʉ̃sami. Cʉ̃ masã́ca beꞌro ʉꞌmʉsepʉ mʉjãa, cʉ̃ pacʉ tiro wiogʉ dujiri cũmurõ diacjʉ̃ peꞌe dujigʉsami.” Espíritu Santu tojo nisere tʉꞌorã, Õꞌacʉ̃ ye queti weremʉꞌtãrĩ masã “¿Deꞌro nicã, noarẽ tojo waꞌarosari?” nírã, pũrõ masĩsĩꞌrĩcãrã niwã.