Génesis 37:28 - Õꞌacʉ̃ Yere Ucũrĩ Turi

²⁸ Tojo weerã ismaelita masã apeyenojõ duari masã na tiropʉ yʉꞌrʉacã, José maꞌmisʉmʉa ti pepʉ sãñaꞌcʉre miiwĩrõ, narẽ duacãrã niwã. Cʉ̃rẽ veinte niyeru cujiri wapayecãrã niwã. Tojo weerã Joseré Egiptopʉ miacãrã niwã.

Génesis 37:28 Iomraidhean Croise

Génesis 25:2

Co meꞌrã aꞌtiro wãmetirãrẽ põꞌrãticʉ niwĩ. Zimram, Jocsán, Medán, Madiã́, Isbac, Súa nicãrã niwã.

Génesis 37:25

Tuꞌajanʉꞌcõ, baꞌarãtirã ejanujãcãrã niwã. Na tojo weeri cura ismaelita masã duari masã pãjãrã aꞌticã ĩꞌacãrã niwã. Na Galaad wãmetiro meꞌrã, Egiptopʉ miarã, na yarã waꞌicʉrã cameyoa buꞌipʉ, ʉꞌmʉtise pejere, tojo nicã waꞌrese bálsamo wãmetisere, mirra wãmetisere miacãrã niwã.

Génesis 37:36

Ismaelita masã Egiptopʉre etarã, Joseré Potifar wãmetigʉre duaturiacãrã niwã. Cʉ̃ Egiptocjãrã wiogʉ faraṍrẽ daꞌratamugʉ̃ nicʉ niwĩ. Tojo nicã faraṍrẽ coꞌterã surara wiogʉ nicʉ niwĩ.

Génesis 39:1

José Egiptopʉ mianoꞌcʉ niwĩ. Cʉ̃rẽ topʉ miáca beꞌro cʉ̃rẽ miaꞌcãrã ismaelita masã Potifar wãmetigʉre duaturiacãrã niwã. Cʉ̃ Egiptocjʉ̃ wiogʉ faraṍrẽ daꞌratamugʉ̃, tojo nicã cʉ̃rẽ coꞌterã surara wiogʉ nicʉ niwĩ.

Génesis 40:15

Yʉꞌʉre hebreo masã ya diꞌtapʉ tutuaro meꞌrã ñeꞌe, miitiwã. Ñaꞌarõ weetimigʉ̃, mejõ waro buꞌiri daꞌreri wiꞌipʉ dujisaꞌa, nicʉ niwĩ José.

Génesis 50:15

Na pacʉ Jacob wẽ́rĩ́ca beꞌro José maꞌmisʉmʉa aꞌtiro wãcũcãrã niwã: “Apetero weegʉ José marĩ meꞌrã uasami. Marĩrẽ ĩꞌasĩꞌrĩtibosami. Marĩ cʉ̃rẽ ñaꞌarõ weeꞌquere marĩrẽ aꞌmebosami”, ni wãcũcãrã niwã.

Éxodo 2:16

Madiã́cjʉ̃ paꞌi, Reuel wãmetigʉ siete numia põꞌrãticʉ niwĩ. Ti nʉmʉrẽta na numia ti pepʉ aco waarã waꞌacãrã niwã. Na pacʉ yarã ovejare tĩarãtirã, sĩꞌrĩse coꞌripʉ aco pio muꞌmuorã aꞌticãrã nimiwã.

Mateus 26:15

Narẽ aꞌtiro nicʉ niwĩ: —Yʉꞌʉ Jesure mʉsãrẽ oꞌocã, ¿noꞌocãꞌrõ niyeru yʉꞌʉre wapayerãsari? nicʉ niwĩ. Tojo nicã tʉꞌorã, na treinta niyeru cujirire oꞌocãrã niwã.

Mateus 27:9

Dʉporocjʉ̃pʉta Õꞌacʉ̃ ye queti weremʉꞌtãrĩ masʉ̃ Jeremía cʉ̃ “Aꞌtiro waꞌarosaꞌa” níꞌque queoro waꞌacaro niwʉ̃. Cʉ̃ aꞌtiro ojacʉ niwĩ: “Israe curuacjãrã ‘Treinta niyeru cujiri wapatimi’ níꞌcaro weronojõta te niyeru meꞌrã diꞌta sʉtʉparʉ yeerãtirã na diꞌi miirõrẽ duurãsama. Õꞌacʉ̃ yʉꞌʉre ojadutiꞌcaronojõta weerãsama”, ni ojacʉ niwĩ Jeremía.

Hechos 7:9

»Jacob põꞌrã marĩ ñecʉ̃sʉmʉa na acabiji Joseré ʉorã, ãpẽrã masãrẽ daꞌracoꞌteacjʉ niato nírã duacãrã niwã. Ãꞌrã duuꞌcãrãta tja ãpẽrãpʉre Egiptocjãrãrẽ duaturiacãrã niwã. Na duáca beꞌro cʉ̃ piꞌetisetirinʉcʉ̃ Õꞌacʉ̃ cʉ̃rẽ weetamunuꞌcũcãꞌcʉ niwĩ. Cʉ̃rẽ weetamugʉ̃, peje masĩse oꞌocʉ niwĩ. Faraṍ Egipto diꞌta wiogʉ cʉ̃rẽ tʉꞌsayʉꞌrʉacʉ niwĩ. Tojo weegʉ cʉ̃ docacjʉ̃ wiogʉ sõrõcʉ niwĩ. Apeyere faraṍ cʉ̃ ya wiꞌi cjase daꞌrase wiogʉ sõrõcʉ niwĩ.

Jueces 8:22

Beꞌro Israe curuacjãrã Gedeṍrẽ aꞌtiro nicãrã niwã: —Mʉꞌʉ ʉ̃sãrẽ madianita masã doca níꞌcãrãrẽ yʉꞌrʉowʉ. Tojo weegʉ ʉ̃sã wiogʉ sãjãña. Mʉꞌʉ põꞌrã, mʉꞌʉ pãrãmerã mʉꞌʉ beꞌro dutisirutuato, nicãrã nimiwã.

Jueces 8:24

Narẽ aꞌtiro ninemocʉ niwĩ: —Aꞌtiro peꞌe sẽrĩꞌi. Mʉsãnʉcʉ̃ mʉsã madianita masãrẽ ẽꞌmaꞌquere omopica tuusãase beꞌtorire oꞌoya, nicʉ niwĩ. Titare ismaelita masã yucʉ marĩrõcjãrã na omopica tuusãase beꞌtorire uru meꞌrã weecãrã niwã.