Génesis 9:2 - Õꞌacʉ̃ Yere Ucũrĩ Turi

² Niꞌcãrõacã meꞌrã nipeꞌtirã waꞌicʉrã aꞌti nucũcãcjãrã mʉsãrẽ uirãsama. Ʉꞌmʉarõpʉ wʉʉrã, diꞌtapʉ sĩꞌcõsijarã, bʉarã, dia pajiri maapʉ nirã́ nipeꞌtirã uirãsama. Mʉsã na wiorã nirãsaꞌa.

Génesis 9:2 Iomraidhean Croise

Génesis 1:21

Cʉ̃ níꞌcaronojõta waꞌacaro niwʉ̃. Pacarã dia pajiri maapʉ nirã́, tojo nicã waꞌi, ãpẽrã nipeꞌtirã diapʉ nirãnojõrẽ, nipeꞌtirã waꞌicʉrã wʉʉrãrẽ bajurẽcʉ niwĩ. Tuꞌajatojanʉꞌcõ, “Añuꞌu”, ni ĩꞌacʉ niwĩ.

Génesis 1:26

Cʉ̃ nipeꞌtise wééca beꞌro aꞌtiro nicʉ niwĩ: “Niꞌcʉ̃ masʉ̃ marĩ weronojõ niseti, bajugʉre daꞌrerã. Tʉꞌomasĩse cʉogʉ nigʉ̃sami. Cʉ̃ waꞌi, mirĩcʉ̃a, waꞌicʉrã ecarã, nʉcʉ̃cjãrã, bʉarã, nucũcãpʉ sĩꞌcõsijarã, nipeꞌtirã aꞌti nucũcãpʉ nirã́ buꞌipʉ dutigʉ nigʉ̃sami”, nicʉ niwĩ.

Génesis 1:28

Narẽ aꞌtiro nicʉ niwĩ: “Mʉsãrẽ añurõ waꞌato. Pãjãrã põꞌrãti masãputiya. Nipeꞌtiropʉre tuuseꞌsanʉꞌcãña. Mʉsã aꞌti diꞌta wiorã nirãsaꞌa. Waꞌire, mirĩcʉ̃arẽ, nipeꞌtirã waꞌicʉrãrẽ dutirãsaꞌa.”

Génesis 2:19

Õꞌacʉ̃ ne waropʉre waꞌicʉrãrẽ, mirĩcʉ̃arẽ diꞌta meꞌrã daꞌrecʉ niwĩ. Beꞌro narẽ wãme õꞌoato nígʉ̃, masʉ̃ tiropʉ miacʉ niwĩ. Õꞌacʉ̃ cʉ̃ dutiꞌcaronojõta weecʉ niwĩ. Nipeꞌtirã ecarã, mirĩcʉ̃a, waꞌicʉrã nʉcʉ̃cjãrãrẽ wãme õꞌocʉ niwĩ. Tojo weerã cʉ̃ õꞌoꞌque wãme meꞌrã tojacãrã niwã. Ãꞌrã pãjãrã nimicã, ne niꞌcõ cʉ̃rẽ baꞌpati weetamuacjo marĩco niwõ.

Génesis 35:5

Na topʉ níꞌcãrã wijawãꞌcãrĩ cura Õꞌacʉ̃ to pʉꞌtopʉ nise macãrĩcjãrãrẽ ʉpʉtʉ uicã weecʉ niwĩ. Tojo weerã Jacob põꞌrãrẽ sirututicãrã niwã.

Génesis 9:1

Õꞌacʉ̃ Noerẽ́, cʉ̃ põꞌrãrẽ “Añurõ waꞌato” nígʉ̃, aꞌtiro nicʉ niwĩ: “Pãjãrã põꞌrãti masãputiya. Nipeꞌtiropʉre tuuseꞌsanʉꞌcãña.

Génesis 9:3

Todʉporo mʉsã otese, yucʉdʉca noꞌo nisenojõrẽ baꞌadutiꞌcaronojõta na quẽꞌrãrẽ mʉsã baꞌarãsaꞌa.

Santiago 3:7

Masã nipeꞌtirã waꞌicʉrãrẽ, mirĩcʉ̃arẽ, pĩrõarẽ, diacjãrãrẽ ĩꞌanʉrʉ̃, dutimasĩsama. Tojo weerã narẽ ne waropʉreta dutidʉꞌpocã́titojacãrã niwã.