Génesis 22:16 - Õꞌacʉ̃ Yere Ucũrĩ Turi

¹⁶ Aꞌtiro nicʉ niwĩ: —Õꞌacʉ̃ aꞌtiro niami: “Aꞌte mʉꞌʉ weeꞌquere masĩꞌi. Yʉꞌʉre, ‘Yʉꞌʉ macʉ̃ niꞌcʉ̃ nigʉ̃rẽ mʉꞌʉrẽ oꞌosome’, ne nitiapʉ. Tojo weegʉ yʉꞌʉ basu yʉꞌʉ wãme meꞌrã mʉꞌʉrẽ añurõ waꞌacã weegʉti.

Génesis 22:16 Iomraidhean Croise

Génesis 12:2

Mʉꞌʉ pãrãmerã nituriarã pãjãrã masãputicã weegʉti. Mʉꞌʉrẽ añurõ weegʉti. Nipeꞌtirã masã mʉꞌʉrẽ añurõ wãcũrãsama. Mʉꞌʉ meꞌrã ãpẽrã quẽꞌrãrẽ añurõ waꞌarosaꞌa.

Génesis 22:12

—Mʉꞌʉ macʉ̃rẽ ne mejẽcã weeticãꞌña. Niꞌcãrõacã yʉꞌʉ masĩꞌi. Mʉꞌʉ yʉꞌʉre, “Yʉꞌʉ macʉ̃ niꞌcʉ̃ nigʉ̃rẽ mʉꞌʉrẽ oꞌosome”, ne nitiapʉ. Tojo weegʉ yʉꞌʉ masĩꞌi mʉꞌʉ yʉꞌʉre wiopesase meꞌrã ĩꞌaꞌa, nicʉ niwĩ.

Génesis 22:15

Apaturi Õꞌacʉ̃ cʉ̃ basuta nimigʉ̃, cʉ̃rẽ werecoꞌtegʉ weronojõ upʉsãjãnʉꞌcã, ʉꞌmʉsepʉ Abrahãrẽ pisudijocʉ niwĩ tja.

Génesis 22:2

Cʉ̃ yʉꞌtíca beꞌro Õꞌacʉ̃ cʉ̃rẽ nicʉ niwĩ: —Mʉꞌʉ macʉ̃, niꞌcʉ̃ nigʉ̃rẽ, mʉꞌʉ ʉpʉtʉ maꞌigʉ̃ Isaare aperopʉ Moriah wãmetiri diꞌtapʉ miaña. Topʉ etagʉ, ʉ̃rʉ̃gʉ̃, mʉꞌʉrẽ ĩꞌocjʉpʉ mʉjãña. Tigʉ buꞌipʉ cʉ̃rẽ waꞌicʉre wẽjẽ ʉ̃jʉ̃amorõpeogʉ weronojõ weeya, nicʉ niwĩ.

Génesis 26:3

Niꞌcãrõacãrẽ aꞌti diꞌtata toja, níniꞌña yujupʉ. Yʉꞌʉ mʉꞌʉ meꞌrã nigʉ̃ti. Mʉꞌʉrẽ añurõ waꞌacã weegʉti. Mʉꞌʉrẽ, mʉꞌʉ pãrãmerã nituriarãrẽ aꞌti diꞌtare oꞌogʉti. Aꞌtiro wéégʉ, mʉꞌʉ pacʉ Abrahãrẽ yʉꞌʉ ‘Tojo weegʉti’ níꞌquere queoro waꞌacã weegʉti.

Génesis 26:5

Abrahã yʉꞌʉ dutiꞌquere, yʉꞌʉ ‘Tojo weeya’ níꞌquere queoro yʉꞌtiwĩ. Tojo weegʉ tojo weegʉsaꞌa”, nicʉ niwĩ Õꞌacʉ̃.

Éxodo 17:16

Aꞌtiro ni ucũcʉ niwĩ: “Yʉꞌʉ wiogʉ Õꞌacʉ̃ weetamusere sẽrĩrã, omocãrĩ cʉ̃ tiropʉ sĩomorõnoꞌwʉ̃. Õꞌacʉ̃ amaleca masã meꞌrã aꞌmewẽjẽnuꞌcũcjʉ̃sami. Aꞌtocaterocjãrã meꞌrã téé beꞌrocjãrãpʉ quẽꞌrãrẽ tojota aꞌmewẽjẽ yapatinuꞌcũgʉ̃sami”, nicʉ niwĩ Moisé.

Éxodo 2:24

Tere tʉꞌogʉ, cʉ̃ todʉporopʉ Abrahã, Isaa, Jacob meꞌrã apoꞌquere wãcũcʉ niwĩ.

Éxodo 32:13

Mʉꞌʉrẽ daꞌracoꞌterã Abrahãrẽ, Isaare, Jacore níꞌquere wãcũña. Mʉꞌʉ basuta mʉꞌʉ wãme meꞌrã narẽ aꞌtiro nicũpã: “Mʉsã pãrãmerã nituriarãrẽ ñocõa weronojõ pãjãrã masãputicã weegʉti. Tojo nicã, aꞌti diꞌta mʉsãrẽ oꞌogʉti níꞌque diꞌtare mʉsã pãrãmerã nituriarãrẽ oꞌogʉsaꞌa. Na ye diꞌta ninuꞌcũcãꞌrõsaꞌa”, nicũpã.

San Lucas 1:73

Aꞌtere Õꞌacʉ̃ cʉ̃ basuta marĩ ñecʉ̃ Abrahãrẽ “Tojo weegʉti”, nicʉ niwĩ.