Génesis 43:26 - Õꞌacʉ̃ Yere Ucũrĩ Turi

²⁶ José wiꞌipʉ ejacã, na miaꞌquere cʉ̃rẽ oꞌocãrã niwã. Tuꞌajanʉꞌcõ, cʉ̃rẽ ẽjõpeorã, paamuꞌrĩqueꞌacãrã niwã.

Génesis 43:26 Iomraidhean Croise

Génesis 27:29

Pãjãrã masã mʉꞌʉ dutise doca niato. Peje diꞌtacjãrã mʉꞌʉ dʉporo ejaqueꞌa, mʉꞌʉrẽ ẽjõpeoato. Mʉꞌʉ niꞌcʉ̃ põꞌrãpʉreta dutigʉsaꞌa. Mʉꞌʉ paco põꞌrã ʉmʉa mʉꞌʉrẽ ẽjõpeorã paamuꞌrĩqueꞌato. Mʉꞌʉrẽ ‘Ñaꞌarõ waꞌato’ nirã́ nemorõ ‘Ñaꞌabutiaro waꞌato’, ninoꞌrãsama. Mʉꞌʉrẽ ‘Añurõ waꞌato’ nirã́ peꞌe ‘Añurõta waꞌato’ ninoꞌrãsama”, nicʉ niwĩ Isaa.

Génesis 33:3

Beꞌro Jacob na dʉporoacã ʉꞌmʉtãwãꞌcãcʉ niwĩ. Esaúre põtẽrĩgʉ̃ waꞌagʉ, sietetiri cʉ̃ diapoare nucũcãpʉ paamuꞌrĩqueꞌacʉ niwĩ. Téé cʉ̃ tiropʉ ejagʉ, tojo weeduꞌucʉ niwĩ.

Génesis 42:6

José Egipto diꞌtapʉre dutigʉ nicʉ niwĩ. Cʉ̃ta nipeꞌtirocjãrã masãrẽ topʉ etarãrẽ trigo duagʉ nicʉ niwĩ. Cʉ̃ maꞌmisʉmʉa cʉ̃ tiropʉ etarã, añudutirã ejanʉꞌcã, nucũcãpʉ paamuꞌrĩqueꞌacãrã niwã.

Génesis 43:11

Cʉ̃ tojo níca beꞌro na pacʉ Jacob narẽ yʉꞌticʉ niwĩ: —Mʉsã nírõnojõta ne mejẽcã weeta basiotirocoro. Tojo weerã aꞌtiro weeya. Mʉsã ye ajuripʉ apeyenojõ cʉ̃rẽ oꞌoatjere miisãaña. Aꞌti diꞌtapʉ añuse nisenojõrẽ cãꞌrõ miaña. Waꞌrese bálsamo wãmetise, nʉcʉ̃cjãrã mumia yere, ʉꞌmʉtise, baꞌase morẽsenojõrẽ miaña. Tojo nicã mirrare, nueces, almendras miaña.

Génesis 43:28

—Ʉ̃sã pacʉ mʉꞌʉrẽ daꞌracoꞌtegʉ weronojõ nigʉ̃́ duti marĩami. Catiami yujupʉ, ni yʉꞌticãrã niwã. Beꞌro apaturi cʉ̃rẽ ẽjõpeose ĩꞌorã, paamuꞌrĩqueꞌacãrã niwã.

Éxodo 18:7

Cʉ̃ etacã, Moisé suꞌti caseri meꞌrã wééca wiꞌi poꞌpeapʉ níꞌcʉ wijaa, cʉ̃ mañecʉ̃rẽ põtẽrĩgʉ̃ waꞌacʉ niwĩ. Cʉ̃rẽ añudutigʉ, paamuꞌrĩqueꞌa, miꞌmicʉ niwĩ. Aꞌmerĩ añudutíca beꞌro cʉ̃ ya wiꞌipʉ narẽ sʉꞌori pijisãjãacʉ niwĩ.

Romanos 14:11

Õꞌacʉ̃ ye queti ojáca pũrĩpʉ Õꞌacʉ̃ cʉ̃ níꞌquere aꞌtiro ojanoꞌwʉ̃: Yʉꞌʉ catigʉ niꞌi. Yʉꞌʉ ucũse diacjʉ̃ warota niꞌi. Nipeꞌtirã yʉꞌʉre ejaqueꞌarãsama. Nipeꞌtirãpʉta yʉꞌʉre “Mʉꞌʉ Õꞌacʉ̃ añugʉ̃, tutuagʉ niꞌi”, nirãsama, ni ojanoꞌwʉ̃.