Génesis 34:30 - Õꞌacʉ̃ Yere Ucũrĩ Turi

³⁰ Tere ĩꞌagʉ̃, Jacob Simeó, Levíre aꞌtiro nicʉ niwĩ: —Mʉsã yʉꞌʉre ñaꞌabutiaro weepetíyeapã. Niꞌcãrõacãma aꞌtopʉ nirã́ masã cananeo masã, ferezeo masã yʉꞌʉre ne ĩꞌasĩꞌrĩtirãsama. Na yʉꞌʉ meꞌrã aꞌmewẽjẽrãtirã nerẽrãsama. Yʉꞌʉ pejetirãcã masã cʉoꞌo. Marĩrẽ wẽjẽpeꞌocãꞌrãsama.

Génesis 34:30 Iomraidhean Croise

Génesis 12:12

Egiptocjãrã mʉꞌʉrẽ ĩꞌarã, ‘Aꞌtigo ãꞌrĩ nʉmo nimo’, nirãsama. Mʉꞌʉrẽ ẽꞌmasĩꞌrĩrã, yʉꞌʉre wẽjẽrãsama. Mʉꞌʉ meꞌrã nisĩꞌrĩrã, mʉꞌʉrẽ wẽjẽsome.

Génesis 12:2

Mʉꞌʉ pãrãmerã nituriarã pãjãrã masãputicã weegʉti. Mʉꞌʉrẽ añurõ weegʉti. Nipeꞌtirã masã mʉꞌʉrẽ añurõ wãcũrãsama. Mʉꞌʉ meꞌrã ãpẽrã quẽꞌrãrẽ añurõ waꞌarosaꞌa.

Génesis 12:6

Eta, Abrã Siquem wãmetiri macãpʉ yʉꞌrʉwãꞌcãcʉ niwĩ. Ti macã pʉꞌto niꞌcʉ̃ yucʉgʉ pajicjʉ More wãmeticjʉ nicaro niwʉ̃. Tigʉ pʉꞌto Abrã tojaqueꞌacʉ niwʉ̃. Tocjãrã tigʉ pʉꞌto na ẽjõpeorãnojõrẽ ẽjõpeoseticãrã niwã. Ti diꞌtapʉre cananeo masã nicũcãrã niwã.

Génesis 13:7

Abrã yarã ecarã coꞌterã, Lot yarã ecarã coꞌterã meꞌrã aꞌmetuꞌticũcãrã niwã. Apeyema tja, titare cananeo masã, tojo nicã ferezeo masã topʉre nicãrã niwã.

Génesis 34:2

Tojo weeri cura, Siquem, Hamor heveo masʉ̃ macʉ̃ core ĩꞌagʉ̃, tutuaro meꞌrã ñeꞌe, ñaꞌarõ weecʉ niwĩ. Cʉ̃ Hamor tocjãrãrẽ dutigʉ nicʉ niwĩ.

Génesis 34:29

Wiꞌseri poꞌpeapʉ na cʉoꞌquere yajapeꞌocãꞌcãrã niwã. Wĩꞌmarãrẽ, tojo nicã numiarẽ ñeꞌe, miacãrã niwã.

Génesis 34:31

Na peꞌe cʉ̃rẽ yʉꞌticãrã niwã: —To pũrĩcãrẽ ¿cʉ̃ ʉ̃sã acabijore ʉmʉarẽ aꞌmetãrãwapataꞌari masõrẽ weronojõ cʉobopari? nicãrã niwã.

Génesis 46:26

Tojo weerã Egiptopʉre waꞌarã, Jacob põꞌrã, cʉ̃ pãrãmerã waro sesenta y seis nicãrã niwã. Na põꞌrã nʉmosãnumiarẽ baꞌpaqueonoꞌña marĩrã ticʉrã nicãrã niwã.

Génesis 46:27

José pʉarã põꞌrãticʉ niwĩ. Na Egiptopʉ bajuacãrã niwã. Tojo weerã Egiptopʉre setenta Jacob acawererã nicãrã niwã.

Éxodo 5:21

Narẽ aꞌtiro nicãrã niwã: —Õꞌacʉ̃ mʉsã weepetíyeꞌquere ĩꞌa, mʉsãrẽ buꞌiri daꞌreato. Faraṍ, tojo nicã ãpẽrã cʉ̃rẽ sʉꞌori daꞌrase dutiri masã ʉ̃sãrẽ ñaꞌarõ ĩꞌatuꞌtima. Mʉsã basuta cʉ̃rẽ diꞌpjĩ oꞌo, ʉ̃sãrẽ wẽjẽdutirã weronojõ weeapã. Tojo weerã mʉsãta buꞌiritiꞌi, nicãrã niwã.

Josué 7:25

Josué cʉ̃rẽ nicʉ niwĩ: —¿Deꞌro weegʉ mʉꞌʉ marĩrẽ aꞌte bopoyoro buꞌiri daꞌreatjere weeati? Niꞌcãrõacã Õꞌacʉ̃ mʉꞌʉrẽ buꞌiri daꞌregʉsami, nicʉ niwĩ. Tojo nitoja, nipeꞌtirã Israe curuacjãrã ʉ̃tãperi meꞌrã cʉ̃rẽ, cʉ̃ yarã ecarãrẽ doquewẽjẽcãrã niwã. Beꞌro narẽ ʉ̃jʉ̃acõꞌacãrã niwã.