Hebreos 2:4 - Õꞌacʉ̃ Yere Ucũrĩ Turi

⁴ Apeye quẽꞌrãrẽ Õꞌacʉ̃ aꞌtiro weecʉ niwĩ. Cʉ̃ aꞌte quetire “Diacjʉ̃ta niꞌi” nígʉ̃, peje weeĩꞌosere ĩꞌamarĩase meꞌrã ĩꞌocʉ niwĩ. Tojo nicã Espíritu Santu meꞌrã marĩrẽ aꞌtiro weecʉ niwĩ. Cʉ̃ ʉaronojõ peje mejẽcãrĩ diaꞌcʉ̃ weemasĩsere oꞌocʉ niwĩ.

Tukano

⁴ Apêye kẽ'rare Õ'âkɨ̃hɨ a'tîro weékɨ niîwĩ. Kɨ̃ɨ̂ a'te kitíre diakɨ̃hɨ́ta niî' niîgɨ, pehé weé ĩ'yosere ĩ'yâ mariase me'ra ĩ'yókɨ niîwĩ. Tohô niikã́ Espírito Santo me'ra marîre a'tîro weékɨ niîwĩ. Kɨ̃ɨ̂ ɨaró noho pehé mehêkãri di'akɨ̃ wee masísere o'ôkɨ niîwĩ.

Hebreos 2:4 Iomraidhean Croise

Marcos 16:20

Tojo waꞌáca beꞌro cʉ̃ buꞌerã nipeꞌtiropʉ cʉ̃ yʉꞌrʉose quetire weresterã waꞌacãrã niwã. Na werecã, Jesú cʉ̃ basuta narẽ weetamucʉ niwĩ. Na weresere diacjʉ̃ta niꞌi nígʉ̃, añuse na weeĩꞌomʉjãcã weecʉ niwĩ.

Marcos 6:14

Nipeꞌtiropʉ Jesú weesere tʉꞌoseꞌsa waꞌacãrã niwã. Herode ti diꞌta wiogʉ quẽꞌrã tʉꞌocʉ niwĩ. Tere tʉꞌogʉ, aꞌtiro nicʉ niwĩ: —Juã masãrẽ wãmeyeri masʉ̃ wẽjẽnoꞌcʉpʉ nimigʉ̃, masãgʉ̃ masãpĩ. Tojo weetigʉ mejẽta cʉ̃ peje waro weeĩꞌotutuayʉꞌrʉami, nicʉ niwĩ.

San Juan 15:26

»Espíritu Santu diacjʉ̃ ucũgʉ̃, mʉsãrẽ weetamugʉ̃ aꞌtigʉsami. Ʉ̃sã yʉꞌʉ pacʉ meꞌrã cʉ̃rẽ oꞌórãsaꞌa. Cʉ̃ aꞌtigʉ, queoro yé cjasere mʉsãrẽ weregʉsami.

San Juan 4:48

Jesú cʉ̃rẽ niwĩ: —Mʉsã yʉꞌʉ weeĩꞌoticãma, ẽjõpeoweꞌe.

Hechos 14:3

Tojo weecã ĩꞌarã, Pablo quẽꞌrã narẽ werenemorãtirã Iconiopʉre yoacã tojacãrã niwã. Na ti macãpʉ nírã, “Jesú nipeꞌtirã masãrẽ maꞌígʉ̃ añurõ weemi” nisere ʉpʉtʉ wãcũtutuaro meꞌrã werecãrã niwã. Na aꞌtere werecã ĩꞌagʉ̃, Õꞌacʉ̃ diacjʉ̃ta werema yé cjasere nígʉ̃, cʉ̃ tutuaro meꞌrã masãrẽ weeĩꞌocã weecʉ niwĩ.

Hechos 4:10

Yʉꞌʉ mʉsãrẽ nipeꞌtirãrẽ tere weregʉti. Jesucristo Nazarecjʉ̃ tutuaro meꞌrã ãꞌrĩ sijamasĩtimiꞌcʉ sijami. Mʉsã cʉ̃rẽ Jesure curusapʉ paabiꞌpewʉ. Cʉ̃ pacʉ pũrĩcã cʉ̃ wẽrĩꞌcʉpʉre masõcʉ niwĩ. Cʉ̃ tutuaro meꞌrã ãꞌrĩ sijamasĩtigʉ níꞌcʉ sijami.

Hechos 5:32

Ʉ̃sã Õꞌacʉ̃ tojo weeꞌquere werecusiari masã niꞌi. Ʉ̃sã Espíritu Santure cʉoyurã, cʉ̃ meꞌrã Õꞌacʉ̃ tutuasere weeĩꞌoapʉ masãrẽ. Nipeꞌtirã Õꞌacʉ̃ dutiro weerãrẽ Espíritu Santure oꞌógʉsami, ni werecãrã niwã Pedro quẽꞌrã.

Efesios 1:5

Dʉporopʉ cʉ̃ marĩrẽ maꞌígʉ̃, cʉ̃ põꞌrã waꞌarãsama, nitojacʉ niwĩ. Jesucristore ẽjõpeoato nígʉ̃ marĩrẽ tojo weecʉ niwĩ. Tere wéégʉ, cʉ̃ weesĩꞌrĩꞌcaronojõta weecʉ niwĩ.

Efesios 1:9

Marĩrẽ cʉ̃ weesĩꞌrĩꞌque, todʉporo masĩnoꞌña marĩꞌquere masĩcã weecʉ niwĩ. Cʉ̃ Jesucristo wẽrĩse meꞌrã cʉ̃ yarãrẽ “Añurõ weetuꞌajanʉꞌcõgʉ̃ti” níꞌquere masĩcã weecʉ niwĩ.

Efesios 4:7

Tojo nimicã, Cristo marĩrẽ, marĩnʉcʉ̃rẽ Espíritu Santu meꞌrã weemasĩsere oꞌocʉ niwĩ.

Hebreos 6:4

Mʉsã apetero weerã Jesucristo quetire ẽjõpeomirã, ẽjõpeoduꞌubosaꞌa. Õꞌacʉ̃ masãrẽ catinuꞌcũsere oꞌocʉ niwĩ. Cʉ̃ oꞌomicã, na ẽjõpeoduꞌubosama. Tojo ẽjõpeoduꞌurãnojõrẽ aꞌtiro niꞌi. Na wãcũsere apaturi ne dʉcayumasĩtisama. Tojo nicã Espíritu Santure cʉorãnojõ, noꞌo Õꞌacʉ̃ ye queti añuse quetire masĩrãnojõ tere ẽjõpeoduꞌurã, ne apaturi na wãcũsere dʉcayumasĩtisama. Õꞌacʉ̃ tutuase oꞌosere masĩmirã Jesucristore ẽjõpeoduꞌurã, ne apaturi acobojose sẽrĩmasĩtisama. Cʉ̃rẽ ẽjõpeoduꞌurã, na basu Õꞌacʉ̃ macʉ̃rẽ apaturi curusapʉ paabiꞌperã weronojõ weerã weema. Nipeꞌtirã ĩꞌorõpʉ cʉ̃rẽ yabi bujicãꞌrã weema.