Hebreos 1:9 - Õꞌacʉ̃ Yere Ucũrĩ Turi

⁹ Mʉꞌʉ queoro weesere maꞌiꞌi. Ãpẽrã ñaꞌarõ weese peꞌere yabiꞌi. Tojo weegʉ yʉꞌʉ Õꞌacʉ̃ mʉꞌʉrẽ besegʉ, wiogʉ sõrõgʉ̃, ʉꞌse meꞌrã waꞌrewʉ. Mʉꞌʉ meꞌrãcjãrã buꞌi tojacã weewʉ. Masã mʉꞌʉrẽ “Añuyʉꞌrʉagʉ nimi”, nima.

Tukano

⁹ Mɨ'ɨ̂ keoró weesére ma'í'. Ãpêrã yã'âro weesé pe'ere yabî'. Tohô weégɨ yɨ'ɨ̂ Õ'âkɨ̃hɨ mɨ'ɨ̂re beségɨ, wiôgɨ sõróogɨ, ɨ'sê me'ra wa'rêwɨ. Mɨ'ɨ̂ me'rakãharã bu'i tohakã́ weewɨ́. Masá mɨ'ɨ̂re “Ãyú yɨ'rɨagɨ niîmi”, niîma.

Hebreos 1:9 Iomraidhean Croise

San Lucas 4:18

Espíritu Santu yʉꞌʉpʉre nimi. Cʉ̃ añuse quetire pajasecʉorãrẽ yʉꞌʉre weredutigʉ cũuwĩ. Bʉjawetirãrẽ wãcũtutuacã weedutigʉ oꞌówĩ. Ãpẽrã dutise doca niwãꞌñarãrẽ yʉꞌrʉweticã weedutigʉ oꞌówĩ. Caperi ĩꞌatirãrẽ ĩꞌacã weedutigʉ oꞌówĩ. Ãpẽrãrẽ dutipe, ñaꞌarõ weepenoꞌrãrẽ wijataꞌadutigʉ oꞌówĩ.

San Juan 1:41

Cʉ̃, cʉ̃ maꞌmi Simórẽ maata aꞌmagʉ̃ waꞌawĩ. Cʉ̃rẽ nicʉ niwĩ: —Mesías masãrẽ yʉꞌrʉoacjʉ, Õꞌacʉ̃ oꞌógʉti níꞌcʉre bocaejapʉ, nicʉ niwĩ. Mesías, Cristo Õꞌacʉ̃ beseꞌcʉ nisĩꞌrĩrõ weeꞌe.

San Juan 10:17

»Yʉꞌʉ pacʉ yʉꞌʉre maꞌimi. Yʉꞌʉ masãrẽ wẽrĩ yʉꞌrʉoatje wapa tojo weemi. Ne niꞌcʉ̃ yʉꞌʉre wẽrĩcã weemasĩtisami; yʉꞌʉ ʉaro meꞌrã wẽrĩgʉ̃ti. Yʉꞌʉ wẽrĩmasĩꞌi. Beꞌro masãmasĩꞌi tja. Yʉꞌʉ pacʉ yʉꞌʉre aꞌtirota weedutiwĩ, niwĩ Jesú.

San Juan 20:17

Jesú core nicʉ niwĩ: —Duꞌuya yʉꞌʉre. Yʉꞌʉ pacʉ tiropʉ mʉjãatiapʉ yujupʉ. Yʉꞌʉre ẽjõpeorãrẽ werego waꞌaya. “Aꞌtiro niami”, niña. “Cʉ̃, cʉ̃ pacʉ Õꞌacʉ̃ tiropʉ ‘Waꞌagʉ weeꞌe’, niami.” “ ‘Õꞌacʉ̃ yʉꞌʉ pacʉ, tojo nicã mʉsã pacʉ nimi.’ Apeye quẽꞌrãrẽ ‘Yʉꞌʉ wiogʉ nimi. Tojo nicã mʉsã wiogʉ nimi’, niami”, niña, nicʉ niwĩ.

San Juan 3:34

Õꞌacʉ̃ Jesucristore Espíritu Santure cʉoyʉꞌrʉmajãcã weecʉ niwĩ. Tojo weegʉ cʉ̃ pacʉ yere ucũmi.

Hechos 10:38

Jesú Nazarecjʉ̃rẽ waꞌaꞌquere mʉsã masĩsaꞌa. Cʉ̃ pacʉ Espíritu Santu meꞌrã cʉ̃rẽ tutuasere oꞌocʉ niwĩ. Cʉ̃ meꞌrã ninuꞌcũcãꞌcʉ niwĩ. Tojo weegʉ noꞌo cʉ̃ waꞌaro masã meꞌrã añurõ weewĩ. Ãpẽrã wãtĩ dutiro weenuꞌcũrãrẽ wãtĩarẽ cõꞌawĩrõmʉjãwĩ.

Hechos 4:26

Aꞌti diꞌtacjãrã wiorã aꞌmerĩ nerẽrãsama Õꞌacʉ̃rẽ yʉꞌrʉnʉꞌcã, cʉ̃rẽ ñaꞌarõ weesĩꞌrĩrã. Cʉ̃ beseꞌcʉ quẽꞌrãrẽ tojota ñaꞌarõ weesĩꞌrĩrãsama. Mʉꞌʉ tojo ni wereduticʉ niwʉ̃ ʉ̃sã ñecʉ̃ Davire.

Hechos 4:27

»Cʉ̃ tojo ni ojaꞌcaronojõta queoro waꞌawʉ. Aꞌti macãpʉre mʉꞌʉ macʉ̃ Jesú, mʉꞌʉ beseꞌcʉre wẽjẽrãtirã Herode, Poncio Pilato, ãpẽrã judío masã nitirã, judío masã meꞌrã aꞌmerĩ nerẽwã.

Romanos 12:9

Ãpẽrãrẽ maꞌitaꞌsaticãꞌña. Diacjʉ̃ maꞌiña. Ñaꞌasere yabiya. Ãpẽrãrẽ weetamuse añusenojõ peꞌere sirutuya.

Romanos 15:13

Õꞌacʉ̃ marĩrẽ cʉ̃ añurõ weeatjere eꞌcatiyusere oꞌogʉ nimi. Mʉsãrẽ cʉ̃rẽ ẽjõpeorãrẽ eꞌcatise, ejerisãjãse oꞌoato. Tojo weerã mʉsã Espíritu Santu weetamurõ meꞌrã ʉpʉtʉ eꞌcatiyurãsaꞌa.

1 Corintios 1:9

Õꞌacʉ̃ cʉ̃ níꞌquere queoro weemi. Cʉ̃́ta mʉsãrẽ besecʉ niwĩ. Cʉ̃ macʉ̃ Jesucristo marĩ wiogʉ meꞌrã añurõ nidutigʉ besecʉ niwĩ.

2 Corintios 11:31

Õꞌacʉ̃, marĩ wiogʉ Jesucristo pacʉ yʉꞌʉ ucũsere “Diacjʉ̃ta niꞌi”, nímasĩsami. Cʉ̃rẽta “Añugʉ̃ nimi”, ninuꞌcũrõʉaꞌa.

Gálatas 5:22

Espíritu Santu peꞌe marĩrẽ sʉꞌori aꞌtiro weeseticã weesami. Ãpẽrãrẽ maꞌisaꞌa. Eꞌcatise cʉosaꞌa. Marĩ ya ejeripõꞌrãpʉ añurõ tʉꞌoñaꞌsaꞌa. Marĩrẽ ñaꞌarõ weecã, uatisaꞌa. Ãpẽrãrẽ pajañaꞌsaꞌa. Narẽ añurõ weesaꞌa. Queoro, diacjʉ̃ weemeꞌrĩcãꞌsaꞌa.

Efesios 1:3

Õꞌacʉ̃, marĩ wiogʉ Jesucristo pacʉre eꞌcatise oꞌorã. Cristo yarã niyucã, Õꞌacʉ̃ marĩrẽ añurõ weecʉ niwĩ. Marĩrẽ maꞌígʉ̃, nipeꞌtise ʉꞌmʉsepʉ ejeripõꞌrã cjase añusere oꞌocʉ niwĩ.

Filipenses 2:9

Cʉ̃, cʉ̃ pacʉre yʉꞌtise buꞌiri Õꞌacʉ̃ nipeꞌtirã buꞌipʉ sõrõcʉ niwĩ. Cʉ̃ wãmerẽ ãpẽrã wãme yʉꞌrʉoro añurõ wãcũdutigʉ, tojo weecʉ niwĩ.

Hebreos 2:11

Jesucristo marĩ ñaꞌarõ weeꞌquere cõꞌacʉ niwĩ. Marĩrẽ Õꞌacʉ̃ yarã tojacã weecʉ niwĩ. Marĩ Jesucristo meꞌrã niꞌcʉ̃ põꞌrã niꞌi. Tojo weegʉ Õꞌacʉ̃ macʉ̃ marĩrẽ “Yʉꞌʉ acawererã nima”, nímasĩmi. Marĩrẽ ne bopoyasãtimi.

Hebreos 2:9

Jesú pũrĩcãrẽ tojo ojaꞌcaronojõta waꞌacaro niwʉ̃. Õꞌacʉ̃ cʉ̃rẽ aꞌti nucũcãpʉre oꞌógʉ, cʉ̃rẽ werecoꞌterã docapʉ cũunicʉ niwĩ. Õꞌacʉ̃ marĩrẽ pajañaꞌgʉ̃, nipeꞌtirãrẽ wẽrĩbosadutigʉ tojo cũucʉ niwĩ. Niꞌcãrõacãrẽ cʉ̃ wẽrĩ piꞌetiꞌque wapa Õꞌacʉ̃ cʉ̃rẽ wiogʉ sõrõcʉ niwĩ. Nipeꞌtirã cʉ̃rẽ “Añuyʉꞌrʉgʉ nimi” nidutigʉ tojo weecʉ niwĩ.

Hebreos 7:26

Tojo weegʉ Jesú paꞌia wiogʉ waro nimi. Cʉ̃nojõrẽta marĩ ʉaꞌa. Cʉ̃ ñaꞌase moogʉ̃, añubutiagʉ, ñaꞌarõ weetigʉ nimi. Marĩ ñaꞌarõ weerã́ weronojõ nitimi. Õꞌacʉ̃ cʉ̃rẽ nipeꞌtirã buꞌipʉ cũucʉ niwĩ.

1 Pedro 1:3

Õꞌacʉ̃, marĩ wiogʉ Jesucristo pacʉre eꞌcatise oꞌorã. Cʉ̃ marĩrẽ pajañaꞌgʉ̃, cʉ̃ põꞌrã sãjãcã weecʉ niwĩ. Cʉ̃ macʉ̃ Jesucristo wẽrĩꞌcʉpʉre masõꞌque meꞌrã marĩ todʉporo ñaꞌarõ nisetiꞌquere acobojocʉ niwĩ. Tere wéégʉ, marĩrẽ apaturi bajuaapoꞌcãrãrẽ weronojõ weecʉ niwĩ. Õꞌacʉ̃ cʉ̃ põꞌrãrẽ “Añubutiasere oꞌogʉti”, nicʉ niwĩ. Cʉ̃ oꞌoatjere marĩ eꞌcatise meꞌrã yucuerã weeꞌe. Tere ʉꞌmʉsepʉ cʉoyutojasami. Cʉ̃ oꞌoatje aꞌti nucũcã cjase weronojõ peꞌti, boasome. Ninuꞌcũcãꞌrõsaꞌa.

1 João 1:3

Ʉ̃sã marĩ pacʉ Õꞌacʉ̃ meꞌrã, tojo nicã cʉ̃ macʉ̃ Jesucristo meꞌrã añurõ nicãꞌa. Mʉsã quẽꞌrãrẽ tojota ʉasãsaꞌa. Tojo weerã ʉ̃sã ĩꞌaꞌquere, tʉꞌoꞌquere mʉsãrẽ wereꞌe.

Apocalipse 2:15

Apeye quẽꞌrãrẽ niꞌcãrẽrã yʉꞌʉ yabisere aꞌtiro weema. Nicolaíta wãmetiri curuacjãrã buꞌesere sirutuma. Ne duꞌusĩꞌrĩtima.