Génesis 18:31 - Õꞌacʉ̃ Yere Ucũrĩ Turi

³¹ Abrahã sẽrĩtiñaꞌnemosãjãcʉ niwĩ tja: —Yʉꞌʉ wiogʉ, uiro marĩrõ mʉꞌʉrẽ ucũmiapʉba. Veinte añurã bocaejagʉ, ¿deꞌro weegʉsari? Õꞌacʉ̃ yʉꞌticʉ niwĩ tja: —Na veinte añurã nicã quẽꞌrãrẽ ti macãcjãrãrẽ cõꞌasome.

Génesis 18:31 Iomraidhean Croise

Génesis 18:27

Abrahã ninemocʉ niwĩ tja: —Mʉꞌʉ Õꞌacʉ̃ niꞌi. Yʉꞌʉ pũrĩcã masʉ̃ mejõ nigʉ̃ niꞌi. Tojo nimigʉ̃, noꞌo ʉaro bʉsʉmaꞌagʉ̃ weronojõ mʉꞌʉrẽ ucũmaꞌasaꞌa.

Génesis 18:30

Abrahã peꞌe sẽrĩtiñaꞌnemocʉ niwĩ tja: —Yʉꞌʉ meꞌrã uaticãꞌña. Mʉꞌʉrẽ apaturi sẽrĩtiñaꞌnemogʉ̃ti. ¿Deꞌro weegʉsari treinta añurãrẽ bocaejagʉ waro? Õꞌacʉ̃ apaturi nicʉ niwĩ: —Treinta añurãrẽ bocaejagʉ, ti macãcjãrãrẽ acobojogʉti.

Génesis 18:32

Abrahã sẽrĩtiñaꞌtʉocʉ niwĩ: —Yʉꞌʉ wiogʉ, yʉꞌʉ meꞌrã uacʉpa. Mʉꞌʉrẽ aꞌtota sẽrĩtiñaꞌtʉogʉti majã. Ne caribonemosome. ¿Deꞌro weegʉsari mʉꞌʉ, diez diaꞌcʉ̃ añurãrẽ bocaejagʉ? Õꞌacʉ̃ nicʉ niwĩ: —Diez añurã nicã, ti macãcjãrãrẽ cõꞌasome.

Mateus 7:11

Mʉsã ñaꞌarã nimirã, mʉsã põꞌrãrẽ añusere oꞌomasĩꞌi. To pũrĩcãrẽ marĩ pacʉ ʉꞌmʉsepʉ nigʉ̃́ cʉ̃rẽ sẽrĩrãrẽ nemorõ añusere oꞌogʉsami.

Mateus 7:7

”Õꞌacʉ̃rẽ sẽrĩña. Cʉ̃rẽ sẽrĩcã, oꞌogʉsami. Mʉsã sẽrĩ aꞌmanuꞌcũrã, bocarãsaꞌa. Mʉsã meꞌrãcjʉ̃ ya wiꞌire sope pʉꞌto pisunuꞌcũcã, cʉ̃ mʉsãrẽ pãosõrõrõ weronojõ weegʉsami.

San Lucas 11:8

Mʉsãrẽ weregʉti. Cʉ̃, cʉ̃ meꞌrãcjʉ̃ nimicã, wãꞌcã, cʉ̃rẽ apeyenojõ oꞌogʉ waꞌatisami. Aꞌtiro peꞌe weesami. Cʉ̃rẽ sẽrĩnuꞌcũcã ĩꞌagʉ̃, caribonemoticãꞌto nígʉ̃, nipeꞌtise cʉ̃ ʉasere oꞌosami. Cʉ̃, cʉ̃ meꞌrãcjʉ̃ nise ye buꞌiri mejẽta tojo weesami.

San Lucas 18:1

Jesú cʉ̃ buꞌerãrẽ aꞌtiro weeya nígʉ̃, queose meꞌrã werecʉ niwĩ. Narẽ duꞌucũurõ marĩrõ, bʉjawetiro marĩrõ ñubuenuꞌcũdutigʉ aꞌte queosere oꞌocʉ niwĩ.

Efesios 6:18

Nipeꞌtise ñaꞌasere, wãtĩarẽ cãꞌmotaꞌarã Õꞌacʉ̃rẽ sẽrĩnuꞌcũcãꞌña. Espíritu Santu weetamuse meꞌrã sẽrĩña. Tʉꞌomasĩse meꞌrã sẽrĩduꞌutirãta, nipeꞌtirã cʉ̃ yarãrẽ sẽrĩbosanuꞌcũcãꞌña.

Hebreos 4:16

Marĩrẽ cʉ̃ pajañaꞌyucã, uiro marĩrõ Õꞌacʉ̃ cʉ̃ weetamusere sẽrĩmasĩꞌi. Marĩrẽ añurõ weegʉsami. Marĩrẽ mejẽcã waꞌacã, cʉ̃rẽ weetamuse sẽrĩcã, pajañaꞌgʉ̃sami.