Génesis 24:27 - Õꞌacʉ̃ Yere Ucũrĩ Turi

²⁷ Aꞌtiro nicʉ niwĩ: “Õꞌacʉ̃, Abrahã yʉꞌʉ wiogʉ ẽjõpeogʉ, mʉꞌʉ añuyʉꞌrʉaꞌa. Yʉꞌʉ wiogʉre añurõ wéégʉ, mʉꞌʉ ‘Aꞌtiro weegʉti’ níꞌquere queoro weeapʉ. Yʉꞌʉ quẽꞌrãrẽ cʉ̃ acawererã ya wiꞌipʉ miitiapʉ”, nicʉ niwĩ.

Génesis 24:27 Iomraidhean Croise

Génesis 13:8

Tojo weegʉ Abrã cʉ̃ acabiji macʉ̃ Lot meꞌrã aꞌtiro ni ucũcʉ niwĩ: “Marĩ niꞌcʉ̃ põꞌrã niꞌi. Tojo weerã marĩ cumuca marĩrõ nirõʉaꞌa. Marĩ yarã ecarã coꞌterã quẽꞌrã mejãrõta nirãsama.

Génesis 14:20

Õꞌacʉ̃ nipeꞌtirã buꞌipʉ nigʉ̃rẽ ‘Añuꞌu’, nírã. Mʉꞌʉrẽ ĩꞌatuꞌtiꞌcãrãrẽ aꞌmewẽjẽ wapataꞌacã weecʉ niami.” Cʉ̃ tojo níca beꞌro Abrã cʉ̃ aꞌmewẽjẽ wapataꞌaꞌquere diez mesãrĩ dʉcawaacũucʉ niwĩ. Niꞌcã mesãrẽ Melquisedere oꞌocʉ niwĩ.

Génesis 24:12

Tojo weetoja, Õꞌacʉ̃rẽ aꞌtiro sẽrĩcʉ niwĩ: “Õꞌacʉ̃, yʉꞌʉ wiogʉ Abrahã ẽjõpeogʉ, niꞌcãcãrẽ yʉꞌʉre añurõ waꞌacã weeya. Yʉꞌʉ wiogʉre mʉꞌʉ maꞌisere ĩꞌoña.

Génesis 24:21

Co tojo weesere ĩꞌagʉ̃, Abrahãrẽ daꞌracoꞌtegʉ “Yʉꞌʉ aꞌtopʉ aꞌticã, Õꞌacʉ̃ cʉ̃ ‘Aꞌtiro weegʉti’ níꞌquere ¿diacjʉ̃ta weegʉsari?”, ni tʉꞌoñaꞌgʉ̃, tojo ĩꞌacãꞌcʉ niwĩ.

Génesis 24:4

Tojo weetigʉ, ya diꞌtapʉ waꞌa, yʉꞌʉ acawererã numia waꞌteropʉre cʉ̃ nʉmo niacjore besegʉ waꞌaya.

Génesis 24:42

»Niꞌcãcã aco waari pe tiropʉ ejagʉ, Õꞌacʉ̃, yʉꞌʉ wiogʉ Abrahã ẽjõpeogʉre sẽrĩapʉ: “Mʉꞌʉ ʉaro yʉꞌʉ aꞌtopʉ aꞌtisere añurõ waꞌacã weebosaya.

Génesis 24:48

Tojo weetoja, yʉꞌʉ ejaqueꞌa, Õꞌacʉ̃rẽ, Abrahã yʉꞌʉ wiogʉ ẽjõpeogʉre eꞌcatise oꞌoapʉ. Cʉ̃ yʉꞌʉ wiogʉ acawererã tiropʉ waꞌari maꞌarẽ queoro ĩꞌoami. Cʉ̃ yʉꞌʉ wiogʉ Abrahã macʉ̃ nʉmo niacjore miidutigʉ, tojo weeami.

Génesis 32:10

Mʉꞌʉ yʉꞌʉre añurõ pajañaꞌa, queoro weeapʉ. Yʉꞌʉ ñaꞌagʉ̃ nimicã, tojo weeapʉ. Yʉꞌʉ aꞌti maa dia Jordã́rẽ yʉꞌrʉtẽrĩpẽꞌagʉ̃, yʉꞌʉ tuacjʉacã diaꞌcʉ̃ cʉomiwʉ̃. Niꞌcãrõacãma pʉa curua masã cʉoꞌo.

Génesis 32:11

Yʉꞌʉre pajañaꞌcureya. Yʉꞌʉ maꞌmi Esaú yʉꞌʉre ne mejẽcã weecã weeticãꞌña. Cʉ̃ yʉꞌʉre, numiarẽ, wĩꞌmarãrẽ wẽjẽbosami nígʉ̃, uiꞌi.

Génesis 9:26

Noé aꞌtiro ninemocʉ niwĩ: “Sẽ wiogʉ Õꞌacʉ̃rẽ ‘Añuyʉꞌrʉami’, ni eꞌcatipeoato. Canaá Sẽrẽ daꞌracoꞌtegʉ niato.

Éxodo 18:10

Aꞌtiro nicʉ niwĩ: —Õꞌacʉ̃ añuyʉꞌrʉami, ni eꞌcatipeoato. Cʉ̃ta mʉsãrẽ faraṍ, Egiptocjãrã na dutise doca níꞌcãrãrẽ yʉꞌrʉweticã weeapĩ.

Éxodo 2:11

Peje cʉ̃ꞌmarĩ beꞌro Moisé bʉcʉpʉ nígʉ̃, niꞌcã nʉmʉ cʉ̃ acawererãrẽ ĩꞌagʉ̃ waꞌacʉ niwĩ. Topʉ hebreo masãrẽ ʉpʉtʉ daꞌradutipecã ĩꞌacʉ niwĩ. Niꞌcʉ̃ Egiptocjʉ̃ cʉ̃ acaweregʉ hebreo masʉ̃rẽ paacã ĩꞌacʉ niwĩ.

Éxodo 2:13

Ape nʉmʉ cʉ̃ acawererã nirõpʉ waꞌacʉ niwĩ tja. Pʉarã hebreo masãrẽ aꞌmequẽcã ĩꞌacʉ niwĩ. Tojo wee, apĩrẽ paagʉre sẽrĩtiñaꞌcʉ niwĩ: —¿Deꞌro weegʉ mʉꞌʉ acaweregʉre paati? nicʉ niwĩ.

Éxodo 34:6

Moisé dʉporo yʉꞌrʉagʉ, aꞌtiro nicʉ niwĩ: —Yʉꞌʉ Õꞌacʉ̃, mʉsã wiogʉ niꞌi. Masãrẽ pajañaꞌgʉ̃, añurõ weesetigʉ niꞌi. Uáyegʉ mejẽta niꞌi. Masãrẽ yʉꞌʉ maꞌiyʉꞌrʉsere ĩꞌoꞌo. Yʉꞌʉ “Weegʉti” níꞌquere queoro weeꞌe.

San Lucas 1:68

Marĩ wiogʉ Õꞌacʉ̃ Israe curuacjãrã wiogʉre añurõ ucũrã. Marĩ tiro, cʉ̃ yarã tiropʉ aꞌtimi. Marĩrẽ weetamugʉ̃, añurõ yʉꞌrʉcã weegʉsami.

San Juan 1:17

Õꞌacʉ̃ dutise Moisé meꞌrã oꞌonoꞌcaro niwʉ̃. Jesucristo meꞌrã peꞌe Õꞌacʉ̃ marĩrẽ maꞌisere masĩnoꞌo. Tojo nicã diacjʉ̃ cjasere masĩnoꞌo.

Efesios 1:3

Õꞌacʉ̃, marĩ wiogʉ Jesucristo pacʉre eꞌcatise oꞌorã. Cristo yarã niyucã, Õꞌacʉ̃ marĩrẽ añurõ weecʉ niwĩ. Marĩrẽ maꞌígʉ̃, nipeꞌtise ʉꞌmʉsepʉ ejeripõꞌrã cjase añusere oꞌocʉ niwĩ.

1 Timoteo 1:17

Tojo weerã Õꞌacʉ̃rẽ “Añuyʉꞌrʉami”, ninuꞌcũrã. Cʉ̃ wiogʉ ninuꞌcũgʉ̃ nimi. Ne wẽrĩsome. Õꞌacʉ̃ niꞌcʉ̃ta nimi. Cʉ̃ bajutigʉ, masĩyʉꞌrʉgʉ nimi. Tojota nimi.

Rut 4:14

Tojo waꞌacã ĩꞌarã, Belẽ́cjãrã numia Noemírẽ aꞌtiro nicãrã niwã: —Õꞌacʉ̃rẽ “Añuyʉꞌrʉami”, ni eꞌcatipeorã. Niꞌcãcã mʉꞌʉrẽ pãrãmiticã weeami. Cʉ̃rẽ mʉꞌʉrẽ coꞌtedutigʉ oꞌoami. Israe curuacjãrã cʉ̃rẽ añurõ ucũyʉꞌrʉnʉꞌcãto.