Génesis 38:9 - Õꞌacʉ̃ Yere Ucũrĩ Turi

⁹ Onán peꞌe “Co meꞌrã yʉꞌʉ põꞌrãticã, yʉꞌʉ põꞌrã nitibosama” ni, masĩcʉ niwĩ. Tojo weegʉ nipeꞌtisetiri co meꞌrã nimigʉ̃, nijĩpacoyoticʉ niwĩ. Tere tojo weegʉ, cʉ̃ maꞌmi põꞌrã nituriarã waꞌacã ʉasãtigʉ, tojo weecʉ niwĩ.

Génesis 38:9 Iomraidhean Croise

Génesis 38:10

Õꞌacʉ̃ Onán cʉ̃ tojo weesere ĩꞌagʉ̃, tere tʉꞌsaticʉ niwĩ. Tojo weegʉ cʉ̃ quẽꞌrãrẽ wẽrĩcã weecʉ niwĩ.

Tito 3:3

Todʉporopʉre marĩ quẽꞌrã tʉꞌomasĩtirã, Õꞌacʉ̃rẽ yʉꞌrʉnʉꞌcãsepijarã niwʉ̃. Marĩ bajudutiꞌcãrã weronojõ niwʉ̃. Noꞌo ʉaro nipeꞌtisere ʉaripejawʉ. Ñaꞌarõ weenuꞌcũwʉ̃. Nipeꞌtirãrẽ ʉowʉ. Ãpẽrã marĩrẽ yabicã, marĩ quẽꞌrã narẽ yabiaꞌmewʉ̃.

Santiago 3:14

Mʉsã ãpẽrãrẽ doerã, narẽ ʉorã, na yʉꞌrʉoro nisĩꞌrĩsaꞌa nírã, tojo nimaꞌacãrã weeꞌe. Tojo weerã mejõ waro “Tʉꞌomasĩyʉꞌrʉnʉꞌcãꞌa”, nisaꞌa. Mʉsã tojo nise wapamarĩsaꞌa.

Santiago 3:16

Mʉsã ãpẽrãrẽ ʉorã, na yʉꞌrʉoro nisĩꞌrĩcã, cumuca wãꞌcãsaꞌa. Noꞌo ʉaro nipeꞌtise ñaꞌase waꞌasaꞌa.

Santiago 4:5

Õꞌacʉ̃ ye queti na ojáca pũrĩpʉ diacjʉ̃ta ojanoꞌcaro niwʉ̃. “Õꞌacʉ̃ marĩrẽ Espíritu Santure oꞌócʉ niwĩ. Tojo weegʉ ãpẽrã yʉꞌrʉoro cʉ̃rẽ marĩ maꞌicã ʉasami”, ni ojanoꞌcaro niwʉ̃.

Rut 1:11

Noemí peꞌe narẽ ninemoco niwõ tja: —Yʉꞌʉ põꞌrã nʉmosãnumia níꞌcãrã, mʉsã ye wiꞌseripʉ tojaarãsaꞌa. ¿Deꞌro weeajã yʉꞌʉ meꞌrã waꞌasĩꞌrĩti? Yʉꞌʉ mʉsãrẽ nʉorẽdutigo, põꞌrãtinemosome.

Rut 4:10

Tojo nicã Rut moabita masõ, Mahlón mijĩ nʉmo níꞌco quẽꞌrãrẽ nʉmotigʉti. Tojo weecã, co marãpʉ wẽrĩꞌcʉ mijĩ wãme ninuꞌcũcãꞌrõsaꞌa. Cʉ̃ wãmerẽ cʉ̃ acawererã waꞌteropʉre, tojo nicã ti macãpʉre ne acobojosome. Niꞌcãcã mʉsã ʉ̃sã tojo weeꞌquere ĩꞌapʉ. Beꞌropʉre “Tojota queoro weewã”, nímasĩrãsaꞌa, nicʉ niwĩ.