Génesis 44:8 - Õꞌacʉ̃ Yere Ucũrĩ Turi

⁸ Ʉ̃sã sõꞌonícatero niyeru ʉ̃sã ye ajuripʉ bocácatero marĩcãrẽ, tere wiarã aꞌtiwʉ. Niꞌcãrõacãma plata, uru meꞌrã weeꞌquema mʉꞌʉ wiogʉ ya wiꞌi cjasere yajamasĩtisaꞌa.

Génesis 44:8 Iomraidhean Croise

Génesis 42:21

Beꞌro na basu aꞌmerĩ ucũcãrã niwã: —Diacjʉ̃ta niꞌi. Marĩ acabijire ñaꞌabutiaro weeꞌque wapa marĩrẽ tojo waꞌaꞌa. Cʉ̃ “Yʉꞌʉre pajañaꞌcureya; tojo weeticãꞌña” nimicã, tʉꞌotiwʉ. Cʉ̃ ñaꞌabutiaro yʉꞌrʉmicã, tojo ĩꞌacãꞌwʉ̃. Te buꞌiri marĩ niꞌcãrõacãrẽ piꞌetirã weeꞌe, nicãrã niwã.

Génesis 42:27

Beꞌro na cãrĩatjopʉ etarã, niꞌcʉ̃ cʉ̃ yagʉ burrore trigo ecagʉtigʉ, cʉ̃ ya ajurore pãacʉ niwĩ. Ti ajurore pãa, trigo buꞌipʉ nipeꞌtise niyeru cʉ̃ wapayeꞌquere sãñacã ĩꞌacʉ niwĩ.

Génesis 42:35

Na ye trigo ajurire poꞌocũurã, José maꞌmisʉmʉa na wapayeꞌque niyeru sãñapeꞌticã ĩꞌacãrã niwã. Te niyerure ĩꞌarã, ʉcʉayʉꞌrʉa waꞌacãrã niwã. Na pacʉ Jacob quẽꞌrã ʉcʉacʉ niwĩ.

Génesis 43:12

Niyeru quẽꞌrãrẽ pʉati mʉsã todʉporopʉ miaꞌcaro nemorõ miaña. Mʉsã basuta cʉ̃rẽ mʉsã ye ajuripʉ bocaꞌquere wiaya. Apetero weegʉ wisigʉ weepĩ.

Génesis 43:18

Na peꞌe José ya wiꞌipʉ cʉ̃ miacã, ʉcʉayʉꞌrʉacãrã niwã. Aꞌmerĩ aꞌtiro ucũcãrã niwã: —Marĩrẽ tojo weetaꞌsagʉ weemi. Sõꞌoníꞌque niyeru marĩ ye ajuripʉ sãñaꞌque wapa nitʉꞌsaꞌa. Marĩrẽ topʉ marĩ yarã waꞌicʉrã meꞌrã ñeꞌe, daꞌracoꞌteri masã sõrõ, dutipegʉtigʉ weesami, nicãrã niwã.

Génesis 44:7

Na cʉ̃rẽ yʉꞌticãrã niwã: —¿Deꞌro weegʉ ʉ̃sãrẽ tojo ucũti? Ʉ̃sã aꞌtenojõ pacama ne weemasĩweꞌe.

Éxodo 20:15

”Yajaticãꞌña.

Mateus 19:18

Maꞌmʉ yʉꞌtiwĩ: —¿Disenojõrẽ weegʉsari? Jesú cʉ̃rẽ niwĩ: —Masãrẽ wẽjẽcõꞌaticãꞌña. Apĩ nʉmorẽ aꞌmetãrãticãꞌña. Yajaticãꞌña. Ãpẽrã ye cjasere nisooticãꞌña.

Romanos 13:9

Õꞌacʉ̃ aꞌtere dutise cũucʉ niwĩ. “Mʉsã nʉmosãnumia nitirãrẽ, marãpʉsʉmʉa nitirãrẽ aꞌmetãrãticãꞌña. Ãpẽrãrẽ wẽjẽcõꞌaticãꞌña. Yajaticãꞌña. Ãpẽrã yere ʉoticãꞌña” ni, dutise cũucʉ niwĩ. Aꞌte, tojo nicã nipeꞌtise apeye dutise cũuꞌquere niꞌcãrõpʉta neonʉꞌcõmasĩꞌi. Aꞌtiro niꞌi. Mʉsã, mʉsã basu maꞌirõnojõta mʉsã tiropʉ nirãrẽ maꞌiña, niꞌi.