Génesis 24:3 - Õꞌacʉ̃ Yere Ucũrĩ Turi

³ Õꞌacʉ̃ marĩ wiogʉ ʉꞌmʉse, diꞌta weeꞌcʉ wãme meꞌrã mʉꞌʉ “Aꞌtiro weegʉti” nicã ʉasaꞌa. Ne yʉꞌʉ macʉ̃ Isaare aꞌto Canaá yʉꞌʉ nirĩ diꞌtacjõ meꞌrã nʉmoticã weeticãꞌña.

Génesis 24:3 Iomraidhean Croise

Génesis 14:19

Abrãrẽ oꞌogʉ, aꞌtiro nicʉ niwĩ: “Õꞌacʉ̃ nipeꞌtirã buꞌipʉ nigʉ̃́, ʉꞌmʉse, aꞌti diꞌtare weeꞌcʉ mʉꞌʉrẽ añurõ weeato.

Génesis 14:22

Abrã peꞌe Melquisedere yʉꞌticʉ niwĩ: —Õꞌacʉ̃ nipeꞌtirã buꞌipʉ nigʉ̃́ ʉꞌmʉsere, aꞌti diꞌtare weeꞌcʉre cʉ̃ tʉꞌoropʉ mʉꞌʉ ye cjasere ucũtojapʉ:

Génesis 21:23

Tojo weegʉ Õꞌacʉ̃ tʉꞌoropʉ mʉꞌʉ aꞌtiro weecã ʉasaꞌa. Yʉꞌʉre, yʉꞌʉ põꞌrãrẽ, yʉꞌʉ pãrãmerãrẽ ne mejẽcã weeticãꞌña. Yʉꞌʉ mʉꞌʉrẽ wééꞌcaronojõta yʉꞌʉre añurõ weeya. Mʉꞌʉ apesecjʉ̃ nimigʉ̃, ʉ̃sã ya diꞌtapʉ niꞌi. Aꞌti diꞌtacjãrã quẽꞌrãrẽ añurõ weeya. “Õꞌacʉ̃ wãme meꞌrã tojota weegʉti” niña, nicʉ niwĩ Abimelec.

Génesis 24:7

Yʉꞌʉ wiogʉ Õꞌacʉ̃ ʉꞌmʉsecjʉ̃, yʉꞌʉ pacʉ ya wiꞌi níꞌcʉre, tojo nicã yʉꞌʉ acawererã ya diꞌtapʉ níꞌcʉre miiwĩorẽwĩ. Miiwĩorẽ, aꞌti diꞌtare “Mʉꞌʉ pãrãmerã nituriarãrẽ oꞌogʉti”, niwĩ. Cʉ̃ta mʉꞌʉ dʉporo cʉ̃rẽ werecoꞌtegʉre oꞌoyugʉsami. Tojo weegʉ mʉꞌʉ yʉꞌʉ macʉ̃ nʉmo niacjo tocjõrẽ boca, miitigʉsaꞌa.

Génesis 27:46

Beꞌro Rebeca co marãpʉ Isaare nico niwõ: —Ãꞌrã hitita masã numia Esaú nʉmosãnumia meꞌrã yʉꞌʉ caributiyʉꞌrʉa waꞌasaꞌa. Jacob cʉ̃ aꞌti diꞌta Canaácjãrã ãꞌrã hitita masã numia weronojõ nigõrẽ cʉ̃ nʉmoticãma, mejõ wẽrĩa waꞌasĩꞌrĩsaꞌa, nico niwõ.

Génesis 28:1

Tere tʉꞌogʉ, Isaa Jacore pijio, cʉ̃rẽ “Õꞌacʉ̃ mʉꞌʉrẽ añurõ weeato”, nicʉ niwĩ. Tojo nicã, cʉ̃rẽ aꞌtiro weeduticʉ niwĩ: —Mʉꞌʉ aꞌti diꞌta Canaácjãrã numiarẽ ne nʉmotiticãꞌña.

Génesis 28:8

Tojo weegʉ Esaú cʉ̃ pacʉsʉmʉa Canaá diꞌtacjãrã numiarẽ tʉꞌsatisere masĩcʉ niwĩ.

Génesis 34:9

Mʉsã ʉ̃sã acawererã weronojõ tojarã́saꞌa. Ʉ̃sã mʉsã põꞌrã numiarẽ nʉmoti, mʉsã peꞌe quẽꞌrã ʉ̃sã põꞌrã numiarẽ nʉmotirãsaꞌa.

Génesis 38:2

Topʉ niꞌcõ numiorẽ Canaá diꞌtacjʉ̃ Súa wãmetigʉ macõrẽ ĩꞌacʉ niwĩ. Core nʉmoticʉ niwĩ. Co meꞌrã níca beꞌro co nijĩpaco ni, niꞌcʉ̃ wĩꞌmagʉ̃ põꞌrãtico niwõ. Cʉ̃rẽ Er wãme õꞌoco niwõ.

Génesis 47:31

—“Õꞌacʉ̃ wãme meꞌrã diacjʉ̃ta tojo weegʉti” niña, ninemocʉ niwĩ cʉ̃ macʉ̃rẽ. Tere tʉꞌogʉ, José nicʉ niwĩ: —Jaʉ, Õꞌacʉ̃ wãme meꞌrã tojota weegʉti. Cʉ̃ tojo níca beꞌro Jacob Õꞌacʉ̃rẽ ẽjõpeogʉ, cʉ̃ cũñarõ yapapʉ ejaqueꞌacʉ niwĩ.

Génesis 50:25

Diacjʉ̃ta Õꞌacʉ̃ mʉsãrẽ weetamugʉ̃ aꞌtigʉsami. Tojo waꞌacã, ye õꞌarĩ mejãrẽ mʉsã miaña. “Õꞌacʉ̃ wãme meꞌrã tojota weerãti”, niña, nicʉ niwĩ. —Jaʉ, Õꞌacʉ̃ wãme meꞌrã mʉꞌʉ níꞌcaronojõ weerãti, nicãrã niwã.

Génesis 6:2

Õꞌacʉ̃ yarã nimiꞌcãrã na numiarẽ ĩꞌarã, “Añubutiarã numia nima”, ni ĩꞌacãrã niwã. Tojo weerã nanʉcʉ̃ noꞌo na ʉagore, na tʉꞌsagore nʉmoticũcãrã niwã.

Génesis 6:4

Titare Õꞌacʉ̃ yarã nimiꞌcãrã, na masã põꞌrã numia meꞌrã nʉmoticã, na põꞌrã pacarã waro, tutuarã nicãrã niwã. Beꞌropʉ quẽꞌrãrẽ na pãrãmerã nituriarã pacarã nicãrã niwã. Dʉporocjãrã narẽ ucũrã, “Nipeꞌtirã ãpẽrã masã yʉꞌrʉoro tutuarã, tʉꞌomasĩrã nima”, nicãrã niwã.

Éxodo 20:7

”Yʉꞌʉ Õꞌacʉ̃, mʉsã wiogʉre wiopesase meꞌrã wãcũtimirã, wãmepeomaꞌaticãꞌña. Tojo ucũmaꞌarãrẽ buꞌiri daꞌregʉsaꞌa.

Éxodo 34:16

Apetero weerã na põꞌrã numiarẽ mʉsã põꞌrã ʉmʉarẽ numisobosama. Numisoo, na põꞌrã numia Õꞌacʉ̃ nitirãrẽ ẽjõpeorã, mʉsã põꞌrã ʉmʉarẽ mejãrõta narẽ ẽjõpeocã weebosama.

1 Corintios 7:39

Marĩrẽ dutise aꞌtiro niꞌi. Marãpʉtigo co marãpʉ catiri cura cʉ̃ meꞌrã ninuꞌcũcãꞌto. Cʉ̃ wẽ́rĩ́ca beꞌro co noꞌo tʉꞌsagʉnojõ meꞌrã marãpʉtiato, niꞌi. Co marãpʉ Jesucristore ẽjõpeogʉ niato.

Josué 2:12

Tojo weego mʉsãrẽ sẽrĩꞌi. Õꞌacʉ̃ wãme meꞌrã “Mʉꞌʉ acawererãrẽ añurõ weerãti”, niña. Yʉꞌʉ mʉsãrẽ añurõ weetamuꞌcaronojõta weeya. “Diacjʉ̃ta tojo weerãti” nírã,

Jueces 14:3

Cʉ̃ pacʉsʉmʉa cʉ̃rẽ yʉꞌticãrã niwã: —¿Deꞌro weegʉ mʉꞌʉ sõjã filisteo masã, Õꞌacʉ̃rẽ ẽjõpeotirã waꞌteropʉre mʉꞌʉ nʉmo niacjore aꞌmati? ¿Marĩ Israe curuacjãrã waꞌteropʉre mʉꞌʉ basucãrã numia mʉꞌʉ meꞌrã omocã dʉꞌteacjo marĩti? nicãrã niwã. Sansón peꞌe pacʉsʉmʉarẽ yʉꞌticʉ niwĩ: —Core miirã waꞌaya. Yʉꞌʉ tʉꞌsago niamo, nicʉ niwĩ.